ព័ត៌មានជាតិ

អគ្គិភ័យឆេះផ្ទះពលរដ្ឋអស់៤ខ្នងនៅខណ្ឌដូនពេញយប់មិញ

បានផុស

៥ years មុន

នៅ

ថ្ងៃចន្ទ ២០ កញ្ញា ២០២១

ដោយ

ផ្ទះប្រជាពលរដ្ឋចំនួនខ្នងជាប់គ្នាត្រូវរងការខូចខាតទាំងស្រុងបន្ទាប់ពីមានហេតុការណ៍ឆាប់ឆេះសន្ធោសន្ធៅដោយសង្ស័យឆ្លងចរន្តអគ្គិសនី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីប៉ុស្តិ៍នគរបាលរដ្ឋបាលស្រះចក នៃអធិការដ្ឋាននគរបាលខណ្ឌដូនពេញ បានឲ្យដឹងនៅព្រឹកថ្ងៃទី២០ខែកញ្ញា ឆ្នាំ២០២១នេះថា ករណីអគ្គិភ័យបានកើតឡើងនៅថ្ងៃទី១៩ ខែកញ្ញា ឆ្នាំ២០២១ វេលាម៉ោង២១ និង៥០នាទី សិ្ថតនៅតាមបណោ្តយផ្លូវសហព័ន្ធរុស្សី ក្រុមទី៣១ ភូមិ៣ សង្កាត់ស្រះចក ខណ្ឌដូនពេញ រាជធានីភ្នំពេញ។

សមត្ថកិច្ចបន្តថា ម្ចាស់ទីតាំងឈ្មោះ ហេង លីគន្ធ ភេទស្រី អាយុ៣៥ឆាំ្ន មុខរបរម្ចាស់ផ្ទះជួល។ ចំណែកអ្នកជួលឈ្មោះ មាស ប៊ុនសល់ ភេទប្រុស អាយុ៣២ឆាំ្នមុខរបរលក់កុំព្យូទ័រ។ ប្រភេទសំណង់ផ្ទះឈើប្រក់ស័ង្កសីទំហំ 4ម៉ែត្រ x 45ម៉ែត្រ ។

ក្នុងករណីអគ្គិភ័យនេះដែរ កម្លាំងសមត្ថកិច្ចបានប្រើប្រាស់រថយន្តពន្លត់អគ្គិភ័យរបស់ការិយាល័យបង្ការអគ្គិភ័យ រាជធានីភ្នំពេញចំនួន២០គ្រឿង ប្រើប្រាស់ទឹកអស់ចំនួន៣០ឡាន ស្មើនឹង១២០ម៉ែត្រគូប ។ និងរថយន្តជំនួយរួមមានរថយន្តក្រសួងមហាផៃ្ទ ចំនួន២គ្រឿង ប្រើប្រាស់ទឹកអស់ចំនួន២ឡាន សើ្មនឹង៨ម៉ែត្រគូប។ រថយន្តផ្សារទំនើបអូឡាំព្យា ចំនួន២គ្រឿង ប្រើប្រាស់ទឹកអស់ចំនួន២ឡាន សើ្មនឹង៨ម៉ែត្រគូប។រថយន្តក្រុមហ៊ុនOCIC ទីក្រុងជ្រោយចង្វារ ចំនួន៧គ្រឿងប្រើប្រាស់ទឹកអស់ចំនួន៧ឡាន សើ្មនឹង២៨ម៉ែត្រគូប។ រថយន្តក្រុមហ៊ុនស្រាបៀរកម្ពុជា ចំនួន១គ្រឿង ប្រើប្រាស់ទឹកអស់ចំនួន១ឡាន សើ្មនឹង៦ ម៉ែត្រគូប។