ព័ត៌មានជាតិ
ប្រទះឃើញសពបុរសដែលជិះម៉ូតូសណ្តោងរ៉ឺម៉កទៅលោតទឹកសម្លាប់ខ្លួនកាលពី៤ថ្ងៃមុន
សពបុរសម្នាក់ដែលគេអះអាងថា បានលោតទឹកសម្លាប់ខ្លួនលើស្ពានជ្រោយចង្វារកាលពី៤ថ្ងៃមុននោះ បានអណ្តែតហើយ បន្ទាប់ពីប្រពលរដ្ឋប្រទះឃើញកាលពីព្រឹកថ្ងៃទី២២ ខែកក្កដា ឆ្នាំ២០២១ នៅដងទន្លេសាបនៅចំណុចភូមិព្រែកតាសេក ក្នុងព្រែកតាសេក ខណ្ឌជ្រោយចង្វារ រាជធានីភ្នំពេញ។
សពបុរសរូបនោះត្រូវបានគេស្គាល់ថា ឈ្មោះ ងួន កក្កដា អាយុ២៩ឆ្នាំ មុខកម្មករដឹកជញ្ជូន មានលំនៅភូមិបែកចាន ឃុំបែកចាន ស្រុកអង្គស្នួល ខេត្តកណ្តាល។
បើតាមសម្តីរបស់ក្រុមគ្រួសារសពបានអោយដឹងថា បុរសរូបនោះមានជំងឺសសៃប្រសាទរយៈពេល២ឆ្នាំមកហើយ នៅព្រឹកថ្ងៃអាទិត្យទី១៨ ខែកក្កដា ឆ្នាំ២០២១នេះ ជនរងគ្រោះបានបើករ៉ឺម៉កដោយប្រាប់ថា មកទិញខោអាវក៏បាត់រហូតមក។
ប្រជាពលរដ្ឋបានឲ្យដឹងថា សពយុវជនរូបនោះបានអណ្តែតតាំងពីយប់ថ្ងៃទី២០ ខែកក្កដា តែរសាត់តាមខ្យល់និងហូរតាមទឹករលកទើបតែចូលខាងអណ្តែតទៅមុខលែងរួចនៅថ្ងៃនេះតែម្តង។
គួរបញ្ជាក់ថា កាលពីវេលាម៉ោងប្រមាណ១៦និង៣០នាទីរសៀល ថ្ងៃទី១៨ ខែកក្កដា ឆ្នាំ២០២១បុរសរងគ្រោះម្នាក់បានជិះម៉ូតូសណ្តោងរ៉ឺម៉កមួយគ្រឿងទៅលោតទឹកសម្លាប់ខ្លួនពីលើស្ពានជ្រោយចង្វារក្នុងសង្កាត់ស្រះចក ខណ្ឌដូនពេញរាជធានីភ្នំពេញ ហើយបានលិចបាត់ទៅក្នុងទន្លេបន្សល់ទុកតែស្បែកជើង និងម៉ូតូរ៉ឺម៉កនៅលើស្ពានតែប៉ុណ្ណោះ។ ប៉ុន្តែនៅមុនពេលកើតហេតុគេឃើញជនរងគ្រោះរូបនោះបានជិះម៉ូតូសណ្តោងរ៉ឺម៉កពាក់ស្លាកលេខ សៀមរាប 1E-2599 ធ្វើដំណើរឡើងស្ពានជ្រោយចង្វារ ក្នុងទិសដៅពីលិចទៅកើត ពេលជិតដល់កណ្តាលស្ពានក៏បានឈប់រួចបុរសរូបនោះបានចុះពីលើម៉ូតូលោតចុះទៅក្នុងទន្លេសម្លាប់ខ្លួនហើយលិចបាត់។ បន្ទាប់ពីលោតសម្លាប់ខ្លួនរយៈពេល៤ថ្ងៃ ប្រជាពលរដ្ឋប្រទះឃើញសពបានអណ្តែតទឹកនិងរសាត់តាមខ្យល់នៅដល់ជិតសាលាសង្កាត់ព្រែកតាសេកចម្ងាយប្រមាណជាង៣គីឡូម៉ែត្រពីស្ពានជ្រោយចង្វារ។
សពត្រូវបាននគរបាលចាត់ចែងអូសឡើងច្រាំងដើម្បីត្រួតពីនិត្យ និងប្រគល់អោយក្រុមគ្រសារយកទៅធ្វើបុណ្យតាមប្រពៃណី៕
អត្ថបទ ៖ រស្មី
-
សេចក្ដីជូនដំណឹង៧ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ៤ ម៉ោង agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
សេដ្ឋកិច្ច១ សប្តាហ៍ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានអន្ដរជាតិ១ សប្តាហ៍ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ១ ថ្ងៃ agoអាមេរិក បើកការវាយប្រហារទ្រង់ទ្រាយធំជាថ្មី លើអ៊ីរ៉ង់ ខណៈទីក្រុងតេហេរ៉ង់ សងសឹកវិញ ហើយបិទច្រក Hormuz ទៀត