មូលហេតុនាំឲ្យប៉ូលិសអន្តោប្រវេសន៍អាមេរិក ចាប់ខ្លួន Khaby Lame ភ្លាមៗ

កាលពីពេលថ្មីៗនេះ ប៉ូលិសអន្តោប្រវេសន៍ និងគយអាមេរិក (ICE) បាននិយាយថា ពួកគេបានឃាត់ខ្លួនតារា TikToker អ៊ីតាលីដ៏ល្បីល្បាញម្នាក់ គឺលោក Khaby Lame កាលពីល្ងាចថ្ងៃសុក្រទី៦ ខែមិថុនា នៅទីក្រុង Las Vegas រដ្ឋ Nevada ដោយចោទប្រកាន់ពីបទបំពានច្បាប់អន្តោប្រវេសន៍ និងអន្តោប្រវេសន៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ព័ត៌មាននេះត្រូវបានផ្សព្វផ្សាយជាសាធារណៈដំបូងដោយលោក Bo Loudon ដែលជាសកម្មជននយោបាយដែលគាំទ្រប្រធានាធិបតីលោកដូណាល់ត្រាំ។

នៅលើទំព័រប្រព័ន្ធផ្សព្វផ្សាយសង្គម X ផ្ទាល់ខ្លួន លោក Bo Loudon បានសរសេរថា «ច្បាប់អន្តោប្រវេសន៍ និងគយ ICE របស់ប្រធានាធិបតីត្រាំទើបតែបានចាប់ខ្លួនជាផ្លូវការលើតារា TikToker គឺលោក Khaby Lame ដែលតាមខ្ញុំដឹង បានចូលសហរដ្ឋអាមេរិកដោយខុសច្បាប់»។

បន្ទាប់ពីព័ត៌មានបានរីករាលដាលយ៉ាងទូលំទូលាយ និងត្រូវបានចុះផ្សាយដោយសារព័ត៌មានធំៗជាច្រើន តារាតីកតុកវ័យ២៥ឆ្នាំ ស្រាប់តែបង្ហោះខ្លឹមសារនៅលើ Instagram ផ្ទាល់ខ្លួន និង TikTok ដែលជាទង្វើដែលគេជឿថា ជាការប៉ុនប៉ងដើម្បីបដិសេធការចាប់ខ្លួនរបស់គាត់។ រឿងនេះបានបង្កឲ្យមានភាពចម្រូងចម្រាសជាច្រើននៅក្នុងសហគមន៍អនឡាញ អំពីភាពត្រឹមត្រូវនៃឧប្បត្តិហេតុមួយនេះ។

យ៉ាង​ណា​មិញ កាលពីពេលថ្មីៗ​នេះ អ្នកនាំពាក្យរបស់ ICE បាននិយាយថា ប៉ូលិសអន្តោប្រវេសន៍ និងការអនុវត្តច្បាប់របស់សហរដ្ឋអាមេរិកបានឃុំខ្លួន Seringe Khabane Lame អាយុ ២៥ ឆ្នាំ ជនជាតិអ៊ីតាលី កាលពីថ្ងៃទី ៦ ខែមិថុនា នៅអាកាសយានដ្ឋានអន្តរជាតិ Harry Reid ក្នុងទីក្រុង Las Vegas រដ្ឋ Nevada ពីបទរំលោភលើអន្តោប្រវេសន៍ ។ Lame បានចូលសហរដ្ឋអាមេរិកនៅថ្ងៃទី៣០ ខែមេសា ហើយបានស្នាក់នៅលើសទិដ្ឋាការ។ ក្រោយមកគេតម្រូវឲ្យ Influencerរូបនេះចាកចេញដោយស្ម័គ្រចិត្តនៅថ្ងៃទី ៦ ខែមិថុនា ហើយឥឡូវនេះបានចាកចេញពីសហរដ្ឋអាមេរិករួចរាល់ហើយ។

ឧប្បត្តិហេតុនេះបានកើតឡើងក្នុងបរិបទរបស់លោក ដូណាល់ ត្រាំ ចាប់តាំងពីការវិលត្រឡប់មកកាន់តំណែងប្រធានាធិបតីអាមេរិកក្នុងខែមករា ដោយអនុវត្តវិធានការរឹតបន្តឹងការគ្រប់គ្រងអន្តោប្រវេសន៍ និងធ្វើយុទ្ធនាការនិរទេសជនអន្តោប្រវេសន៍ខុសច្បាប់ ឬអ្នកដែលបំពានច្បាប់អន្តោប្រវេសន៍។

Khaby Lame គឺជា TikToker ដែលមានអ្នកតាមដានច្រើនជាងគេបំផុតលើពិភពលោក ពោលគឺ ១៦២.២ លាននាក់ ហើយបច្ចុប្បន្នជាឯកអគ្គរដ្ឋទូតសុច្ឆន្ទៈសម្រាប់មូលនិធិកុមាររបស់អង្គការសហប្រជាជាតិ (UNICEF)។ Lame បានចូលសហរដ្ឋអាមេរិកនៅថ្ងៃទី 30 ខែមេសា ហើយបានស្នាក់នៅលើសទិដ្ឋាការរបស់គាត់។

Khaby Lame មានភាពល្បីល្បាញដោយសារវីដេអូខ្លីៗរបស់គាត់នៅលើ TikTok ដែលគាត់បានចំអកឲ្យគំនិតមិនសមហេតុផល គ្មានប្រសិទ្ធភាព និងច្រលំនៅលើអ៊ីនធឺណិត។ ដោយ​គ្មាន​ការ​បញ្ចេញសំឡេង លោកតែងប្រើ​ទឹក​មុខ​និង​កាយវិការដើម្បីបង្ហាញអ្នកទស្សនា។

វីដេអូដែលបានបង្ហោះចូលទៅក្នុងបណ្តាញ TikTok របស់ Khaby ទាក់ទាញការចូលមើលពីរាប់លានទៅរាប់រយលាន។ យោងតាមទស្សនាវដ្ដី Forbes Khaby Lame រកបាន ៧៥ម៉ឺនដុល្លារសម្រាប់វីដេអូផ្សព្វផ្សាយ TikTok នីមួយៗរបស់គាត់ ដែលក្លាយជាអ្នករកប្រាក់ចំណូលបានខ្ពស់បំផុតនៅលើវេទិកា។

លើសពីនេះ គាត់ក៏បានចុះហត្ថលេខាលើកិច្ចសន្យាឧបត្ថម្ភ និងការផ្សាយពាណិជ្ជកម្មជាច្រើនជាមួយម៉ាកយីហោធំៗផងដែរ។ ទ្រព្យសម្បត្តិរបស់តារតីកតុករូបនេះ ត្រូវបានគេប៉ាន់ប្រមាណថានឹងកើនឡើងដល់២០ លានដុល្លារនៅឆ្នាំ ២០២៥៕

អត្ថបទ៖ សាង ស្រីល័ក្ខ

ចុចអាន៖ចៅស្រីថៅកែ Shinsegae និង Samsung បង្ហាញខ្លួនជាតារា K-pop ក្រោមស្លាក BLACK LABEL