ព័ត៌មានជាតិ

Update ស្ថានភាពអគ្គិភ័យឆេះឃ្លាំងរោងចក្រនៅស្រុកគងពិសី គ្រប់គ្រងបានទាំងស្រុង សម្ភារៈ និងទ្រព្យសម្បត្តិក្នុងឃ្លាំងខួចខាតទាំងស្រុង

បានផុស

៥ years មុន

នៅ

ថ្ងៃព្រហស្បតិ៍ ២៣ កញ្ញា ២០២១

ដោយ

កំពង់ស្ពឺ ៖ ស្ថានភាពអគ្គិភ័យដែលឆាបឆេះឃ្លាំងផ្ទុកសម្ភារៈ និងវត្ថុធាតុដើមក្នុងរោងចក្រមួយ ស្ថិតនៅភូមិព្រៃខ្វាវ ឃុំរកាកោះ ស្រុកគងពិសី ខេត្តកំពង់ស្ពឺ ត្រូវបានគ្រប់គ្រងបានទាំងស្រុងមិនបង្កឱ្យរីករាលដាលដល់ផ្នែកផ្សេងៗឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍គ្រោះអគ្គិភ័យឆេះឃ្លាំងសម្ភារៈរោងចក្រខាងលើនេះ កើតឡើងនៅយប់ថ្ងៃទី២៣ ខែកញ្ញា ឆ្នាំ២០២១ ស្ថិតក្នុងភូមិ-ឃុំខាងលើ។

អាជ្ញាធរស្រុកគងពិសី បានប្រាប់ថា បន្ទាប់ពីទទួលបានព័ត៌មាន ករណីអគ្គីភ័យឆាបឆេះរោងចក្រនេះ លោក ចែមភឺនរីម វុទ្ធី អភិបាលស្រុកគងពិសី ប្រធានគណៈបញ្ជាការឯកភាពស្រុក បានដឹកនាំកម្លាំងគណៈបញ្ជាការឯកភាពស្រុកអន្តរាគមន៍ជួយបាញ់ពន្លត់ របស់ជំនាញពន្លត់អគ្គីភ័យស្រុក និងស្របពេលមានភ្លៀងធ្លាក់ផងនោះ បានធ្វើឲ្យស្ថានភាពអគ្គីភ័យមានការអន់ថយ និងគ្រប់គ្រងបានទាំងស្រុង។

ប្រភពបានបន្តទៀតថា សម្ភារៈ និងទ្រព្យសម្បត្តិ ដែលឆាបឆេះមិនទាន់ប្រមូលបានព័ត៌មានលម្អិតនៅឡើយទេ។ ដោយសារមានការអន្តរាគមន៍ជួយសង្គ្រោះ និងទប់ស្កាត់ទាន់ពេលមិនមានមនុស្សណាម្នាក់រងរបួសដល់អាយុជីវិតនិងរីករាលដាលឆ្លងទៅអគាររោងចក្រផ្សេងឡើយ។

ស្ថានភាពអគ្គិភ័យ ត្រូវបានគ្រប់គ្រងទាំងស្រុង ក្រោមការចូលរួមអន្តរាគមន៍រថយន្តពន្លត់អគ្គិភ័យអធិការនគរបាលស្រុក និងស្នងការនគរបាលខេត្តកំពង់ស្ពឺ មិនបង្កឱ្យមានការឆាប់ឆេះទៅអគារនិងទីតាំងរោងចក្រផ្សេងទៀតឡើយ។ ចំពោះការខូចខាតសម្ភារៈ និងឃ្លាំងរោងចក្រទាំងស្រុងហើយមិនមានគ្រោះថ្នាក់រងរបួសដល់អាយុជីវិតទេ៕

ដោយ ៖ ភួង រដ្ឋា

Related Topics:អគ្គិភ័យ

ព័ត៌មានអន្ដរជាតិ២ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា