ព័ត៌មានអន្ដរជាតិ

ជម្លោះវោហារស័ព្ទររវាងតៃវ៉ាន់និងចិនផ្ទុះឡើងយ៉ាងខ្លាំង ខណៈចិនធ្វើសមយុទ្ធព័ទ្ធតៃវ៉ាន់

បានផុស

៦ ខែ មុន

នៅ

ថ្ងៃពុធ ៣១ ធ្នូ ២០២៥

ដោយ

ស្ថានការណ៍នៅជុំវិញកោះតៃវ៉ាន់កាន់តែក្តៅគគុកនៅពេលនេះ ដោយជម្លោះវោហាស័ព្ទកំពុងផ្ទុះឡើងរវាងមហាអំណាចចិន និងរដ្ឋាភិបាលកោះតៃវ៉ាន់។ ការិយាល័យប្រធានាធិបតីតៃវ៉ាន់កាលពីទី៣០ បានថ្កោលទោសកងកម្លាំងយោធាចិនដែលធ្វើសមយុទ្ធជុំវិញកោះតៃវ៉ាន់ ដែលចាត់ទុកថា ជាធ្វើសកម្មភាពបំពាន និងបង្កហេតុដោយឯកតោភាគី ពិសេសនាំឱ្យមានអស្ថិរភាពសន្តិសុខនិងសណ្តាប់ធ្នាប់ជាតិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសារព័ត៌មាន TAIPEI TIME អ្នកនាំពាក្យពីការិយាល័យប្រធានាធិបតី លោកស្រី Karen Kuo បាននិយាយថា បន្ទាប់ពីកងទ័ពរំដោះប្រជាជនចិន (PLA) បានប្រកាសកាលពីម្សិលមិញថា កងទ័ពចិនចាប់ផ្តើមធ្វើសមយុទ្ធថ្មីមួយទៀតជុំវិញកោះតៃវ៉ាន់ ដោយមានទាំងកងទ័ពជើងទឹក និងទ័ពអាកាស ដែលបានធ្វើសមយុទ្ធនៅកន្លែងផ្សេងៗពីគ្នា ដោយថែមទាំងបានលើកឡើងថា ចិនគួរតែបញ្ឈប់ភា្លមៗនូវសកម្មភាពទាំងឡាយណាដែលប៉ះពាល់ដល់សន្តិសុខប្រទេសដទៃ ភាពមិនមានទំនួលខុសត្រូវផ្សេងទៀត។

អ្នកនាំពាក្យជាន់ខ្ពស់នៃកងទ័ពរំដោះប្រជាជនចិន (PLA) លោក Colonel Shi Yi បានឱ្យដឹងថា ការធ្វើសមយុទ្ធនេះជាបេសកកម្មគ្រោងទុកក្នុងឆ្នាំ២០២៥ ហើយសមយុទ្ធនេះនឹងធ្វើឡើងនៅច្រកសមុទ្រតៃវ៉ាន់ និងនៅតំបន់ភាគខាងជើង ភាគនិរតី ភាគអាគ្នេយ៍ និងភាគខាងកើតនៃកោះតៃវ៉ាន់ ដោយផ្តោតលើ «ការល្បាតត្រៀមប្រយុទ្ធតាមអាកាស ការចាប់យករួមគ្នានៃឧត្តមភាពដ៏ទូលំទូលាយ ការបិទច្រក និងតំបន់សំខាន់ៗ ក៏ដូចជាការរារាំងគ្រប់ជ្រុងជ្រោយនៅខាងក្រៅខ្សែសង្វាក់កោះ»។

តែយ៉ាងណាកងទ័ពរំដោះប្រជាជនជនចិន (PLA) បានប្រកាសថា នឹងធ្វើសមយុទ្ធបាញ់គ្រាប់ពិតនៅក្នុងដែនទឹក និងដែនអាកាសជុំវិញកោះតៃវ៉ាន់ពីម៉ោង៨ព្រឹក ដល់ម៉ោង៦ល្ងាច ដែលហាមឃាត់ដល់ការធ្វើនាវាចរកប៉ាល់នានា និងយន្តហោះគ្រប់ប្រភេទមិនឱ្យចូលកន្លែងដែលហាមឃាត់ឡើយ។

ក្រសួងការពារជាតិតៃវ៉ាន់ បានឆ្លើយតបថា ផ្នែកនៃតំបន់សមយុទ្ធទាំងប្រាំ ដែលកំណត់ដោយ PLA សម្រាប់សមយុទ្ធបាញ់នេះ គឺស្ថិតនៅក្នុងដែនទឹកអធិបតេយ្យរបស់តៃវ៉ាន់ ដោយហៅទង្វើនេះថា «គ្មានការទទួលខុសត្រូវ»។

អគ្គសេនាធិការរងប្រតិបត្តិការ និងផែនការចិន លោក Lien Chih-wei មិនបាននិយាយដោយផ្ទាល់អំពីបញ្ហានេះនៅក្នុងសន្និសីទសារព័ត៌មានពីអ្វីដែលតៃវ៉ាន់នឹងឆ្លើយតបនោះទេ ប្រសិនបើ PLA ត្រូវបាញ់គ្រាប់រំសេវក្នុងដែនទឹករបស់ខ្លួន។ សម្រាប់អ្នកដែលស្ថិតក្នុងចម្ងាយ ១២ម៉ាយសមុទ្រ (២២ គីឡូម៉ែត្រ) នៃច្រាំងក្នុងប្រទេសនេះ និយាយថា គ្រាន់តែជា ក្បួនទាហានជួរមុខ និងការឆ្លើយតបសមស្របប៉ុណ្ណោះ។

គួរឱ្យដឹងផងដែរថាសមយុទ្ធនេះបានចាប់ផ្តើម១១ថ្ងៃ បន្ទាប់ពីសហរដ្ឋអាមេរិកបានប្រកាសលក់អាវុធចំនួន ១១.១ពាន់លានដុល្លារទៅឱ្យតៃវ៉ាន់ ដែលជាកញ្ចប់អាវុធដ៏ធំបំផុតមិនធ្លាប់មានសម្រាប់ប្រទេសជាតិ៕

ប្រែសម្រួល៖ ណឺ មិនា