កីឡា

សហព័ន្ធកីឡាលើកទម្ងន់អន្តរជាតិ បានឧបត្ថម្ភឧបករណ៍ហ្វឹកហាត់តម្លៃ៦ពាន់ដុល្លារដល់សហព័ន្ធកីឡាលើកទម្ងន់កម្ពុជា

បានផុស

៥ years មុន

នៅ

ថ្ងៃសុក្រ ៧ ឧសភា ២០២១

ដោយ

ដើម្បីជំរុញការហ្វឹតហាត់កីឡាករ-កីឡាការិនីកម្ពុជាត្រៀមចូលរួមព្រឹត្តិការណ៍ការប្រកួតកីឡា SEA GAMES 2021 ឆ្នាំ២០២១ លើកទី៣១ នៅទីក្រុងហាណូយ ប្រទេសវៀតណាម នាខែវិច្ឆិកា ឆ្នាំ២០២១ខាងមុខនេះ សហព័ន្ធកីឡាលើកទម្ងន់កម្ពុជានៅថ្ងៃទី៦ ខែឧសភា ឆ្នាំ២០២១ បានទទួលឧបករណ៍ហ្វឹកហាត់ក្រោមការការឧបត្ថម្ភពីសហព័ន្ធកីឡាលើកទម្ងន់អន្តរជាតិ “IWF” និង “AWF” និងសហព័ន្ធកីឡាលើកទម្ងន់អាស៊ី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សំ សុខយី អគ្គលេខាធិការនៃសហព័ន្ធកីឡាលើកទម្ងន់កម្ពុជាបានប្រាប់តាមប្រព័ន្ធអេឡិចត្រូនិកថា សហព័ន្ធកីឡាលើកទម្ងន់អន្តរជាតិ “IWF” និង “AWF” និងសហព័ន្ធកីឡាលើកទម្ងន់អាស៊ី បានឧបត្ថម្ភសម្ភារហ្វឹកហាត់ស្មើនឹងទឹកប្រាក់ ៦០០០ដុល្លារអាមេរិក និងសហព័ន្ធកីឡាលើកទម្ងន់អាស៊ីឧបត្ថម្ភសម្ភារហ្វឹកហាត់ ២ឈុត។ លោកបន្តថា នេះជាការខិតខំរបស់សមា ជិកប្រតិបត្តិសហព័ន្ធកីឡាលើកទម្ងន់កម្ពុជា ដើម្បីជួយសម្រួលដល់ហ្វឹកហាត់ត្រៀមកីឡា SEA GAMES 2021 នៅប្រទេសវៀតណាមនាខែវិច្ឆិកា ឆ្នាំ២០២១ ខាងមុខនេះ។

លោក សំ សុខយី បញ្ជាក់ថា ឧបករណ៍ទាំងនេះ នឹងជួយជំរុញការហ្វឹកហាត់សម្រាប់រដូវកាលមេរោគកូវីដ ដោយការប្រកាន់ភ្ជាប់៣កុំ និង៣ការពារ ព្រមទាំងគោរពតាមណែនាំរបស់ក្រសួងសុខាភិបាលក្នុងការពង្រឹងសមត្ថភាព និងបច្ចេកទេសដើម្បីឲ្យទទួលគុណផលល្អប្រសើរមុនចេញទៅប្រកួត SEA GAMES 2021នាពេលខាងមុខនេះ។ លោកអគ្គលេខា បានបន្ថែមទៀតថា ឆ្នាំនេះសហព័ន្ធត្រូវបានក្រសួងអប់រំយុវជន និងកីឡាអនុញ្ញាតឲ្យចូលរួមជម្រើសជាតិឆ្នាំ២០២១ ក្នុងនោះគ្រូបង្វឹកចំនួន២រូប និងកីឡាករ-កីឡាការិនីចំនួន៧នាក់ក្ នុងនោះកីឡាការិនី៣នាក់។ ចំពោះគ្រូបង្វឹកចំនួន២រូប គឺអ្នកគ្រូ ទ្រី សុថាវី និងលោក គ្រូ ហាក់ ចាន់ដារ៉ា ចំណែកកីឡាករ-កីឡា ការិនីចំនួន៧នាក់រួមមានកីឡាការិនី សេង បូរិន ប្រភេទទម្ងន់ក្រោម៤៥គីឡូក្រាម កីឡាការិនី តាន់ ប៉ុច ប្រភេទទម្ងន់ក្រោម៤៩ គីឡូក្រាម និងកីឡាការិនី រើន ស្រីនិត ប្រភេទទម្ងន់ក្រោម៧១គីឡូក្រាម។ កីឡាករ ពេជ្យ សីហា ប្រភេទទម្ងន់ក្រោម ៥៥ គីឡូក្រាម កីឡាករ នី ចាន់ថានន់ ប្រភេទទម្ងន់ក្រោម ៦១ គីឡូក្រាម កីឡាករ ជឿម រស្មី ប្រភេទទម្ងន់ក្រោម ៥៧ គីឡូក្រាម និងកីឡាករ ជឿម ពិសិដ្ឋ ប្រភេទទម្ងន់ក្រោម ៨៩ គីឡូក្រាម៕

អត្ថបទ៖ វិសិទ្ធ

សូមចុចអាន៖ ក្លិបវិសាខា ប្រកាសបញ្ចប់កិច្ចសន្យាកីឡាករ Charlie Machell ដែលមិនទាន់បង្ហាញខ្លួនមួយទាល់តែសោះ

Related Topics:

ព័ត៌មានអន្ដរជាតិ២ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៤ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា