ទម្លាប់ល្អពេលព្រឹក ៦យ៉ាងគួរប្រកាន់ខ្ជាប់ ជួយផ្ដល់ប្រយោជន៍ចំពោះសុខភាព

ពាក្យថា “ទម្លាប់” អាចថាពិបាកកែប្រែ ប្រសិនពីមុនមក អ្នកមិនធ្លាប់ធ្វើវានោះទេ។ ប៉ុន្តែទម្លាប់ខ្លះដែលអ្នកតែងតែធ្វើប្រចាំថ្ងៃអាចផ្ដល់ផលអវិជ្ជមានចំពោះសុខភាពដោយមិនដឹងខ្លួន។ ​ផ្ទុយទៅវិញ ទម្លាប់មួយចំនួនទៀត មិនត្រឹមតែហុចផលល្អដល់សុខភាពរាងកាយប៉ុណ្ណោះទេ វាថែមទាំងអាចសម្រួលបញ្ហាផ្លូវចិត្តបានទៀតផង។

ខាងក្រោមជាទម្លាប់តូចៗ និងផ្ដល់ផលវិជ្ជមានចំពោះសុខភាពផ្លូវកាយនិងផ្លូវចិត្ត៖

១. ធ្វើសមាធិ

សមាធិជាសកម្មភាពផ្ដល់ប្រយោជន៍ខ្លាំងទាំងរាងកាយនិងផ្លូវចិត្ត។ ភ្ញាក់មកភ្លាម គួរអង្គុយស្មឹងស្មាធ ដកដង្ហើមចេញចូលឱ្យវែងៗ យ៉ាងហោចឱ្យបាន ១០ នាទីដើម្បីជំនួយឱ្យខួរក្បាលស្រស់ថ្លា និងផ្ដល់នូវថាមពលផ្លូវចិត្តរឹងមាំពេញមួយថ្ងៃ។

២. រៀបចំកន្លែងគេង

រៀបចំកន្លែងសម្រាកភ្លាមៗ ក្រោយភ្ញាក់ពីដំណេក ព្រោះវាអាចជួយអារម្មណ៍ធូរស្រាល ស្រស់ស្រាយទាំងព្រលឹម នៅពេលឃើញកន្លែងគេងមានសណ្ដាប់ធ្នាប់ល្អ។

 ៣. ចៀសវាងប្រើទូរសព្ទ

បណ្តាញសង្គមអាចជាមូលហេតុចម្បងដែលមនុស្សភាគច្រើនប្រើទូរសព្ទពេលភ្ញាក់ពីគេងភ្លាម។ គួរចៀសវាងការចូលមើលបណ្តាញសង្គម ព្រោះអាចបង្កើតអារម្មណ៍មិនល្អ ហើយជំនួសវិញដោយធ្វើហាត់ប្រាណ ស្តាប់បទភ្លេង ឬចម្អិនអាហារពេលព្រឹក។ល។

៤. ងូតទឹកពេល​ព្រឹក

វេជ្ជបណ្ឌិតមកពីសាកលវិទ្យាល័យ Harvard បានឲ្យដឹងថា​ ការងូតទឹកពេលព្រឹកអាចជួយឲ្យខួរក្បាលសកម្ម​ និងមិនងាយទទួលការរំខានពីកត្តាផ្សេងៗ។ ដូច្នេះ ត្រូវរក្សាទម្លាប់ងូតទឹកពេលព្រឹកឱ្យខានតែបាន​ ទើបផ្ដល់ប្រយោជន៍ចំពោះសុខភាព។​

៥. ចៀសវាងផឹកកាហ្វេ

ផឹកកាហ្វេភ្លាមៗ ក្រោយពីភ្ញាក់ពីគេងអាចធ្វើឲ្យកម្រិតអ័រម៉ូន Cortisol ឡើងខ្ពស់ដែលបណ្តាលឲ្យមានការថប់បារម្ភ។ ការស្រាវជ្រាវបានបង្ហាញថា ពេលវេលាល្អដែលគួរផឹកកាហ្វេស្ថិតក្នុងចន្លោះពី ៣-៤ ម៉ោងក្រោយពីក្រោកពីដំណេក។

៦. ចៀសដុសធ្មេញ

ព្រឹកឡើង ក្រោយញ៉ាំអាហាររួច កុំដុសធ្មេញភ្លាមឱ្យសោះ  ដោយសារអញ្ចាញធ្មេញនឹងទន់ខ្សោយ។ បើចង់សម្អាតធ្មេញគួរខ្ពុរមាត់នឹងទឹក ឬប្រើខ្សែអំបិលដើម្បីយកសំណល់ចេញពីធ្មេញ។ ចំណែកពេលដែលអាចដុសធេ្មញបានគឺ ៣០នាទី ក្រោយពីញ៉ាំអាហារ៕

ប្រែសម្រួល៖ សន្យា

ប្រភព៖ Prevention

ចុចអាន៖ សកម្មភាពខុសឆ្គង ៣ យ៉ាង ​ដែលមនុស្សតែងតែធ្វើ បន្ទាប់​ពី​ភ្ញាក់​ពី​គេងភ្លាម

ចុចអាន៖ សកម្មភាពប្រចាំថ្ងៃសាមញ្ញៗ ៤ យ៉ាង ការពារផ្លូវចិត្តឱ្យមានសុខភាពល្អ