ព័ត៌មានអន្ដរជាតិ

មនុស្សរាប់ពាន់នាក់នៅឥណ្ឌារងគ្រោះចាក់វ៉ាក់សាំងក្លែងក្លាយគឺទឹកអំបិល

បានផុស

៥ years មុន

នៅ

ថ្ងៃអង្គារ ៦ កក្កដា ២០២១

ដោយ

អាជ្ញាធរបាននិយាយថា មនុស្សរាប់ពាន់នាក់បានរងគ្រោះពីការឆបោកចាក់វ៉ាក់សាំងបង្ការកូវីដ-១៩ក្លែងក្លាយនៅប្រទេសឥណ្ឌា ក្នុងនោះអ្នកពាក់ព័ន្ធមានទាំងក្រុមវេជ្ជបណ្ឌិត និងបុគ្គលិកពេទ្យផងស្ថិតក្នុងចំណោមអ្នកត្រូវបានចាប់ខ្លួន។

លោក Vishal Thakur មន្ត្រីជាន់ខ្ពស់នៅនាយករដ្ឋានប៉ូលិសក្រុង Mumbai បាននិយាយថា យ៉ាងហោចណាស់មានកន្លែងចាក់វ៉ាក់សាំងក្លែងក្លាយ១២ត្រូវបានរៀបចំឡើង ឬនៅជិតទីក្រុង Mumbai នៅរដ្ឋភាគលិចប្រទេស Maharashtra។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកនិយាយថា ៖«ពួកគេប្រើទឹកអំបិលចាក់។ គ្រប់ទីតាំងចាក់វ៉ាក់សាំងដែលពួកគេបានរៀបចំឡើង គឺចាក់ក្លែងក្លាយបែបនេះ»។

តាមការប៉ាន់ស្មានមនុស្ស២៥០០នាក់ត្រូវបានចាក់វ៉ាក់សាំងក្លែងក្លាយ។ មិនត្រឹមតែប៉ុណ្ណោះពួកគេថែមទាំងយកប្រាក់ពីជនរងគ្រោះដែលសរុបប្រហែលជា២៨០០០ដុល្លារអាមេរិក។ លោកបានបញ្ជាក់។

លោកបន្តថា ៖«យើងបានចាប់ខ្លួនក្រុមវេជ្ជបណ្ឌិតជាច្រើននាក់។ ពួកគេបានកំពុងប្រើប្រាស់មន្ទីរពេទ្យមួយកន្លែងដើម្បីផលិតប័ណ្ណ លេខកូដ និងបរិក្ខាពេទ្យជាដើម»។

រហូតដល់ពេលនេះ មនុស្ស១៤នាក់ត្រូវបានចាប់ខ្លួនពីបទឆបោក ការប៉ុនប៉ងមនុស្សឃាត ការសមគំនិតបទឧក្រិដ្ឋ និងបទចោទប្រកាន់ផ្សេងៗទៀត។ ការចាប់ខ្លួនមនុស្សជាច្រើនទៀតប្រហែលជាត្រូវធ្វើបន្តបន្ទាប់ ខណៈសមត្ថកិច្ចកំពុងបន្តស៊ើបអង្កេតអ្នកដែលពាក់ព័ន្ធ។

ប្រទេសឥណ្ឌាបានទទួលរងការវាយប្រហារដោយកូវីដ-១៩រលកទី២ដ៏ធ្ងន់ធ្ងរបំផុតចាប់ពីខែមេសាដល់ដើមខែមិថុនាដែលបានឆ្លងមនុស្សរាប់លាននាក់ និងឆកយកជីវិតមនុស្សរាប់ពាន់នាក់ទូទាំងប្រទេស។

បន្ទាប់ពីករណីឆ្លងឡើងខ្ពស់បំផុតនៅក្នុងខែឧសភា ករណីឆ្លងប្រចាំថ្ងៃបានធ្លាក់ចុះជាបណ្តើរៗ ធ្វើឲ្យធូរស្រាលសម្ពាធលើប្រព័ន្ធសុខាភិបាល និងឲ្យអាជ្ញាធរចាប់ផ្តើមបង្កើនកម្មវិធីចាក់វ៉ាក់សាំងដើម្បីធ្វើឲ្យប្រទេសប្រសើរឡើងវិញ។

កាលពីខែមិថុនា លោកនាយករដ្ឋមន្ត្រីឥណ្ឌា Narendra Modi បានប្រកាសពីកម្មវិធីចាក់វ៉ាក់សាំងដោយឥតគិតថ្លៃដល់ប្រជាជន។ ភ្លាមៗនោះ ឥណ្ឌាបានចាក់វ៉ាក់សាំងជាប់កំណត់ត្រា៨លានដូសក្នុងរយៈពេលត្រឹមតែមួយថ្ងៃ។

យោងតាមទិន្នន័យរបស់ Johns Hopkins University បានបង្ហាញថា រហូតដល់ពេលនេះប្រជាជន៦២លាននាក់ ឬស្មើ៤.៥%នៃប្រជាជនទូទាំងប្រទេសបានចាក់វ៉ាក់សាំងពេញ។

ការចាក់វ៉ាក់សាំងក្លែងក្លាយបានកើនមានចន្លោះចុងខែឧសភា និងដើមខែមិថុនា។ អាជ្ញាធរបានចាប់ផ្តើមស៊ើបអង្កេត បន្ទាប់ពីជនរងគ្រោះមួយចំនួនដែលមានការសង្ស័យពីប័ណ្ណបានរាយការណ៍ទៅប៉ូលិស។

អ្នកស្រុកម្នាក់បាននិយាយថា ទីតាំងមួយក្នុងចំណោមទីតាំងចាក់វ៉ាក់សាំងក្លែងក្លាយបានធ្វើឡើងនៅតាមផ្ទះ ប៉ុន្តែ«គ្មាននរណាម្នាក់មានសញ្ញាធ្វើទុក្ខអ្វី ឬបង់ប្រាក់ឡើយ។ នៅពេលនោះយើងឆ្ងល់ដែរ»។

នៅពេល ប៉ូលិសចាប់ផ្តើមស៊ើបអង្កេត ចំណាត់ការផ្លូវច្បាប់ផ្សេងទៀតគឺជាជម្រើសរបស់ជនរងគ្រោះ។ លោកមេធាវី Siddharth Chandrashekhar នៅទីក្រុង Mumbai បានដាក់ពាក្យបណ្តឹងសាធារណៈកាលពីថ្ងៃទី២៤ ខែមិថុនាដែលព្រះរាជអជ្ញាបានបញ្ជាក់ថា ជនរងគ្រោះជាង២០០០នាក់៕

ប្រែសម្រួល៖ វីរបុត្រ
ប្រភព៖ CNN

Related Topics:Featured វ៉ាក់សាំងកូវីដ-១៩ ប្រទេសឥណ្ឌា

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា