ព័ត៌មានជាតិ

សមត្ថកិច្ចឆ្មក់បង្ក្រាប៣កន្លែង លួចលេងល្បែងខុសច្បាប់ និងឃាត់ខ្លួនមនុស្ស៧នាក់

បានផុស

៤ years មុន

នៅ

ថ្ងៃព្រហស្បតិ៍ ២ កញ្ញា ២០២១

ដោយ

មនុស្សប្រុសស្រី៧នាក់ ត្រូវសមត្ថកិច្ចនាំខ្លួនមកសាកសួរ ដើម្បីអនុវត្តតាមផ្លូវច្បាប់ដោយសមត្ថកិច្ចចោទប្រកាន់ពីបទ ប្រមូលផ្គុំគ្នាលួចលេងល្បែងដោយខុសច្បាប់ និងបំពានលើវិធានការរដ្ឋបាលខេត្ត ដែលបានប្រព្រឹត្តក្នុងមូលដ្ឋានស្រុកបាណន់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវរសេនីយ៍ឯក ប៉ាន់ វ៉ាន់នី អធិការនគរបាលស្រុកបាណន់ បានឲ្យដឹងថា មនុស្សប្រុសស្រីទាំង៧នាក់ ត្រូវបានសមត្ថកិច្ចឃាត់ខ្លួននៅថ្ងៃទី០១ ខែកញ្ញា ឆ្នាំ២០២១ម្សិលមិញ ខណៈពួកគេបានប្រព្រឹត្តល្បែងស៊ីសងលើទីតាំងចំនួន៣ផ្សេងគ្នា ក្នុងនោះមានវង់ល្បែងបៀរ២កន្លែង និងលក់កន្ទុយលេខ១កន្លែង ឋិតក្នុងភូមិសាស្ត្រឃុំតាគ្រាម និងក្នុងឃុំស្នឹងស្រុកបាណន់ ខេត្តបាត់ដំបង។

លោកអធិការបន្តថា ក្រោយឃាត់ខ្លួនបានអ្នកពាក់ព័ន្ធប្រុសស្រីសរុបចំនួន៧នាក់ ក្នុងនោះក៏បានដកហូតវត្ថុតាងមួយចំនួនទៀតរួមមាន៖ បៀរចំនួន៦ហ៊ូ, កាតុងកត់កន្ទុយលេខ, ទូរសព្ទដៃចំនួន០៥គ្រឿង, ប្រាក់រៀលចំនួន៤២៥,៥០០រៀល, ប្រាក់ដុល្លារចំនួន៥០ដុល្លារ, ម៉ូតូ០១គ្រឿងនិងសម្ភារៈពាក់ព័ន្ធផ្សេងៗមួយចំនួនទៀត។

លោកថា ការប្រមូលផ្តុំគ្នាច្រើនហើយប្រព្រឹត្តិបទល្មើសបែបនេះ ជាការផ្គើនទៅនឹងវិធានការរបស់ក្រសួងសុខាភិបាលក៏ដូចជារាជរដ្ឋាភិបាលក្នុងការទប់ស្កាត់ការរីករាលដាលនូវជំងឺកូវីដ១៩ក្នុងសហគមន៍ ជាងនេះទៅទៀតនោះបានល្មើស នឹងគោលនយោបាយភូមិឃុំមានសុវត្ថិភាពថែមទៀត។ ចំពោះករណីខាងលើ សមត្ថកិច្ចមូលដ្ឋានស្រុកបាណន់ កំពុងបន្តការសាកសួរ និងរៀបចំរបាយការណ៍ត្រៀមបញ្ជូនមកការិយាល័យជំនាញនៃស្នងការខេត្ត ដើម្បីចាត់ការបន្តតាមផ្លូវច្បាប់៕

អត្ថបទ៖ សៅ សារិទ្ធ