ព័ត៌មានជាតិ

បន្តកាប់និងដុតបំផ្លាញដំណាំកញ្ឆាខុសច្បាប់ក្នុងស្រុកគិរីវង់៤ទីតាំងបន្ថែមទៀត

បានផុស

៤ years មុន

នៅ

ថ្ងៃអាទិត្យ ៣ តុលា ២០២១

ដោយ

កម្លាំងនគរបាល នៃអធិការដ្ឋាននគរបាលស្រុកគិរីវង់ សហការណ៍ជាមួយកម្លាំងប៉ុស្ដិ៍នគរបាលទាំង១២ បន្តចុះកាប់និងដុតបំផ្លាញដំណាំខុសច្បាប់ ដែលកន្លងមកកម្លាំងបានបង្ក្រាបជាច្រើនទីតាំងមកហើយ ក្នុងភូមិសាស្ដ្រស្រុកគិរីវង់នេះ តែចាប់អ្នកដាំមិនដែលបាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចុះកាប់និងដុតបំផ្លាញដំណាំកញ្ឆាខុសច្បាប់នេះ បានធ្វើឡើងនាព្រឹកថ្ងៃសៅរ៍ ទី០២ ខែតុលា ឆ្នាំ២០២១ វេលាម៉ោង០៧និង៣៥នាទី នៅចំណុចដុបដាដំរីលេង ស្ថិតក្នុងភូមិសាស្ត្រឃុំព្រះបាទជាន់ជុំ ស្រុកគិរីវង់ ខេត្តតាកែវ។

ក្នុងការចុះបង្ក្រាបនេះ កម្លាំងសមត្ថកិច្ចបានកាប់និងដុតបំផ្លាញដំណាំកញ្ឆាចំនួន៤ទីតាំង អាងស្តុកទឹកចំនួន០៤អាង ដែលមានផ្ទៃដីដាំដុះប្រមាណ៤៣៧ម៉ែត្រការ៉េ និងកំពុងបន្តស្រាវជ្រាវស្វែងរកម្ចាស់ទីតាំងជាអ្នកដាំដំណាំកញ្ឆាខាងលើដើម្បីយកមកផ្តន្ទាទោសតាមផ្លូវច្បាប់។

គួររំលឹកថា ក្នុងមូលដ្ឋានឃុំព្រះបាទជាន់ជុំ ស្រុកគិរីវង់ ខេត្តតាកែវ ជាភូមិសាស្ដ្រមួយដែលសម្បូរជនខិលខូលលួចដាំដំណាំកញ្ឆាខុសច្បាប់ជាច្រើនទីតាំង ដែលកន្លងមកកម្លាំងនគរបាលស្រុកនិងកម្លាំងប៉ុស្ដិ៍បានចុះកាប់និងដុតបំផ្លាញជាច្រើនទីតាំងរួចហើយក្ដី ក៏នៅតែមានអ្នកលួចដាំជាបន្តបន្ទាប់រហូតដល់បច្ចុប្បន្ន។ ទោះបីមានការចុះបង្ក្រាបកាប់និងដុតបំផ្លាញដំណាំកញ្ឆាជាច្រើនទីតាំងនេះក្ដី សមត្ថកិច្ចនៅមិនទាន់ចាប់ម្ចាស់ដំណាំខុសច្បាប់បាននៅឡើយទេ ហាក់ដូចដឹងមុនពេលសមត្ថកិច្ចចុះទៅដល់៕

អត្ថបទ៖ សុខុម