ព័ត៌មានជាតិ
សមត្ថកិច្ចឆ្មក់បង្ក្រាប៣កន្លែង លួចលេងល្បែងខុសច្បាប់ និងឃាត់ខ្លួនមនុស្ស៧នាក់
មនុស្សប្រុសស្រី៧នាក់ ត្រូវសមត្ថកិច្ចនាំខ្លួនមកសាកសួរ ដើម្បីអនុវត្តតាមផ្លូវច្បាប់ដោយសមត្ថកិច្ចចោទប្រកាន់ពីបទ ប្រមូលផ្គុំគ្នាលួចលេងល្បែងដោយខុសច្បាប់ និងបំពានលើវិធានការរដ្ឋបាលខេត្ត ដែលបានប្រព្រឹត្តក្នុងមូលដ្ឋានស្រុកបាណន់។
លោកវរសេនីយ៍ឯក ប៉ាន់ វ៉ាន់នី អធិការនគរបាលស្រុកបាណន់ បានឲ្យដឹងថា មនុស្សប្រុសស្រីទាំង៧នាក់ ត្រូវបានសមត្ថកិច្ចឃាត់ខ្លួននៅថ្ងៃទី០១ ខែកញ្ញា ឆ្នាំ២០២១ម្សិលមិញ ខណៈពួកគេបានប្រព្រឹត្តល្បែងស៊ីសងលើទីតាំងចំនួន៣ផ្សេងគ្នា ក្នុងនោះមានវង់ល្បែងបៀរ២កន្លែង និងលក់កន្ទុយលេខ១កន្លែង ឋិតក្នុងភូមិសាស្ត្រឃុំតាគ្រាម និងក្នុងឃុំស្នឹងស្រុកបាណន់ ខេត្តបាត់ដំបង។
លោកអធិការបន្តថា ក្រោយឃាត់ខ្លួនបានអ្នកពាក់ព័ន្ធប្រុសស្រីសរុបចំនួន៧នាក់ ក្នុងនោះក៏បានដកហូតវត្ថុតាងមួយចំនួនទៀតរួមមាន៖ បៀរចំនួន៦ហ៊ូ, កាតុងកត់កន្ទុយលេខ, ទូរសព្ទដៃចំនួន០៥គ្រឿង, ប្រាក់រៀលចំនួន៤២៥,៥០០រៀល, ប្រាក់ដុល្លារចំនួន៥០ដុល្លារ, ម៉ូតូ០១គ្រឿងនិងសម្ភារៈពាក់ព័ន្ធផ្សេងៗមួយចំនួនទៀត។
លោកថា ការប្រមូលផ្តុំគ្នាច្រើនហើយប្រព្រឹត្តិបទល្មើសបែបនេះ ជាការផ្គើនទៅនឹងវិធានការរបស់ក្រសួងសុខាភិបាលក៏ដូចជារាជរដ្ឋាភិបាលក្នុងការទប់ស្កាត់ការរីករាលដាលនូវជំងឺកូវីដ១៩ក្នុងសហគមន៍ ជាងនេះទៅទៀតនោះបានល្មើស នឹងគោលនយោបាយភូមិឃុំមានសុវត្ថិភាពថែមទៀត។ ចំពោះករណីខាងលើ សមត្ថកិច្ចមូលដ្ឋានស្រុកបាណន់ កំពុងបន្តការសាកសួរ និងរៀបចំរបាយការណ៍ត្រៀមបញ្ជូនមកការិយាល័យជំនាញនៃស្នងការខេត្ត ដើម្បីចាត់ការបន្តតាមផ្លូវច្បាប់៕
អត្ថបទ៖ សៅ សារិទ្ធ
-
ព័ត៌មានអន្ដរជាតិ៦ ថ្ងៃ agoធ្លាក់យន្តហោះឯកជនមួយនៅអាមេរិក បណ្តាលឱ្យមនុស្សក្នុងយន្តហោះ ស្លាប់ទាំងអស់
-
ព័ត៌មានជាតិ៤ ថ្ងៃ agoថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ
-
សន្តិសុខសង្គម៥ ថ្ងៃ agoត្រួតពិនិត្យទីតាំងខុនដូ ១ កន្លែង រកឃើញជនជាតិវៀតណាម ៦ នាក់ ពាក់ព័ន្ធ Online Scams នៅខណ្ឌ ៧ មករា
-
ព័ត៌មានអន្ដរជាតិ២ ថ្ងៃ agoអង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ
-
ព័ត៌មានអន្ដរជាតិ៥ ថ្ងៃ agoយន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់
-
ព័ត៌មានជាតិ១ សប្តាហ៍ agoអាជ្ញាធរខណ្ឌទួលគោក បន្តចុះត្រួតពិនិត្យទីតាំងលក់គ្រឿងទេស ត្រី សាច់បង្កក៤ទីតាំងបន្ថែមទៀត
-
ព័ត៌មានជាតិ៥ ថ្ងៃ agoក្រុមហ៊ុន Visa បានធ្វើបច្ចុប្បន្នភាពផែនទីសុវត្ថិភាពលើប្រព័ន្ធទូទាត់ប្រាក់ ដើម្បីបន្តកសាងទំនុកចិត្ត និងពង្រឹងភាពធន់ នៃប្រព័ន្ធទូទាត់តាមរយៈឌីជីថលនៅកម្ពុជា
-
ព័ត៌មានអន្ដរជាតិ៥ ថ្ងៃ agoទីបំផុត ថៃ ព្រមទៅ UN ដោយជ្រើសរើសអ្នកជំនាញ ២រូប ដើម្បីតតាំងជាមួយកម្ពុជា ក្រោមយន្តការ UNCLOS