ព័ត៌មានអន្ដរជាតិ

កាសែត New York Times ថា អាមេរិក បិទបាំងព័ត៌មានការស្លាប់ជនស៊ីវិលនៅ ស៊ីរី

បានផុស

៥ years មុន

នៅ

ថ្ងៃចន្ទ ១៥ វិច្ឆិកា ២០២១

ដោយ

កាសែតដ៏ល្បីល្បាញមួយរបស់អាមេរិកនិយាយថា យោធាអាមេរិកបានសម្លាប់ស្ត្រី និងកុមារជាច្រើននាក់ ក្នុងអំឡុងពេលការវាយប្រហារតាមអាកាសនៅក្នុងប្រទេសស៊ីរីកាលពីឆ្នាំ ២០១៩ ប៉ុន្តែបានបិទបាំងការស្លាប់ទាំងនោះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាសែត The New York Times បាននិយាយថា ខ្លួនបានចំណាយពេលជាច្រើនខែដើម្បីបញ្ចូលគ្នានូវគណនីលម្អិតនៃការវាយប្រហារនេះ ។ ទីភ្នាក់ងារព័ត៌មាននេះបាននិយាយថា ខ្លួនបានប្រើប្រាស់ព័ត៌មានដែលដកចេញពីឯកសារសម្ងាត់ និងការសម្ភាសជាមួយបុគ្គលិកដែលពាក់ព័ន្ធដោយផ្ទាល់នៅក្នុងការវាយប្រហារនេះ ។

របាយការណ៍និយាយថា យន្តហោះវាយប្រហាររបស់អាមេរិកបានអនុវត្តសកម្មភាពនៅជិតទីក្រុង Baghuz ក្នុងខែមីនា ឆ្នាំ ២០១៩ ។ នោះគឺក្នុងអំឡុងពេលថ្ងៃចុងក្រោយនៃការប្រយុទ្ធប្រឆាំងនឹងពួកសកម្មប្រយុទ្ធរដ្ឋឥស្លាមនៅក្នុងប្រទេសស៊ីរី ។

របាយការណ៍និយាយថា យន្តហោះនេះបានទម្លាក់គ្រាប់បែកលើហ្វូងស្ត្រី និងកុមារដ៏ច្រើនកុះករដែលប្រមូលផ្ដុំគ្នាច្រាំងទន្លេ ។ ក្រោយមកគ្រាប់បែកជាច្រើនទៀតត្រូវបានទម្លាក់លើអ្នកដែលមិនទាន់ស្លាប់ ។ វានិយាយថា មនុស្ស ៨០ នាក់ត្រូវបានសម្លាប់ ហើយពួកគេភាគច្រើនត្រូវបានគេរាយការណ៍ថាជាជនស៊ីវិល ។

របាយការណ៍នេះនិយាយទៀតថាថា ការទម្លាក់គ្រាប់បែកត្រូវបានធ្វើឡើងដោយអង្គភាពប្រតិបត្តិការពិសេសរបស់សហរដ្ឋអាមេរិក ទទួលបន្ទុកប្រតិបត្តិការជើងគោកក្នុងប្រទេសស៊ីរី ហើយគ្មានការព្រមានណាមួយត្រូវបានផ្ដល់ឲ្យនោះទេ ។ អ្វីដែលមិនគួរឲ្យជឿនោះគឺថា បុគ្គលិកឯកសណ្ឋានកំពុងមើលផ្ទាល់តែម្ដងនៃការវាយប្រហារដោយយន្តហោះដ្រូន ។

របាយការណ៍នោះក៏បានបញ្ជាក់ផងដែរថា គ្មាននរណាម្នាក់ក្នុងជួរយោធាបានអំពាវនាវឲ្យមានការស៊ើបអង្កេតបញ្ហានេះលម្អិតនោះទេ ។ តាមសេចក្តីរាយការណ៍ ការវាយប្រហារតាមអាកាសអាចចាត់ទុកថាជាឧក្រិដ្ឋកម្មសង្គ្រាម ។ ប៉ុន្តែការវាយប្រហារនោះត្រូវបានចាត់ថ្នាក់ជាសកម្មភាពការពារខ្លួន និងបិទបាំង ហើយមេដឹកនាំកំពូលមិនត្រូវបានជូនដំណឹងនោះទេ ។

កាសែត New York Times រាយការណ៍ថា ក្រោយមកខ្លួនបានបញ្ជូនការរកឃើញនេះទៅបញ្ជាការកណ្តាលរបស់សហរដ្ឋអាមេរិក ។ កាសែតនេះនិយាយថា ទីបញ្ជាការកណ្តាលអាមេរិកបានទទួលស្គាល់ការវាយប្រហារនេះជាលើកដំបូង បន្ទាប់ពីវាបានទទួលការរកឃើញ ។ សេចក្តីរាយការណ៍បានប្រាប់កាសែតថា មនុស្ស ៨០ នាក់ត្រូវបានសម្លាប់ក្នុងនោះមានយុទ្ធជន ១៦ នាក់ និងជនស៊ីវិល ៤ នាក់ ។ ប៉ុន្តែគេបាននិយាយថា វាមិនច្បាស់ទេថាតើជនរងគ្រោះ ៦០ នាក់ផ្សេងទៀតជាជនស៊ីវិលឬយ៉ាងណានោះ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ អាមេរិក និង ចិន នៅតែបដិសេធមិនបញ្ចប់ការខួងយកប្រេង និងឧស្ម័ន

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា