ព័ត៌មានជាតិ

គ្រាប់មីនប្រភេទPMN2នៅមានគុណភាព០៣គ្រាប់ ត្រូវប្រជាពលរដ្ឋប្រទះឃើញលើដីស្រែ

បានផុស

៥ years មុន

នៅ

ថ្ងៃសៅរ៍ ២១ វិច្ឆិកា ២០២០

ដោយ

បាត់ដំបង ៖ គ្រាប់មីនដែលនៅមានគុណភាពនៅឡើយប្រភេទPMN2 ដែលមានសញ្ញាលេខបូកចំនួន០៣គ្រាប់ ត្រូវបានប្រជាកសិករពីរនាក់ បានដើរប្រទះឃើញនៅលើដីស្រែរបស់ខ្លួន លើទីតាំង២ផ្សេងគ្នា ហើយក៏បានរាយការណ៍ប្រាប់សមត្ថកិច្ចមកអន្តរាគមន៍។

សមត្ថកិច្ចឲ្យដឹងថា ប្រជាកសិករឈ្មោះឈឿប អ៊ាង ភេទប្រុស អាយុ៥២ឆ្នាំ និងឈ្មោះលឹម កុសល់ភេទប្រុស អាយុ៤៥ឆ្នាំ ជាម្ចាស់ស្រែអ្នកទាំងពីររស់នៅ ភូមិរូង ឃុំចែងមានជ័យ ស្រុកបាណន់ ខេត្តបាត់ដំបង។

សមត្ថកិច្ចបន្តថា ការប្រទះឃើញនេះខណៈដែលឈ្មោះលឹម កុសល់ ជាម្ចាស់ស្រែនិងសាច់ញាតិម្នាក់ទៀតខាងលើ ដើរមើលដីស្រែរបស់ខ្លួននៅត្រង់ចំណុចផ្លូវអំពិលក្រុមទី៤ ឋិតក្នុងភូមិរូង ឃុំចែងមានជ័យ ស្រុកបាណន់ ខេត្តបាត់ដំបង។

លុះដល់វេលាម៉ោង០៩ព្រឹក នៅថ្ងៃទី២១ ខែវិច្ឆិកា ឆ្នាំ២០២០នេះ ក៏ស្រាប់តែប្រទះឃើញគ្រាប់មីនទាំងបីនៅលើដីស្រែរបស់ខ្លួន ហើយអ្នកទាំងពីរក៏បានរាយការណ៍ឲ្អោយសមត្ថកិច្ចមកពិនិត្យតែម្តង។

ក្រោយពីសមត្ថកិច្ចជំនាញចុះពិតនិត្យបានអះអាងថា មីនទាំង០៣គ្រាប់នេះនៅមានគុណភាពជាប្រភេទPMN2(ភីអឹមអិនធួ)សញ្ញាលេខបូកផលិតនៅប្រទេសសូវៀត។ សមត្ថកិច្ចសន្និដ្ឋានថា គ្រាប់មីនទាំង៣គ្រាប់នេះ បានបង្ហាញរូបរាងនៅលើដីស្រែនាពេលនេះ ដោយសារតែទឹកហូរច្រោះរសាត់តាមទឹកកាលពីរយៈពេលមានជំនន់កន្លងទៅ ទើបគ្រាប់មីនទាំងបីនេះ រសាត់តាមទឹកមកនៅលើដីស្រែបែបនេះ។

បច្ចុប្បន្នសមត្ថកិច្ចបានដាក់ស្លាកសញ្ញាមីន និង រាយការណ៍ជូនមន្ត្រីCMACយកទៅកម្ទេចចោលទៅតាមបច្ចេកទេសជំនាញ៕
ដោយ ៖ សៅ សារិទ្ធ

Related Topics: