កីឡា

ក្លឹបចំបាប់ព្រះធាតុខេត្តពោធិ៍សាត់ មានសិស្សចូលហ្វឹកហាត់បានប្រហែល ៥០-៦០នាក់ហើយ

បានផុស

៩ វិនាទី មុន

នៅ

ថ្ងៃចន្ទ ២៩ មិថុនា ២០២៦

ដោយ

ក្លឹបចំបាប់ព្រះធាតុ ក្នុងខេត្តពោធិ៍សាត់ របស់កីឡាករជម្រើសជាតិ ហេង វុទ្ធី ថាតាំងពីចាប់បើករហូតមកដល់ពេលនេះមានកីឡាករ កីឡាការិនីថ្នាលចូលហ្វឹកហាត់បានប្រហែល ៥០-៦០នាក់មកហើយជារៀងរាល់ចុងសប្ដាហ៍កន្លងទៅនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទិដ្ឋភាពក្លឹបព្រះធាតុ

ម្ចាស់ក្លឹបព្រះធាតុកីឡាករ ហេង វុទ្ធី បានឲ្យដឹងថា បច្ចុប្បន្ននេះប្រសិនបើសិស្សមកហ្វឹកហាត់ជុំគ្នានោះមានចន្លោះពី ៥០-៦០នាក់ឯណោះ។ ប៉ុន្តែបើមកហាត់យ៉ាងតិចបំផុតក៏មានចំនួនពី ៣០នាក់នោះដែរជារៀងរាល់ចុងសប្ដាហ៍។

កីឡាករ ហេង វុទ្ធី បន្ថែមទៀតថា បើទោះជាមានសិស្សចូលហ្វឹកហាត់ច្រើនដូចនេះក្ដីគឺក្លឹបនៅតែបន្តទទួលស្វាគមន៍ចំពោះយុវជនដទៃទៀតដែលមានបំណងចង់ចូលហ្វឹកហាត់ទៀត។ ព្រោះក្លឹបនេះគឺបង្កើតឡើងចង់ផ្សព្វផ្សាយពីកីឡាចំបាប់ និងចូលរួមបណ្ដុះធនធានថ្នាលឲ្យបានច្រើនដើម្បីបន្តវេនរៀមច្បងប្រកួតប្រជែងមេដាយអន្តរជាតិជូនកម្ពុជានៅថ្ងៃខាងមុខ។

ទិដ្ឋភាពប្រកួតថ្ងៃសម្ពោធក្លឹប

ចំពោះការចំណាយផ្សេងៗលើការហ្វឹកហាត់នេះក៏អស់ថវិកាច្រើនផងដែរដូចជាថ្លៃទឹកភ្លើងក្លឹប ថ្លៃភេសជ្ជៈ ទឹកសម្រាប់កីឡាករ កីឡាការិនីញុំគឺមានបញ្ហាប្រឈមខ្លះៗដែរ។ បើទោះជាសប្ដាហ៍ណាខ្លះលោករវល់នៅភ្នំពេញយ៉ាងណាក្ដីក៏មានគ្រូៗចាំបើកក្លឹប និងបង្ហាត់សិស្សដែរគឺមិនផ្អាកសកម្មភាពនោះឡើយ។

ទិដ្ឋភាពក្លឹបចំបាប់ព្រះធាតុ

បញ្ជាក់ដែរថា ក្លឹបចំបាប់ព្រះធាតុខេត្តពោធិ៍សាត់ទើបតែសម្ពោធជាផ្លូវការកាលពីថ្ងៃទី៥ ខែមិថុនា ឆ្នាំ២០២៦ នេះនោះទេ។ ក្លឹបនេះផ្ដួចផ្ដើមពីកីឡាករ ហេង វុទ្ធី ជាជម្រើសជាតិដែលមានស្នាដៃក្នុងវិស័យកីឡាចំបាប់ និងមានការឧបត្ថម្ភគាំទ្រពីលោក ខេស៊ី បាណេត អនុប្រធានសហព័ន្ធផងដែរទើបសម្រេចបាននៅក្លឹបបែបស្ដង់ដាមួយនេះឡើង។ ក្លឹបចំបាប់នេះគឺមានទីតាំងនៅភូមិឥន្ធ្យា ឃុំស្រែស្ដុក ស្រុកកណ្ដៀង ខេត្តពោធិ៍សាត់៕