KPT+
សកម្មភាពប្រចាំថ្ងៃសាមញ្ញៗ ៤ យ៉ាង ការពារផ្លូវចិត្តឱ្យមានសុខភាពល្អ
សុខភាពផ្លូវចិត្ត ជារឿងសំខាន់ដែលគួរយកចិត្តទុកដាក់ និងថែទាំឱ្យបានល្អដូចគ្នាទៅនឹងផ្លូវកាយដែរ។ បើសិនសុខភាពផ្លូវចិត្តចុះខ្សោយ វាងាយនឹងបណ្ដាលឱ្យជំងឺផ្លូវចិត្តលុកលុយ ចំណែករាងកាយក៏ទ្រុឌទ្រោម ហើយផលិតភាពការងារក៏អន់ថយតាមហ្នឹង។
ដូច្នេះ កុំធ្វេសប្រហែសលើសកម្មភាពសាមញ្ញៗទាំង ៤ នេះ ដើម្បីការពារផ្លូវចិត្តឱ្យមានសុខភាពល្អ។
១. ប្រយ័ត្នជាមួយរបបអាហារ
របបអាហារប្រចាំថ្ងៃមិនត្រឹមតែជះឥទ្ធិពលដល់រាងកាយនោះទេ តែវាក៏ពាក់ព័ន្ធជាមួយសុខភាពផ្លូវចិត្តផងដែរ។ គួរចៀសវាងជាតិស្រវឹង ឬភេសជ្ជៈប៉ូវកម្លាំងមួយចំនួនដែលអាចភ្ញោចឲ្យខួរក្បាលយើងដំណើរការមិនល្អ ងាយមានជំងឺផ្លូវចិត្ត។ ចំណែកការបរិភោគអាហារជីជាតិល្អ ទៀងទាត់ពេលវេលា និងផឹកទឹកគ្រប់គ្រាន់ អាចជួយឲ្យអារម្មណ៍ល្អ ជំនួយផ្លូវចិត្តមានសុខមាលភាពកាន់តែប្រសើរ។
២. ហាត់ប្រាណទៀងទាត់
ហាត់ប្រាណជាសកម្មភាពរាងកាយដែលមិនអាចខ្វះបាន។ វាជួយបញ្ចេញជាតិពុល ដោយអាចពង្រឹងសុខភាពផ្លូវកាយឱ្យមាំទាំ និងជួយបន្ថយភាពតានតឹងចិត្ត ធ្វើឲ្យមានអារម្មណ៍ល្អទៀតផង។
ហាត់ប្រាណដែលមានប្រយោជន៍ ពុំចាំបាច់ត្រូវតែទៅក្លិបហាត់ប្រាណឡើយ សូម្បីតែការធ្វើការងារផ្ទះ និងការដើរជាមួយគ្រួសារឬមិត្តភក្ដិ ក៏អាចបញ្ចេញជាតិពុលបានល្អដែរ។
៣. គេងឲ្យបានគ្រប់គ្រាន់
មិនថាផ្លូវកាយ ឬផ្លូវចិត្ត សុទ្ធតែត្រូវការសម្រាកឲ្យបានគ្រប់គ្រាន់ ទើបមានថាមពលបន្តកិច្ចការនៅថ្ងៃបន្ទាប់់។ អ្នកជំនាញណែនាំឱ្យគេងយ៉ាងហោចពី ៦-៨ ម៉ោងក្នុងមួយថ្ងៃ ទើបខួរក្បាលមានភាពស្រស់ស្រាយ។ ចៀសវាងកុំចូលគេងយប់ជ្រៅពេក ជាពិសេសចន្លោះម៉ោង ១០-៣ យប់ ជាម៉ោងមាស បើសិនខកខាន គេងសងយ៉ាងណាក៏ពិបាកជំនួសដែរ។
៤. កុំព្យាយាមនៅម្នាក់ឯង
នៅម្នាក់ឯងមិនសុទ្ធតែមិនល្អនោះទេ ប៉ុន្តែអ្នកខ្លះព្យាយាមឃុំខ្លួនឯងឱ្យឯកោ ផ្ដាច់ទំនាក់ទំនងជាមួយអ្នកដទៃ ជាពិសេសពេលមានបញ្ហា ខំលាក់បាំង បៀមទុក្ខតែឯង។ មិនមែនជាដំណោះស្រាយល្អទេ! គួរចែករំលែកអារម្មណ៍ជាមួយមនុស្សទុកចិត្ត ដើម្បីបន្ធូរភាពស្មុគស្មាញខ្លះ ហើយក៏ពុំចាំបាច់ខំរែកពន់ពេកដែរ ព្រោះគ្មានអ្វីដែលអត់ដំណោះស្រាយនោះឡើយ៕
ប្រែសម្រួល៖ សន្យា
ប្រភព៖ Healthline
ចុចអាន៖ បច្ចេកទេស ៦ យ៉ាង ធ្វើឲ្យការរស់នៅក្នុងអំឡុងកូវីដ មិនភិតភ័យនិងដូចធម្មតា
ចុចអាន៖ ឃាតកផ្លូវចិត្ត ៣ ប្រភេទ សម្លាប់មនុស្សមិនរើសមុខ គេឯងតែងយល់ច្រឡំថា ជាជំងឺប្រចាំកាយ
-
ព័ត៌មានជាតិ១ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានអន្ដរជាតិ៧ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៧ ថ្ងៃ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ១ សប្តាហ៍ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៦ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ៧ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១៦ ម៉ោង agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៦ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ