សុខភាព

ក្រុមមនុស្សទាំងនេះ ងាយកើតជំងឺលើសអាស៊ីដអ៊ុយរីកជាងគេ

បានផុស

៥ years មុន

នៅ

ថ្ងៃពុធ ៦ តុលា ២០២១

ដោយ

Sonya

ជំងឺរលាកសន្លាក់មានច្រើនសណ្ឋាន ប៉ុន្តែជំងឺរលាកសន្លាក់មួយដែលគេតែងជួបប្រទះញឹកញាប់ គឺជាជំងឺមួយកើតឡើងដោយសារការលើសអាស៊ីដអ៊ុយរីកក្នុងឈាម។ ខាងមន្ទីរពេទ្យកាល់ម៉ែតបានឲ្យដឹងថា ជំងឺនេះប្រសិនបើយើងមិនព្យាបាលឲ្យត្រឹមត្រូវ ទាន់ពេលវេលាជាមួយគ្រូពេទ្យជំនាញ នោះវានឹងបណ្ដាលឲ្យមានការឈឺចាប់ និងរំខានដល់ការរស់នៅ និងប្រកបរបរប្រចាំថ្ងៃ រហូតដល់ពិការក៏មាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជំងឺនេះភាគច្រើនកើតលើមនុស្សប្រុសដែលមានអាយុចន្លោះពី ៣០-៤៥ ឆ្នាំ រីឯស្ត្រីច្រើនកើតក្រោយអាយុ ៥៥ ឆ្នាំ។ ផ្ទុយទៅវិញមនុស្សទាំងពីរភេទ ក្រោយអាយុ ៦៥ ឆ្នាំសុទ្ធតែអាចប្រឈមនឹងជំងឺនេះ បើមានកត្តាដូចខាងក្រោម។

១- កត្តាប្រឈមជំរុញឲ្យងាយកើតជំងឺលើសអាស៊ីដអ៊ុយរីកនេះ

មនុស្សលើសទម្ងន់
អ្នកផឹកជាតិអាល់កុលញឹកញាប់ ជាពិសេសស្រាបៀ ស្រាវីស្គី ឫស្រារ៉ូម
អ្នកញ៉ាំអាហារច្រើនលើសកម្រិត ឫពោះទទេយូរពេក
អ្នកជំងឺខ្សោយតម្រងនោមរ៉ាំរ៉ៃ
អ្នកជំងឺមានសំពាធឈាមលើស
អ្នកចូលចិត្តញ៉ាំសាច់ គ្រឿងសមុទ្រច្រើន
អ្នកកំពុងប្រើថ្នាំមួយចំនួន ដែលនាំទៅរកការលើសអាស៊ីដអ៊ុយរីកក្នុងឈាម

២- រោគសញ្ញាជំងឺលើសអាស៊ីដអ៊ុយរីករួមមាន

Lower your uric acid levels the natural way: We'll show you how

– នៅលើស្បែក និងនៅសន្លាក់មានលេចចេញជាដុំពកៗ
– មានជាគ្រួសនៅតម្រងនោម
– ប៉ះពាល់សន្លាក់ខ្លាំង ជាពិសេសគឺសន្លាក់ជង្គង់ កដៃ កជើង និងមេជើង គឺមានលក្ខណៈហើម ក្ដៅ ឡើងក្រហម និងឈឺចាប់ខ្លាំង ពិសេសស្ដែងចេញភ្លាមៗពិបាកទ្រាំ

ចំពោះការធ្វើរោគវិនិច្ឆ័យ និងព្យាបាលត្រូវជួបពិគ្រោះជាមួយគ្រូពេទ្យជំនាញ ត្រូវធ្វើឲ្យទាន់ពេលវេលា ជៀសវាងការប្រើថ្នាំដោយខ្លួនឯង អាចបណ្ដាលឲ្យមានគ្រោះថ្នាក់ធ្ងន់ធ្ងរ។ ដូចនេះបង្ការការលើសអាស៊ីដអ៊ុយរីកក្នុងឈាម គឺការពារសន្លាក់ ហើយជាពិសេសគឺការពារប្រព័ន្ធតម្រងនោម និងបេះដូងរបស់យើង៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ កត្តាមួយចំនួន ដែលពាក់ព័ន្ធនឹងវិបត្តិរំលាយអាហារ

ចុចអាន៖ អ្វីទៅជំងឺច្រាលទឹកអាស៊ីតក្រពះ?

Related Topics:លើសអាស៊ីដ