កូវីដ-១៩

ធ្វើតេស្តយកសំណាកបុគ្គលិកផ្សារម៉ាក្រូ២៤២នាក់ រកឃើញវិជ្ជមានកូវីដចំនួន១៦នាក់

បានផុស

៥ years មុន

នៅ

ថ្ងៃសៅរ៍ ៤ កញ្ញា ២០២១

ដោយ

សៀមរាប ៖ លោកសូប្លាតុង អភិបាលស្រុកប្រាសាទបាគង បានប្រាប់កម្ពុជាថ្មីឲ្យដឹងនៅល្ងាចថ្ងៃទី០៤ខែ កញ្ញា នេះថា បុគ្គលិក ផ្សារម៉ាក្រូ ដែលត្រូវបានក្រុមគ្រូពេទ្យ រដ្ឋបាលខេត្តសៀមរាប បានធ្វើតេស្តយកសំណាក់ នៅព្រឹកមិញនេះមានចំនួន២៤២ នាក់ក្នុងនោះស្រី១២៦នាក់ បានរកឃើញវិជ្ជមាន កូវីដ ១៩ ចំនួន ១៦នាក់ ក្នុងនោះស្រី១៣នាក់ បញ្ជូនទៅព្យាបាល នៅមន្ទីរពេទ្យបង្អែកខេត្ត សៀមរាប មណ្ឌលចត្តាឡីស័ក គរុកោសល្យ និងវិក្រឹត្យការខេត្តវិទ្យាល័យអង្គរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក អភិបាលស្រុកបានបន្តទៀតថា ចំពោះអ្នកពាក់ព័ន្ធផ្ទាល់ ឬប្រយោល បានឲ្យ ទៅធ្វើចត្តាឡីស័ក នៅតាមផ្ទះរយៈពេល ១៤ថ្ងៃ។

គួររំលឹកថា ការផ្ទុះជំងឺកូវីដ១៩ នៅផ្សារម៉ាក្រូ បន្ទាប់ពីមានការរកឃើញអ្នកវិជ្ជមាន កូវិដ ១៩ ចំនួន១៥នាក់ កាលពីថ្ងៃ០៣ ខែកញ្ញា មកនេះ ទើបនៅថ្ងៃទី០៤ ខែ កញ្ញា ឆ្នាំ ២០២១ ក្រុមគ្រូពេទ្យ អាវសរបស់រដ្ឋបាលខេត្តសៀមរាប បានសហការ ជាមួយគណៈបញ្ជាការឯកភាពរដ្ឋបាលស្រុកប្រាសាទបាគង បាន ចុះធ្វើតេស្តយកសំណាកបុគ្គលិក ផ្សារម៉ាក្រូ ដែលមានទីតាំងស្ថិតនៅ ភូមិគោកត្នោត ឃុំកណ្តែក ស្រុកប្រាសាទបាគង ខេត្តសៀមរាប បន្ទាប់ពីមានករណីបុគ្គលិកនៅក្នុងផ្សារម៉ាក្រូមួយចំនួនមានវិជ្ជមានកូវីដ-១៩។

បុគ្គលិក ផ្សារម៉ាក្រូ ចំនួន២៤២នាក់ ត្រូវបាន ក្រុមគ្រូពេទ្យធ្វើតេស្តសំណាក រកឃើញមាន វិជ្ជមានមួយចំនួន ១៦ លោក សូ ប្លាតុង អភិបាលស្រុកប្រាសាទបាគងបានបញ្ជាក់ថា ក្រោយការតេស្ត លើ បុគ្គលិក ពាក់ព័ន្ធ រកឃើញ អ្នកឆ្លងមួយចំនួន តែមិនទាន់មានតួលេខ ជាក់លាក់នោះទេ។ ចំពោះផ្សារម៉ាក្រូនៅពេលនេះមិនទាន់មានការបិទនៅឡើយ ដោយគណៈបញ្ជាការឯកភាពស្រុកកំពុង ឆ្លងយោបល់ ទៅថ្នាក់ខេត្ត។

លោក សូ ប្លាតុង អភិបាលស្រុកប្រាសាទបាគង ក៏ បានជំម្រាបដំណឹងដល់បងប្អូនដែលធ្លាប់បានចេញចូលទីតាំងខាងលើ ក្នុងរយៈពេល៧ថ្ងៃកន្លងមកនេះ ត្រូវដាក់ខ្លួនដាច់ដោយឡែក និងធ្វើចត្តាឡីស័ករយៈពេល ១៤ថ្ងៃ ក្នុងករណីមាន ចេញរោគសញ្ញាដូចជាក្តៅខ្លួន ឈឺក ក្អកហត់ ពិបាកដកដង្ហើម សូមមេត្តាទំនាក់ទំនងមកអាជ្ញាធរមូលដ្ឋាន និង ក្រុម ការងារតាមភូមិឃុំ ដើម្បីយកសំណាកធ្វើតេស្ត និង ទទួលការព្យាបាល ឲ្យបានត្រឹមត្រូវ៕

ដោយ ៖ គឿនវេត