ព័ត៌មានជាតិ
កូនខ្មែរស្វែងយល់ឲ្យច្បាស់ អតីតរាជធានីឥសាន្តបុរៈបន្សល់ទុកប្រាសាទបុរាណជាង ៤០០ កន្លែង
ខេត្តកំពង់ធំជាអតីតរាជធានីបុរាណ ដែលដូនតាខ្មែរជំនាន់ដើមបានសាងសង់សំណង់ប្រាសាទជាច្រើន ជាតឹកតាងបញ្ជាក់ពីការកំណកំណើតទឹកដីរាប់ពាន់ឆ្នាំមុន។ បើតាមអាជ្ញាធរខេត្តកំពង់ធំបានឲ្យកម្ពុជាថ្មីដឹងថា នៅទូទាំងខេត្តកំពង់ធំនៅសេសសល់សំណង់ប្រាសាទបុរាណចំនួន ៤២១ កន្លែងទាំងតូចទាំងធំ និងមានប្រាសាទថ្មីៗមួយចំនួនទៀត ត្រូវបានក្រុមអ្នកស្រាវជ្រាវកកាយរកឃើញបន្តបន្ទាប់។
ក្រៅពីប្រាសាទបុរាណអាយុកាលរាប់សតវត្ស នៅមានស្ថានីយបុរាណជាច្រើនទៀតបញ្ជាក់ពីភាពថ្កុំថ្កើងនៃទឹកដីអតីតរាជធានីឥសាន្តបុរៈនេះ។
លោក ហ៊ឺន សោភ័ណ ប្រធានមន្ទីរវប្បធម៌ និងវិចិត្រសិល្បៈខេត្តកំពង់ធំបានឲ្យកម្ពុជាថ្មីដឹងថា ទូទាំងខេត្តកំពង់ធំមានប្រាសាទបុរាណសរុបចំនួន ៤២១ ប្រាសាទសាងសង់តាំងពីសតវត្សទី ៦ អំពីឥដ្ឋ ថ្មភក់ ថ្មបាយក្រៀម។ ប្រាសាទខ្លះនៅសល់រូបរាង ខ្លះមានការខូចខាតសល់តែគ្រឹះប៉ុណ្ណោះ។
ប្រាសាទច្រើនរាប់រយនេះ បើតាមមន្រ្តីជំនាញផ្នែកវប្បធម៌រូបនេះ មានប្រាសាទតិចតួចប៉ុណ្ណោះដែលពលរដ្ឋខ្មែរទូទៅបានស្គាល់។
លោកថា ប្រាសាទសំបូរព្រៃគុក ជាក្រុមប្រាសាទដែលត្រូវបានចុះបញ្ជីបេតិកភណ្ឌពិភពលោក ដែលមានប្រាសាទសរុប ២៩៣ ប្រាសាទ មានអាយុជាង១៤០០ឆ្នាំ។ ដោយឡែកថ្មីៗនេះក្រុមអ្នកជំនាញបុរាណបានរុករកឃើញគ្រឹះប្រាសាទថ្មីៗមួយចំនួនទៀត នៅតំបន់សំបូរព្រៃគុក។
ក្នុងចំណោមប្រាសាទជាង ៤០០ នៅទូទាំងខេត្តកំពង់ធំ ប្រាសាទដែលនៅសល់រូបរាងពី៤០ ភាគរយ ទៅ ៨០ ភាគរយ មានជាង ៦០ ប្រាសាទ ក្រៅពីនោះមានការខូចខាតច្រើន ហើយខ្លះនៅសល់តែគ្រឹះប៉ុណ្ណោះ។
ប្រធានមន្ទីរវប្បធម៌ខេត្តកំពង់ធំបានបន្តទៀតថា ក្រៅពីប្រាសាទរាប់រយ នៅមានសំណង់បុរាណជាច្រើនទៀតដូចជា ទួលបុរាណចំនួន ៣៨៩ កន្លែង ព្រះវិហារបុរាណ ៣៦ កន្លែង សន្លុងស្លដែកបុរាណ ២០ កន្លែង ស្ពានបុរាណ ០១ កន្លែង និងផ្ទះបុរាណ ២៨៩ កន្លែង។
យោងតាមឯកសាររបស់មន្ទីរវប្បធម៌ និងវិចិត្យសិល្បៈខេត្តកំពង់ធំដែលក្រុមការងារកម្ពុជាថ្មីទទួលបាន ប្រាសាទទាំង ៤២១ នៅទូទាំងខេត្តកំពង់ធំ មាននៅស្រុកចំនួន ០៩។
ស្រុកបារាយណ៍៖
-ប្រាសាទមានរូបរាង ២
-ប្រាសាទបាក់បែក ៦
-សរុប ៨
ស្រុកតាំងគោក៖
-ប្រាសាទមានរូបរាង ៤
-ប្រាសាទបាក់បែក ៦
-សរុប ១០
ស្រុកសន្ទុក៖
-ប្រាសាទមានរូបរាង ២
-ប្រាសាទបាក់បែក ១៩
-សរុប ២១
ក្រុងស្ទឹងសែន៖
-ប្រាសាទមានរូបរាង ១
-ប្រាសាទបាក់បែក ៣
-សរុប ៤
ស្រុកស្ទោង៖
-ប្រាសាទមានរូបរាង ៤
-ប្រាសាទបាក់បែក ៣៣
-សរុប ៣៧
ស្រុកកំពង់ស្វាយ៖
-ប្រាសាទមានរូបរាង ១
-ប្រាសាទបាក់បែក ១៧
-សរុប ១៨
ស្រុកប្រាសាទសំបូរ៖
-ប្រាសាទមានរូបរាង ៨៨
-ប្រាសាទបាក់បែក ២១២
-សរុប ៣០០
ស្រុកប្រាសាទបល្ល័ង្ក៖
-ប្រាសាទមានរូបរាង ១
-ប្រាសាទបាក់បែក ៩
-សរុប ១០
ស្រុកសណ្តាន់៖
-ប្រាសាទមានរូបរាង ៣
-ប្រាសាទបាក់បែក ៨
-សរុប ១១
លម្អិតឈ្មោះប្រាសាទទាំង ៤២១ នៅខេត្តកំពង់ធំ កម្ពុជាថ្មីនឹងផ្សាយជូនបន្តបន្ទាប់៕
អត្ថបទ៖ ប៊ុណ្ណារ៉ា
ជោគជ័យលើសពីការរំពឹងទុក! OPPO Reno14 Series 5G First Sale Event មានមនុស្សចូលរួមច្រើនធ្វើឲ្យកក្រើកពេញផ្សារ AEON MALL តែម្តង
អភិបាលខេត្តក្រចេះ ៖ ការចូលរួមបរិច្ចាគធនធានពីពលរដ្ឋគ្រប់ទិសទី ជាថាមពលផ្តល់កម្លាំងចិត្តកងទ័ព
រដ្ឋមន្ត្រីកសិកម្ម ណែនាំឱ្យកសិករភ្នំគូលែន សិក្សាលទ្ធភាពចិញ្ចឹមមាន់ស្រែ និងជ្រូក ដែលកំពុងមានតម្រូវការ
អភិបាលខេត្តប៉ៃលិន អំពាវនាវដល់ព្រះសង្ឃ និងមន្ត្រីរាជការចូលរួមថែរក្សា និងលើកកម្ពស់វប្បធម៌ក៏ដូចជាវិស័យព្រះពុទ្ធសាសនា ដែលជាដួងព្រលឹងជាតិ
ជនកំសាកថៃ អួតខ្លួនថា វាយទាហានកម្ពុជាដើម្បីការពារទឹកដី, ចុះរត់ធ្វើអីបើក្នុងដីខ្លួនមែន?
ព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
គួរឲ្យសរសើរអាយុ ៤៦ឆ្នាំ Pacquiao ស្មើម្ចាស់ខ្សែក្រវាត់ Barrios ក្រោយប្រកួត១២ទឹកពេញ
សោកនាដកម្មលិចទូកទេសចរណ៍នៅវៀតណាម រកឃើញមនុស្សស្លាប់ ដល់ ៣៤នាក់
ជនកំសាកថៃ អួតខ្លួនថា វាយទាហានកម្ពុជាដើម្បីការពារទឹកដី, ចុះរត់ធ្វើអីបើក្នុងដីខ្លួនមែន?
ថៃ អះអាងរកឃើញមីនថ្មីរាប់រយគ្រាប់ក្នុងដីខ្លួន, តើនរណាចូលទៅដាក់ ឬថៃដាក់ខ្លួនឯងរួចចោទកម្ពុជា?
-
ព័ត៌មានជាតិ២ ថ្ងៃ agoអគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
ព័ត៌មានអន្ដរជាតិ១៧ ម៉ោង agoព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
បច្ចេកវិទ្យា៥ ថ្ងៃ agoOPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ៧ ថ្ងៃ agoថៃ អះអាងថា ជនកំសាកដែលលួចវាយទាហានកម្ពុជា គឺជាទេសចរ ប៉ុណ្ណោះ
-
ព័ត៌មានជាតិ៧ ថ្ងៃ agoកម្ពុជា រងឥទ្ធិពលពីព្យុះមួយទៀត គឺជាព្យុះទី៥ ឈ្មោះ ណារី (Nari)
-
ព័ត៌មានអន្ដរជាតិ៥ ថ្ងៃ agoរដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
ព័ត៌មានអន្ដរជាតិ៧ ថ្ងៃ ago«នាយករដ្ឋមន្ត្រី៣នាក់ក្នុងពេល៣ថ្ងៃ» ជារឿងដែលមួយពិភពលោក មិនអាចធ្វើបានដូចថៃ
-
សន្តិសុខសង្គម២ ថ្ងៃ agoជនមិនស្គាល់មុខ លីបារី ១០៥ សុង ឆ្លងកាត់ច្រកអន្តរជាតិភ្នំដី ត្រូវកម្លាំងគយចាប់បាន