ព័ត៌មានជាតិ

ថ្ងៃទី៣០ ខែមិថុនា ខេត្តបន្ទាយមានជ័យ រកឃើញអ្នកឆ្លងជំងឺកូវីដ១៩ ចំនួន៦៣នាក់

បានផុស

៥ years មុន

នៅ

ថ្ងៃព្រហស្បតិ៍ ១ កក្កដា ២០២១

ដោយ

រដ្ឋបាលខេត្តបន្ទាយមានជ័យបានប្រកាសឲ្យដឹង នៅថ្ងៃទី៣០ ខែមិថុនា ឆ្នាំ២០២១ថា រកឃើញអ្នកវិជ្ជមានកូវីដ១៩ ចំនួន៦៣នាក់បន្ថែមទៀត ក្នុងនោះក៏មានអ្នកជាសះស្បើយចំនួន៣៨នាក់ផងដែរ នៅថ្ងៃទី១ ខែកក្កដានេះ។

រដ្ឋបាលខេត្តបន្ទាយមានជ័យ ប្រកាសផ្អាកសាលាសុវណ្ណភូមិ២ ជាបណ្ដោះអាសន្ន ក្រោយរកឃើញពាក់ព័ន្ធជាមួយគ្រួសារអ្នកជំងឺកូវីដ-១៩ មានកូនទៅរៀននៅ ...

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋបាលខេត្តបានបញ្ជាក់ឲ្យដឹងបន្តទៀតថា អ្នកវិជ្ជមានជំងឺកូវីដ១៩ ភាគច្រើនជាប្រជាពលរដ្ឋរស់នៅក្រុងប៉ោយប៉ែត ស្រុកថ្មពួក និងស្រុកមង្គលបូរី ក្រុងសិរីសោភ័ណ។ រដ្ឋបាលខេត្តបន្ទាយមានជ័យបានបញ្ជាក់ឲ្យដឹងបន្តទៀតថា គ្រូពេទ្យជួរមុខបានយកសំណាកប្រជាពលរដ្ឋរស់នៅក្រុងប៉ោយប៉ែត និងក្រុងសិរីសោភ័ណជាច្រើននាក់ ដោយឧបករណ៍តេស្តរហ័សរកឃើញវិជ្ជមានចំនួន៦៣នាក់។ រដ្ឋបាលខេត្តសូមជម្រាបជូនដល់បងប្អូនប្រជាពលរដ្ឋនិងសាធារណជន ដែលបានប៉ះពាល់ដោយផ្ទាល់ សូមរួសរាន់មកជួបក្រុមគ្រូពេទ្យនិងធ្វើចត្តាឡីស័ក ដើម្បីយកសំណាកទៅពិនិត្យ និងអ្នកប៉ះពាល់ដោយប្រយោលជាមួយអ្នកវិជ្ជមានជំងឺកូវីដ១៩ ទាំង៦៣នាក់នេះសូមរួសរាន់ធ្វើចត្តាឡីស័ក នៅតាមផ្ទះក្នុងក្រុមគ្រួសាររៀងខ្លួន ដោយមិនត្រូវពាក់ព័ន្ធនឹងប៉ះពាល់ជាមួយអ្នកដទៃជាដាច់ខាត។

ក្នុងករណីមានការប្រែប្រួលសុខភាពខុសពីប្រក្រតីដូចជា ឡើងកម្ដៅលើសពី៣៧ អង្សាសេ ក្អក កណ្ដាស់ ហៀសំបោរ ឈឺបំពង់ក មានកំហាក ថប់ដង្ហើម ត្រូវប្រញាប់ទំនាក់ទំនងទៅក្រុមឆ្លើយតបបន្ទាន់នៃមន្ទីរសុខាភិបាលនៃរដ្ឋបាលខេត្ត ឬមន្ទីរពេទ្យខេត្ត ក្រុង ស្រុក ឬមណ្ឌលសុខភាពឃុំ សង្កាត់និងអាជ្ញាធរមូលដ្ឋានជាដើម៕

អត្ថបទ៖ វ៉ាន់ ណាង

សូមចុចអាន៖ ប្រមុខរដ្ឋាភិបាល ស្តីបន្ទោសមន្ត្រីសុខាភិបាលរឿងផ្អឹបទុកសម្ភារៈធ្វើតេស្តរហ័សកូវីដ-១៩