ព័ត៌មានជាតិ

គម្រោងសាងសង់ស្ពានឆ្លងកាត់ពីកោះនរា ទៅកោះពេជ្រ មានប្រវែង៧០០ម៉ែត្រ

បានផុស

៦ years មុន

នៅ

ថ្ងៃព្រហស្បតិ៍ ២២ តុលា ២០២០

ដោយ

តាមប្រភពពីអ្នកបច្ចេកទេស បាននិយាយថា គម្រោងសាងសង់ស្ពានឆ្លងកាត់ពីកោះនរា ឆ្ពោះទៅកោះពេជ្រ មានរយៈពេល៣២ខែ ដែលពេលនេះសសរស្ពាន បានបណ្តុះឡើងហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកបច្ចេកទេសបន្តថា ស្ពានដែលត្រូវសាងសង់ពីភូមិកោះនរា សង្កាត់និរោធ ខណ្ឌច្បារអំពៅ រាជធានីភ្នំពេញ ឆ្ពោះទៅកោះនរា ស្ថិតក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ មានប្រវែង៧០០ម៉ែត្រ និង ទទឹង១៤ម៉ែត្រកន្លះ។

បើតាមប្រភពពី លោក អ៊ុង រ៉ូន ចៅរងទី១ សង្កាត់និរោធ បានប្រាប់កម្ពុជាថ្មី កាលពីព្រឹកថ្ងៃទី២២តុលានេះថា ខណៈរូបលោកកំពុងដឹកនាំកម្លាំងធ្វើអនាម័យនៅភូមិកោះនរា ដែលជាទីតាំងប្រារព្ធពិធីបើកការដ្ឋានសាងសង់ស្ពានថ្មីនេះ ក្រោមអធិបតីភាព សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នាថ្ងៃទី២៦ ខែតុលា បានបញ្ជាក់ថា ស្ពានឆ្លងកាត់ពីកោះនរា ឆ្ពោះទៅកោះពេជ្រនេះ មានសារៈសំខាន់ខ្លាំងណាស់។ ព្រោះអាចរំដោះចរាចរណ៍បានច្រើន ខណៈពេលនេះ ការធ្វើចរាចរណ៍ឆ្លងកាត់ស្ពានព្រះមុនីវង្សថ្មី ចាស់ កំពុងកកស្ទះ បើទោះបីជាមានស្ពានដល់ទៅ២ក៏ដោយ។

លោកចៅសង្កាត់រង បន្តថា គ្រាន់តែបុរីប៉េងហួត បឹងស្នោ តែមួយ គឺរថយន្តរាប់ពាន់គ្រឿងឯណោះ។ចំពោះ ស្ពានដែលត្រូវសាងសង់ថ្មីនេះ គឺអាចរំដោះចរាចរណ៍បានយ៉ាងច្រើនទៀតផង។ ស្ពានថ្មីនេះមានទ្រង់ទ្រាយដូចស្ពានអ្នកលឿង ដែលជាស្ពានថ្មីទាន់សម័យ៕

អត្ថបទ ៖ នរា

Related Topics:សាងសង់

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា