ព័ត៌មានអន្ដរជាតិ
មនុស្សជំនិតៗរបស់ Trump បន្តជំរុញឲ្យគាត់ទទួលយកបរាជ័យក្នុងការបោះឆ្នោត
សម្ព័ន្ធមិត្តដ៏លេចធ្លោរបស់លោក Donald Trump បានជំរុញឲ្យលោកបោះបង់ចោលនូវកិច្ចខិតខំប្រឹងប្រែងដើម្បីបដិសេធការបរាជ័យរបស់លោកចំពោះលោក Joe Biden នៅក្នុងការបោះឆ្នោតប្រធានាធិបតីសហរដ្ឋអាមេរិក ។
លោក Chris Christie អតីតអភិបាលរដ្ឋ New Jersey បានហៅក្រុមមេធាវីរបស់លោកប្រធានាធិបតីថាជា “ការអាម៉ាស់មុខរបស់ជាតិ” ។
ថ្លែងទៅកាន់កម្មវិធី This Week របស់ទូរទស្សន៍ ABC កាលពីថ្ងៃអាទិត្យ លោក Christie បាននិយាយថា “ក្រុមលោក Trump តែងតែពិភាក្សាអំពីការលួចបន្លំសន្លឹកឆ្នោតនៅខាងក្រៅបន្ទប់សវនាការ ប៉ុន្តែនៅពេលដែលពួកគេចូលទៅខាងក្នុងបន្ទប់សវនាការ ពួកគេមិនបានប្តឹងពីការលួចបន្លំណាមួយ ហើយពួកគេមិនប្រកែកតវ៉ាអំពីការបន្លំនេះឡើយ” ។
លោកបាននិយាយថា “ខ្ញុំធ្លាប់ជាអ្នកគាំទ្រប្រធានាធិបតី ។ ខ្ញុំបានបោះឆ្នោតឲ្យគាត់ពីរដង ប៉ុន្តែការបោះឆ្នោតមានផលវិបាក ហើយយើងមិនអាចបន្តធ្វើដូចអ្វីដែលបានកើតឡើងនាពេលនេះនោះទេ” ។
លោក Christie គឺជាអភិបាលក្រុងទីមួយដែលគាំទ្រលោក Trump ក្នុងនាមជាបេក្ខជនប្រធានាធិបតីកាលពីឆ្នាំ ២០១៦ ។ លោកក៏បានជួយរៀបចំលោក Trump សម្រាប់ការជជែកដេញដោលជាមួយលោក Biden កាលពីដើមឆ្នាំនេះផងដែរ ។
ទន្ទឹមនោះអ្នកសាធារណរដ្ឋផ្សេងទៀតក៏បានជម្រុញលោកប្រធានាធិបតី Trump ឲ្យទទួលស្គាល់លទ្ធផលការបោះឆ្នោតនេះផងដែរ ខណៈអភិបាលរដ្ឋ Maryland លោក Larry Hogan បានប្រាប់ទូរទស្សន៍ CNN កាលពីថ្ងៃអាទិត្យនេះថា ការខិតខំប្រឹងប្រែងបន្តរបស់ក្រុមលោក Trump ដើម្បីលុបចោលលទ្ធផលនៃការបោះឆ្នោតកំពុងតែចាប់ផ្តើមហាក់ដូចជាយើងជាសាធារណរដ្ឋចេកមួយអញ្ចឹញ ។
នៅក្នុងការបង្ហោះនៅលើបណ្តាញសង្គម Twitter លោក Hogan បាននិយាយថា លោក Trump គួរតែបញ្ឈប់ការលេងកីឡាវាយកូនហ្គោល ហើយយល់ព្រមទទួលស្គាល់លទ្ធផលទៅ ។
ចំណែងតំណាងសហព័ន្ធរដ្ឋ Michigan លោក Fred Upton បានប្រាប់ CNN ថា អ្នកបោះឆ្នោតនៅក្នុងរដ្ឋសមរភូមិរបស់គាត់បានជ្រើសរើសលោក Biden ខណៈសមាជិកព្រឹទ្ធសភាទីក្រុង North Dakota លោក Kevin Cramer បាននិយាយនៅក្នុងបទសម្ភាសន៍ដល់ NBC ថា វាជាពេលវេលាដើម្បីចាប់ផ្តើមការផ្លាស់ប្តូរមួយ ទោះបីជាគាត់មិនទទួលស្គាល់ជ័យជម្នះរបស់លោក Biden ក៏ដោយ ៕
ប្រែសម្រួលដោយ ៖ ជីវ័ន្ត
ប្រភព ៖ BBC
ចុចអាន ៖ Joe Biden បង្ហាញឈ្មោះបេក្ខជនរដ្ឋមន្ត្រីក្រសួងការបរទេស
ចុចអាន ៖ លោក ពូទីន ត្រៀមខ្លួនធ្វើការជាមួយមេដឹកនាំអាមេរិកគ្រប់រូបដែលឈ្នះឆ្នោតស្របច្បាប់
-
ព័ត៌មានជាតិ២ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានជាតិ១ សប្តាហ៍ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ៧ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ១ សប្តាហ៍ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៦ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ១ សប្តាហ៍ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១៩ ម៉ោង agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៦ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ