អបអរ! ក្រុមសិស្សកម្ពុជា ជាប់លេខ៣ ក្នុងការប្រកួត First Global Challenge 2021

សូមចូលរួមអបអរសាទរក្រុមរបស់កម្ពុជាទទួលបានចំណាត់ថ្នាក់លេខ៣ លើវិញ្ញាសាដោះស្រាយបញ្ហាក្នុងផ្នែកអប់រំ ក្នុងការប្រកួត First Global Challenge 2021 ខណៈដែលក្រុមកម្ពុជាស្ថិតក្នុងចំណាត់ថ្នាក់លេខ២២ ក្នុងចំនោមប្រទេសចូលរួមជាង១៦០ប្រទេស។

នេះយោងតាមការប្រកាសតាមរយៈការផ្សាយផ្ទាល់ របស់ កម្មវិធីប្រកួត First Global Challenge 2021 នៅយប់ថ្ងៃទី៣០ ខែតុលា ឆ្នាំ២០២១នេះ។

តាមរយៈលទ្ធផលនេះ ត្រូវបានក្រុមកម្ពុជា លើកឡើងថា នៅពីក្រោយជោគជ័យនេះ គឺជា៖

– ការបំពេញកិច្ចការផ្សេងៗទាំងថ្ងៃសៅរ៍ ថ្ងៃអាទិត្យ និងថ្ងៃឈប់សម្រាក ដើម្បីសម្រេចលទ្ធផល

– ការធ្វើការមុខកុំព្យូទ័រពីម៉ោង៧ល្ងាចរហូតម៉ោង៤ភ្លឺដើម្បីកែតម្រូវឯកសារសម្រាប់ផ្ញើទៅគណៈកម្មការប្រកួតអោយទាន់ពេលវេលា

– ការប្រជុំរហូតដល់យប់ជ្រៅជាមួយសមាជិកក្រុម និងគ្រូណែនាំដែលនៅទ្វីបផ្សេង

– ការជជែកដេញដោលរវាងសមាជិកដើម្បីរកគំនិតរួមមួយដែលល្អសម្រាប់ក្រុមទាំងមូល

– និងការពុះពារជំនះឧបសគ្គផ្សេងទៀត….

ព័ត៌មានលម្អិតបន្ថែម កម្ពុជាថ្មី នឹងធ្វើការផ្សាយបន្តទៀត។

អត្ថបទ៖ ច័ន្ទ ​វីរៈ