ជីវិតកម្សាន្ដ

លោក សែម សង្វាត តារាចម្រៀងជើងចាស់បានទទួលមរណភាពហើយ

បានផុស

៥ years មុន

នៅ

ថ្ងៃសុក្រ ១ តុលា ២០២១

ដោយ

នេះជាដំណឹងដ៏សោកសៅនិងក្រៀមក្រំបំផុតសម្រាប់ក្រុមគ្រួសារ និងសិល្ប:ខណ:ដែលតារាចម្រៀងជើងចាស់លោក សែម សង្វាត ម្ចាស់បទ កម្មករឆ្លងដែន បានទទួលមរណ:ភាពហើយ បន្ទាប់បីធ្លាក់ខ្លួនឈឺធ្ងន់។

យោងតាមការបញ្ជាក់ពីលោក អ៊ឹម ជីវ៉ា បានឲ្យដឹងមុននេះបន្តិចថា លោក សែម សង្វាត បានទទួលមរណ:ភាពហើយកាលពីរំលងអាធ្រាត្រចូលថ្ងៃទី០១ ខែតុលា ឆ្នាំ២០២១នេះ ក្រោយបញ្ជូនទៅសង្គ្រោះនៅមន្ទីរពេទ្យលោកសង្ឃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក អ៊ឹម ជីវ៉ា បានបន្តថា តារាចម្រៀងលោក សែម សង្វាត បានទទួលមរណភាពហើយ ដោយកូនប្រុសរបស់លោកបាននិយាយថា សូមជូនជាដំណឹងដល់ពុកម៉ែអ៊ុំពូមីងទាំងអស់គ្នាឲ្យបានជ្រាប់ថា នៅយប់ថ្ងៃទី៣០ រំលង់ចូលថ្ងៃទី០១ លោកឪពុកខ្ញុំបាទឈ្មោះ សែម សង្វាត បានទទួលមរណៈភាពហើយ។

ប្រភពបានបន្ថែមថា លោក សែម សង្វាត បានទទួលមរណ:ភាពនៅវេលាម៉ោង១២និង១០នាទីដោយជំងឺប្រចាំកាយ។

តាមរយ:ដំណឹងនេះ មានទស្សនិកជននិងអ្នកគាំទ្រជាច្រើនសម្តែងការចូលរួមរំលែកទុក្ខដ៏ក្រៀមក្រំ និងសោកសៅនេះជាមួយក្រុមគ្រួសារផងដែរ៕

អត្ថបទ៖ ចាន់រ៉ា