KPT+
ត្រឹមវីដេអូមិនដល់មួយនាទីលើ TikTok លោក Khaby Lame រកចំណូលបានរាប់ម៉ឺនដុល្លារ
គ្រប់គ្នាដែលនិយមលេង TikTok ច្បាស់បានស្គាល់តារាទើបរះរបស់អ៊ីតាលី លោក Khaby Lame ឬ ពូម៉ៅងាយៗ ជាក់ជាមិនខាន។ ទើបតែជាងមួយឆ្នាំទេ បុរសមានដើមកំណើតសេណេហ្គាល់រូបនេះ បានបង្កើតភាពល្បីល្បាញពាសពេញពិភពលោកដោយមានអ្នកតាមដានជាង ៦០ លាននាក់នៅលើ TikTok និងជិត ១៧ លាន Follower នៅលើបណ្ដាញ Instagram។
ត្រឡប់ទៅពេលចាប់ផ្ដើមដំបូង គេដឹងថា Khaby Lame បានបង្កើតវីដេអូខ្លីនៅលើ TikTok មុនបំផុតកាលពីខែមីនា ឆ្នាំ ២០២០ ខណៈការងាររបស់គាត់ត្រូវផ្អាកបណ្ដោះអាសន្នដោយសារការរំខានពីរោគរាតត្បាតកូវីដ-១៩។
មកដល់ខែមេសា ឆ្នាំ២០២១ Khaby Lame ក្លាយជាបុគ្គលមានឥទ្ធិពលលើបណ្ដាញសង្គមខ្លាំងជាងគេនៅប្រទេសអ៊ីតាលី និងស្ថិតក្នុងចំណោមមនុស្សមានឥទ្ធិលលើអនឡាញទាំង ៣០ លើលោកផងដែរ។
ទោះបីជាវីដេអូរបស់បុរសវ័យ ២១ ឆ្នាំ រូបនេះមិនមែនជាការសម្តែងតាមសាច់ភ្លេងឬស្គ្រីបភាពយន្តក្ដី តែគាត់ទទួលបានអ្នកគាំទ្រច្រើនតាមរយៈការដោះស្រាយរឿងសាមញ្ញមួយចំនួនដែលមនុស្សខ្លះចូលចិត្តធ្វើឱ្យស្មុគស្មាញ។
ដូច្នេះ តើអ្នកនិយមទស្សនាវីដេអូរបស់ Khaby Lame ធ្លាប់ដឹងអត់ថា គាត់អាចរកចំណូលបានប៉ុន្មានក្នុងមួយខែៗ ពីវីដេអូមិនដល់១នាទីរបស់គាត់?
ដោយសារ ពូម៉ៅងាយៗ ក្លាយជាបុគ្គលមានឥទ្ធិពលបំផុតនៅលើវេទិកា TikTok ហើយតាមរយៈប្រជាប្រិយភាពនេះ គាត់ត្រូវបានគេហទំព័រ Influencer Marketing Hub ទម្លាយថា អាចរកចំណូលបានចន្លោះពី ៩៨,៥៦១ ដុល្លារទៅ ១៤៧,៨៤២ ដុល្លារអាមេរិកនៅក្នុងមួយមួយខែតាមរយៈការផ្សាយពាណិជ្ជកម្ម ដែលពេលខ្លះទស្សនិកជនមិនបានដឹងផងថា វីដេអូរបស់ទាំងនោះមានផ្សាយពាណិជ្ជកម្ម។
ដោយឡែក គេហទំព័រ Celebs life reel ក៏បានឱ្យដឹងថា ក្រោយប្រឡូកក្នុងពិភពអនឡាញជាងមួយឆ្នាំ បច្ចុប្បន្ន Khaby Lame មានទ្រព្យសម្បត្តិសរុបចន្លោះពី ១,០០០,០០០ ទៅ ២,០០០,០០០ ដុល្លារអាមេរិក៕
ប្រែសម្រួល៖ សន្យា
ប្រភព៖ We Publish News
ចុចអាន៖ រឿង ៩ យ៉ាងអ្នកទំនងមិនទាន់ដឹងអំពី Khaby Lame ឬ ពូម៉ៅងាយៗ
-
សេដ្ឋកិច្ច៤ ថ្ងៃ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានអន្ដរជាតិ១ ថ្ងៃ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានអន្ដរជាតិ៤ ថ្ងៃ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
ព័ត៌មានជាតិ២ ថ្ងៃ agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
សន្តិសុខសង្គម២ ថ្ងៃ agoបង្ក្រាប Online Scam នៅក្រុងសិរីសោភ័ណ ឃាត់ខ្លួនយុវជនម្នាក់ បើកកន្លែងប្រតិបត្តិការឆបោកតែម្នាក់ឯង
-
ព័ត៌មានជាតិ៤ ថ្ងៃ agoកម្ពុជា UNODC និងសមាជិកមហាអនុតំបន់ទន្លេមេគង្គឆ្នាំ១៩៩៣ នឹងបន្តរួមគ្នាដោះស្រាយបញ្ហាគ្រឿងញៀនសំយោគ
-
ព័ត៌មានអន្ដរជាតិ៤ ថ្ងៃ agoមានការផ្ទុះគ្រាប់បែក ក្បែរសណ្ឋាគារលោក Macron ស្នាក់នៅ អំឡុងដំណើរទស្សនកិច្ច ប្រទេសស៊ីរី
-
សេដ្ឋកិច្ច៣ ថ្ងៃ agoកម្ពុជា ដាក់ទិសដៅធ្វើឱ្យកាន់តែប្រសើរឡើងនូវប្រព័ន្ធភស្តុភារកម្ម ជំរុញកំណើនពាណិជ្ជកម្ម ទាក់ទាញការវិនិយោគ