លោកជំទាវ ម៉ែន សំអន អញ្ជើញចូលរួមបុណ្យរំលែកទុក្ខជាមួយគ្រួសារសពឧបាសក ពិ សេង

លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្រ្តី រដ្ឋមន្រ្តីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច នាថ្ងៃព្រហស្បត្តិ៍ ១កើត ខែបឋមាសាឍ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី១០ ខែមិថុនា ឆ្នាំ២០២១​បានអញ្ជើញចូលរួមបុណ្យសពឧបាសក ពិ សេង ដែលត្រូវជាឪពុកបង្កើតរបស់លោកស្រី ពិ វណ្ណារី ក្រោយទទួលមរណៈភាពដោយជរាពាធ៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកជំទាវកិត្តិសង្គហបណ្ឌិត ក៏បានឧទ្ទិសបួងសួងដល់វត្ថុស័ក្តិសិទ្ធិក្នុងលោក និងតេជៈបារមីនៃព្រះពុទ្ធ ព្រះធម៌ ព្រះសង្ឃ តាមជួយបីបាច់ថែរក្សាដល់ដួងវិញ្ញាណក្ខន្ធរបស់ឧបាសក បានទៅសោយក្នុងសុគតិភពកុំបីឃ្លៀងឃ្លាតឡើយ។

សូមបញ្ចាក់ថា ឧបាសក ពិ សេង បានទទួលមរណភាពនៅថ្ងៃ១០ ខែមិថុនា ឆ្នាំ២០២១ វេលាម៉ោង ០៤:០៧នាទីព្រឹក ក្នុងជន្មាយុ ៩៣ឆ្នាំ ដោយជរាពាធ។ សពត្រូវបានតម្កល់ទុកធ្វើបុណ្យ តាមបែបប្រពៃណីព្រះពុទ្ធសាសនា នៅបុរីប៉េងហួតបឹងស្នោ គម្រោងទី១០ ផ្ទះលេខ ៨១ ផ្លូវេលខ E01 សង្កាត់នោរោធ ខណ្ឌច្បារអំពៅ រាជធានីភ្នំពេញ ។

នាឪកាសចូលរួមបុណ្យរំលែកទុក្ខសពឧបាសក ពិ សេង នោះ លោកជំទាវកិត្តិសង្គហបណ្ឌិត ម៉ែន សំអន បានសម្ដែងនូវការចូលរួមសោកស្តាយនិងចូលរួមរំលែកទុក្ខដ៍ក្រៀមក្រមជាមួយគ្រួសារសពហើយបានឧទ្ទិសបួងសួងដល់វត្ថុស័ក្តិសិទ្ធិក្នុងលោក និងតេជៈបារមីនៃព្រះពុទ្ធ ព្រះធម៌ ព្រះសង្ឃ តាមជួយបីបាច់ថែរក្សាដល់ដួងវិញ្ញាណក្ខន្ធរបស់ ឧបាសក បានទៅសោយក្នុងសុគតិភពកុំបីឃ្លៀងឃ្លាតឡើយ៕

អត្ថបទ ៖ វិមាន