ព័ត៌មានអន្ដរជាតិ
ក្តៅគគុក! រុស្ស៊ី និង ចិន ពួតដៃគ្នាធ្វើសមយុទ្ធបង្ហាញអំណាចទ័ពយ៉ាងកក្រើក ផ្ញើសារច្បាស់ៗទៅលោកខាងលិច (មានវីដេអូ)
ប្រទេសរុស្ស៊ីនិងចិន កំពុងធ្វើសមយុទ្ធសង្រ្គាមរួមគ្នា ចំពេលមានការដាក់សម្ពាធកាន់តែខ្លាំងឡើងពីប្រទេសលោកខាងលិច។
ទាហានមកពីកងទ័ពរំដោះប្រជាជនចិន និងកងទ័ពរុស្ស៊ីសរុបប្រមាណ ១៣,០០០ នាក់ បានចូលរួមសមយុទ្ធនេះ នៅភាគពាយ័ព្យប្រទេសចិន។
សមយុទ្ធយោធានេះ ឆ្លុះបញ្ចាំងពីទំនាក់ទំនងកាន់តែជិតស្និទ្ធ រវាងទីក្រុងប៉េកាំងនិងទីក្រុងមូស្គូ ខណៈប្រព័ន្ធផ្សព្វផ្សាយរុស្ស៊ីបានសង្កត់ធ្ងន់ថា គោលបំណងរបស់សមយុទ្ធសង្គ្រាមនេះ គឺដើម្បីប្រឆាំងនឹងសម្ពាធដែលកំពុងកើនឡើងខ្លាំង ពីប្រទេសលោកខាងលិច។
សមយុទ្ធនេះ ក៏កើតឡើងផងដែរ ចំពេលប្រទេសទាំងពីរ ចូលរួមជាមួយមហាអំណាចលោកខាងលិចនិងអន្តរជាតិដទៃទៀត ក្នុងការប៉ុនប៉ងរក្សាស្ថិរភាពនៅប្រទេសអាហ្វហ្គានីស្ថាន ស្របពេលដែលកងកម្លាំងដឹកនាំដោយអាមេរិកចាកចេញ ហើយក្រុមតាលីបង់នៅតែបន្តវាយយកទឹកដី។
ទូរទស្សន៍ Zvezda របស់ក្រសួងការពារជាតិរុស្ស៊ី បានរាយការណ៍ថា “ទាហានរុស្ស៊ី បានវាយចំគោលដៅភាគច្រើន បើទោះបីជាពួកគេ មិនមានបទពិសោធន៍ជាមួយឧបករណ៍យោធាដែលផលិតដោយចិនក៏ដោយ”។
សមយុទ្ធ ដែលមានការចូលរួមពីកងទ័ពជើងគោកនិងកងទ័ពអាកាស នឹងបន្តរហូតដល់ថ្ងៃសុក្រនៅក្នុងតំបន់ស្វយ័ត Ningxia Hui របស់ប្រទេសចិន។
ដោយដកស្រង់ប្រភពពីមន្ត្រីរុស្ស៊ីនិងចិន សារព័ត៌មាន Xinhua បានចុះផ្សាយថា “សមយុទ្ធសង្គ្រាមចិន-រុស្ស៊ី មានគោលបំណងធ្វើឲ្យស៊ីជម្រៅ នូវប្រតិបត្តិការប្រឆាំងភេរវកម្មរវាងយោធាចិននិងរុស្ស៊ី ហើយបង្ហាញពីការប្តេជ្ញាចិត្តនិងភាពរឹងមាំរបស់ប្រទេសទាំងពីរ ក្នុងការរួមគ្នាការពារសន្តិសុខនិងស្ថិរភាពក្នុងតំបន់និងអន្តរជាតិ”។
សមយុទ្ធនេះ បង្ហាញពីកម្ពស់ថ្មី នៃភាពជាដៃគូយុទ្ធសាស្ត្រគ្រប់ជ្រុងជ្រោយរវាងចិននិងរុស្ស៊ី សម្រាប់យុគសម័យថ្មីនិងការជឿទុកចិត្តគ្នាទៅវិញទៅមកជាយុទ្ធសាស្ត្រ ការផ្លាស់ប្តូរនិងការសម្របសម្រួលរវាងប្រទេសទាំងពីរ។
សមយុទ្ធយោធាបែបនេះជាបន្តទៀត ត្រូវបានគេរំពឹងថានឹងមានការចូលរួមពីកងកម្លាំងនៃរដ្ឋទាំងពីរ។
អ្នកជំនាញរុស្ស៊ីឈ្មោះ Alexander Lomanov បានប្រាប់កាសែត Kommersant ថា សមយុទ្ធនេះ បង្ហាញពីកិច្ចសហប្រតិបត្តិការជិតស្និទ្ធរវាងរុស្ស៊ីនិងចិន។
លោកនិយាយថា សមយុទ្ធនេះ បានបញ្ជូនសញ្ញាច្បាស់លាស់មួយទៅកាន់កងកម្លាំង លោកខាងលិចថា ពួកគេនឹងមិនអាចបំបែកទីក្រុងមូស្គូ ចេញពីទីក្រុងប៉េកាំងបានឡើយ៕
វីដេអូ៖
ប្រែសម្រួល៖ Vann Vann
ប្រភព៖ Daily Mail
ចុចអាន៖ រុស្ស៊ី តេស្តមីស៊ីល S-400 នៅតំបន់គ្រីមៀ បង្ហាញកម្លាំងដល់ អ៊ុយក្រែន ដែលកំពុងធ្វើសមយុទ្ធនៅសមុទ្រខ្មៅ
-
ព័ត៌មានជាតិ១ សប្តាហ៍ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៤ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៥ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៥ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៣ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
សន្តិសុខសង្គម៣ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៧ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានជាតិ១២ ម៉ោង agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន