កីឡា
ក្លិបវិសាខា ប្រកាសបញ្ចប់កិច្ចសន្យាកីឡាករ Charlie Machell ដែលមិនទាន់បង្ហាញខ្លួនមួយទាល់តែសោះ
កីឡាករកូតាបរទេសជនជាតិអង់គ្លេស Charlie Machell និងក្លិបបាល់ទាត់វិសាខា ដែលកំពុងលេងក្នុងពាន Metfone Cambodian League 2021 បានព្រមព្រៀងគ្នាបញ្ចប់កិច្ចសន្យា ទាំងអំឡុងពេលបាល់ទាត់នៅក្នុងស្រុកត្រូវផ្អាកសកម្មភាព ខណៈកីឡាកររូបនេះនៅមិនទាន់បានចូលលេងលើទីលានឱ្យវិសាខា ១ប្រកួតនៅឡើយនោះទេ។
បើតាមសេចក្តីប្រកាសព័ត៌មានរបស់ក្លិបវិសាខា នៅហ្វេសប៊ុកផ្លូវការ បញ្ជាក់ថា” ក្លិបកីឡាបាល់ទាត់ វិសាខា មានកិត្តិយសសូមជម្រាបថា ពួកយើងបានសម្រេចចិត្ដដ៏លំបាកបំផុត ក្នុងការបញ្ចប់កិច្ចសន្យាជាមួយកីឡាករសញ្ជាតិអង់គ្លេស Charlie Machell បន្ទាប់ពីមានការព្រមព្រៀងគ្នា។ តាងនាមគ្រួសារបាល់ទាត់វិសាខា សូមជូនពរ Charlie ជួបតែសំណាងល្អ និងទទួលបានជោគជ័យក្នុងអាជីពនាថ្ងៃអនាគត”។
ការចាកចេញរបស់កីឡាករវ័យ២៦ឆ្នាំរូបនេះ គឺស្របពេលវិសាខា ទើបតែបង្ហាញខ្លួនបាន១ប្រកួតប៉ុណ្ណោះ ក្នុងពាន Metfone Cambodian League ហើយរូបគេត្រូវបានលោកគ្រូបង្វឹកជនជាតិអៀរឡង់ Colum Curtisដាក់ឱ្យស្ថិតនៅក្នុងបញ្ជីបម្រុង។ តែកីឡាកររូបនេះបានបង្ហាញខ្លួនក្នុងពានរង្វាន់កម្តៅសាច់ដុំមុនបើករដូវកាលខ្លះៗហើយដែរ។
ដូច្នេះក្រុមវិសាខា នៅសល់កីឡាករបរទេសចំនួន៤នាក់ប៉ុណ្ណោះ ស្របពេលដែលសហព័ន្ធកីឡាបាល់ទាត់កម្ពុជា ដែលមានគណៈកម្មការប្រកួតបាល់ទាត់ជាតិកម្ពុជា (CNCC) អនុញ្ញាតិឱ្យក្លិបជាសមាជិកទាំង១៣ អាចចុះបញ្ជីកីឡាករបរទេសបាន៥នាក់ នៅក្នុងក្រុម ប៉ុន្តែក្នុងនោះត្រូវមានកីឡាករដែលជាប្រជាជាតិទ្វីបអាស៊ី ចំនួន១រូប។ កីឡាករបរទេសដែលនៅសល់របស់វិសាខា មាន Ajayi Opeyemi Korede ជនជាតិនីហ្សេរីយ៉ា Mohammed Khan ជនជាតិអាហ្វ្រិកខាងត្បូង កីឡាករកាណាដា Marcus Haber និងកីឡាករអាហ្វហ្គានីស្ថាន Mustafa Zazai។
ក្រុមវិសាខា ជាបេក្ខភាព១របស់កម្ពុជា ឡើងទៅលេងពាន AFC Cup 2021 ខាងមុខជាមួយក្រុម Lalenok United របស់ទីម័រខាងកើត ក្នុងខែមិថុនា។ ចំណែកលទ្ធផល១ប្រកួតកន្លងមករបស់វិសាខា បានត្រឹមស្មើគ្នាជាមួយក្រុមកងយោធពលខេមរភូមិន្ទ ដោយលទ្ធផល០ទល់០ កាលពីសប្ដាហ៍ទី១ ក្នុងរដូវកាលឆ្នាំ២០២១ លើទីលានកីឡដ្ឋានព្រីនស៍ របស់ពួកគេ៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ