សុខភាព

ឆាប់នាំកូនទៅពេទ្យភ្លាម បើចេញអាការ២នេះ ត្រង់មុខម្ជុល ក្រោយចាក់វ៉ាក់សាំងកូវីដ

បានផុស

៥ years មុន

នៅ

ថ្ងៃព្រហស្បតិ៍ ១៦ កញ្ញា ២០២១

ដោយ

Sonya

មជ្ឈមណ្ឌលបង្ការនិងគ្រប់គ្រងជំងឺឆ្លងអាមេរិក (CDC) ទូន្មានឪពុកម្ដាយដែលបានយកកូនទៅទទួលវ៉ាក់សាំងបង្ការកូវីដ-១៩ ក្រោយត្រឡប់មកផ្ទះវិញ បើឃើញកន្លែងចាក់មានអាការមិនប្រក្រតីត្រូវពិនិត្យឱ្យច្បាស់ និងចៀសវាងធ្វើអីតាមអារម្មណ៍ភិតភ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាទូទៅ ក្រោយចាក់វ៉ាក់សាំងរួច ក្មេងៗអាចបង្ហាញផលរំខានខ្លះៗ មិនខុសពីមនុស្សពេញវ័យនោះទេ ដែលវាជាសញ្ញាធម្មតាបញ្ជាក់ថា រាងកាយរបស់ពួកគេកំពុងបង្កើតអង់ទីគ័រការពារមេរោគ។

រាល់អាការក្រោយចាក់វ៉ាក់សាំងដូចជា ឈឺចាប់ត្រង់កន្លែងចាក់ ឡើងក្រហម ឬហើម អស់កម្លាំង ឈឺក្បាល ឈឺសាច់ដុំ ព្រឺសម្បុរ ក្ដៅខ្លួន ឬចង្អោរ។ល។ មិនបង្កគ្រោះថ្នាក់ឡើយ ហើយវានឹងបាត់ទៅវិញដោយឯកឯងរវាងពីរបីថ្ងៃបន្ទាប់មក។

យ៉ាងណាមិញ CDC អាមេរិក ព្រមានឪពុកម្ដាយគួរយកចិត្តទុកដាក់ឱ្យមែនទែន ប្រសិនបើក្នុងករណីមុខម្ជុលចាក់វ៉ាក់សាំងកូនឡើងរឹង ឬកន្ទួលដូចពងបែក មិនត្រូវយកប្រេងកូឡាលាប ស្អំទឹកកក ទឹកក្ដៅ ឬច្របាច់វាទេ ហើយត្រូវប្រញាប់យកកូនទៅពេទ្យ។ ជាពិសេសមិនត្រូវផ្ដល់ថ្នាំឱ្យកូនលេបផ្ដេសផ្ដាសដាច់ខាត ចៀសវាងគ្រោះថ្នាក់ ពិបាកស្មានដឹង។

គួររំឭកថា ការផ្ដល់វ៉ាក់សាំងកូវីដ-១៩ដល់កុមារតូចវ័យពី ៦ឆ្នាំ ដល់ក្រោម ១២ឆ្នាំ ជាជំហានមួយដ៏សំខាន់ដើម្បីការពារសុខភាពមនុស្សវ័យក្មេងពីការឆ្លងវីរុសកូវីដ-១៩ ព្រមទាំងជួយពួកគេឱ្យឆាប់បានត្រឡប់ទៅរកការបើកសាលាបឋមសិក្សាឡើងវិញ៕

អត្ថបទ៖ សន្យា

ចុចអាន៖ នេះ ផលរំខានពីវ៉ាក់សាំង Sinovac លើក្មេងអាយុ ៦ ទៅ ១២ ឆ្នាំ ពុកម៉ែត្រូវដឹង និងត្រៀមខ្លួន

ចុចអាន៖ ប្រការចាំបាច់ត្រូវចៀសវាងសម្រាប់កុមារ មុននិងក្រោយពេលចាក់វ៉ាក់សាំងកូវីដ

Related Topics:រោគសញ្ញា