Connect with us

ព័ត៌មានជាតិ

សភាពាណិជ្ជកម្មខេត្តស្វាយរៀង សាងសង់ចំណតទូកដើម្បីសម្រួលដល់ការដឹកជញ្ជូនស្រូវរបស់កសិករទៅវៀតណាម

បានផុស

នៅ

ដើម្បីជួយសម្រួលក្នុងការដឹកជញ្ជូនផលស្រូវរបស់ពលរដ្ឋនៅក្នុងខេត្តស្វាយរៀងទាំងមូល អាជីវករ និងសភាពាណិជ្ជកម្មខេត្តស្វាយរៀងបានសម្រេចធ្វើការសាងសង់ចំណតទូកមួយកន្លែងស្ថិតនៅក្នុងភូមិក្រសាំងជ្រំ ឃុំគ្រួស ស្រុកស្វាយជ្រំ ខេត្តស្វាយរៀង។ ជាមួយគ្នានេះ ក៏មានការធ្វើផ្លូវឲ្យរថយន្តដឹកស្រូវចូលទៅក្នុងចំណតទូក ព្រមទាំងមានបំពាក់នូវជញ្ជីងសម្រាប់ថ្លឹងស្រូវដល់អាជីវករ និងប្រជាពលរដ្ឋដែលនាំស្រូវចេញទៅលក់ឱ្យអ្នកទិញខាងវៀតណាម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សុក រ៉ាដូ ប្រធានសភាពាណិជ្ជកម្មខេត្តស្វាយរៀង បានមានប្រសាសន៍ឲ្យដឹងនារសៀលថ្ងៃទី៧ ខែកុម្ភ: ឆ្នាំ២០២៤ ថា គោលបំណងនៃការធ្វើចំណតទូកនេះ គឺដើម្បីឲ្យប្រជាកសិករងាយស្រួលក្នុងការប្រើប្រាស់ជាកន្លែងផ្ទេរស្រូវរបស់ប្រជាកសិករចេញពីឡាន ចូលទូករបស់អ្នកទិញស្រូវមកពីប្រទេសវៀតណាម នៅក្នុងស្រុកស្វាយជ្រំ ក៏ដូចជាកន្លែងផ្សេងៗទៀតនៅក្នុងខេត្ត ទៅលក់ឱ្យអ្នកទិញខាងវៀតណាម ព្រោះថា បច្ចុប្បន្ននេះ ស្រូវកំពុងឡើងថ្លៃ ហើយបើកន្លែងច្បាស់លាស់នោះ គឺងាយស្រួលក្នុងការគ្រប់គ្រង។

លោកបានបន្តឲ្យដឹងទៀតថា ដោយសារឆ្នាំនេះ ទិន្នផលស្រូវបានតម្លៃខ្ពស់ ហើយប្រជាកសិករបាននាំគ្នាសម្រុកធ្វើស្រូវប្រាំងច្រើន ដូច្នេះហើយ សភាពាណិជ្ជកម្មខេត្ត បានធ្វើការសម្របសម្រួលទៅខាងភាគីវៀតណាម ដើម្បីស្វែងរកទីផ្សារឱ្យប្រជាកសិករដោយទទួលបានការគាំទ្រពីសំណាក់អាជ្ញាធរនៅមូលដ្ឋានផងដែរ នោះ គឺបានចុះទៅពិនិត្យនៅតំបន់នេះ ហើយបានព្រមព្រៀងឯកភាពរវាងភាគីកម្ពុជា និងភាគីវៀតណាម ព្រមទាំងអ្នកដែលមានការពាក់ព័ន្ធរួចហើយ គឺពុំមានផលប៉ះពាល់ដល់បង្គោលព្រំដែន ឬប្រឡាយទឹករួមនោះទេ។

លោក សុក រ៉ាដូ បានបញ្ជាក់ថា ចំពោះរណ្តៅដីតូចមួយដែលក្រុមការងារជាង បានជីកយកអាចម៍ដីនោះ គឺដើម្បីធ្វើជើងទេផ្លូវ ឲ្យរថយន្តដាក់សម្ភារ:ចូល ក្រោយបញ្ចប់ការងារនោះ ក្រុមជាង នឹងលុបរណ្តៅនោះឲ្យរាបស្មើមានសភាពដូចដើមវិញជាក់ជាពុំខាន។

ដោយឡែក មន្ត្រីនៃរដ្ឋបាលខេត្តមួយរូបបានឲ្យដឹងផងដែរថា តាមអនុសាសន៍របស់អភិបាលខេត្តស្វាយរៀង ឱ្យស្វែងរកទីផ្សារស្រូវដល់ប្រជាកសិករនៅមូលដ្ឋាន គឺក្រុមការងារត្រូវធ្វើយ៉ាងណាបង្កលក្ខណ:ងាយស្រួលដល់ប្រជាពលរដ្ឋ ដើម្បីលក់ស្រូវរបស់គាត់ឱ្យទាន់រដូវកាលមិនត្រូវមានភាពយឺតយ៉ាវនោះឡើយ ពីព្រោះថានាពេលបច្ចប្បន្ននេះ ស្រូវកំពុងមានតម្លៃខ្ពស់ នៅលើទីផ្សារធ្វើឲ្យពួកគាត់មានចំណូលខ្ពស់ជួយកាត់បន្ថយភាពក្រីក្រនៅក្នុងជីវភាពគ្រួសារបានមួយកម្រិត។ ចំណែកប្រជាពលរដ្ឋក៏ដូចជាអាជីវករដែលនាំស្រូវទៅលក់ទាំងនោះ ក៏មានការសប្បាយរីករាយដែលមានកន្លែងចំណតទូកច្បាស់លាស់សម្រាប់ទូកចេញចូល ងាយស្រួលក្នុងការដឹកស្រូវចេញទៅលក់បានតម្លៃថ្លៃ ចំណាយតិចក្នុងការដឹកជញ្ជូននៅក្នុងតំបន់មាត់ច្រកព្រំដែន។

សូមបញ្ជាក់ថា ចំពោះផលស្រូវដែលប្រជាកសិករលក់ឱ្យអាជីវករវៀតណាម គឺពុំមានលក់បន្តទៅកន្លែងផ្សេងទៀតនោះទេ ពោល គឺលក់តែស្រូវនៅក្នុងតំបន់ជាប់ព្រំដែនហើយក្របខ័ណ្ឌនៃការធ្វើកិច្ចសហប្រតិបត្តិការនេះ គឺត្រឹមតែខេត្តរវាងខេត្តតែប៉ុណ្ណោះ៕

ដោយ៖ ភក្ដី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២៨ វិនាទី មុន

សភាពាណិជ្ជកម្មខេត្តស្វាយរៀង សាងសង់ចំណតទូកដើម្បីសម្រួលដល់ការដឹកជញ្ជូនស្រូវរបស់កសិករទៅវៀតណាម

ព័ត៌មានជាតិ៥ នាទី មុន

សម្ដេចធិបតី ហ៊ុន ម៉ាណែត បញ្ជាក់ថា ទស្សនកិច្ចនៅថៃមានរយៈពេលខ្លី តែមានកិច្ចការជាច្រើនបានពិភាក្សា

ព័ត៌មានជាតិ៧ នាទី មុន

ខេត្តសៀមរាប គ្រោងរៀបចំព្រឹត្តិការណ៍ជាច្រើន ដើម្បីឱ្យបុណ្យទន្លេលើកទី៨ មានភាពទាក់ទាញកាន់តែខ្លាំង

ជីវិតកម្សាន្ដ១១ នាទី មុន

ក្រោយល្បីក្នុងរឿងពេស្យា ថៅកែ MGI ប្រកាសក្ដែងៗថា សុំដំឡើងថ្លៃខ្លួនរបស់ Engfa​ ហើយ

ព័ត៌មានអន្ដរជាតិ២៤ នាទី មុន

​ទាំងក្មេងចាស់នៅ ឡាវ សម្រុករៀនភាសា ចិន ព្រោះមានឱកាសទីផ្សារ​ការងារខ្ពស់​

កីឡា២ ថ្ងៃ មុន

អនុប្រធានគុនខ្មែរប្រកាសធ្វើសន្និសីទឆាប់ៗពីជំនួប ធន់ រិទ្ធី-សៃយុគ

ជីវិតកម្សាន្ដ៦ ថ្ងៃ មុន

សណ្ឋាគារ Novotel បង្ហាញខ្លួនលើកដំបូងនៅកម្ពុជា ចាប់បើកដំណើរការនៅថ្ងៃទី៩ ខែកុម្ភៈ ឆ្នាំ២០២៤​ ខាងមុខ លើឆ្នេរឯករាជ្យ ក្រុងព្រះសីហនុ

ចរាចរណ៍១ ថ្ងៃ មុន

ព័ត៌មានបឋម៖ រថយន្ត​ Alphard ក្រឡាប់ផ្ងារជើងលើផ្លូវល្បឿនលឿនរងរបួស និងស្លាប់ច្រើននាក់

ជីវិតកម្សាន្ដ៣ ថ្ងៃ មុន

តួឆ្នាស​ Natinee ​ប្រកាសរៀប​​មង្គលការជាមួយស្វាមី ​ក្រោយ​ពន្យារ​ពេល​ជិត៤​ឆ្នាំ

ព័ត៌មានជាតិ៧ ថ្ងៃ មុន

អគ្គស្នងការដ្ឋាននគរបាលជាតិ ប្រារព្ធពិធីបំពាក់ឋានន្ដរស័ក្ដិ និងប្រកាសចូលកាន់តំណែង ដល់លោក ហែម សុវត្ថិ

Sokha Hotels

ព័ត៌មានពេញនិយម