ព័ត៌មានអន្ដរជាតិ

ធ្លាក់ឧទ្ធម្ភាគចក្រយោធាពេលកំពុងហ្វឹកហាត់នៅ ថៃ ស្លាប់ទាំងគ្រូ និងកូនសិស្ស

បានផុស

៤ years មុន

នៅ

ថ្ងៃអង្គារ ១៤ ធ្នូ ២០២១

ដោយ

ប្រភពពីយោធាថៃបាននិយាយថា ឧទ្ធម្ភាគចក្រមួយគ្រឿងកំពុងហោះហើរហ្វឹកហាត់ពីមជ្ឈមណ្ឌលអាកាសចរណ៍កងទ័ពក្នុងទីក្រុង Lop Buri បានធ្លាក់ និងផ្ទុះជាអណ្តាតភ្លើងនៅ ព្រឹកថ្ងៃអង្គារនេះ ដោយបានសម្លាប់នាវិកទាំងពីរនាក់ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពបានឲ្យដឹងថា ឧទ្ធម្ភាគចក្រដែលផលិតដោយក្រុមហ៊ុន Enstrom Helicopter Corporation នៅ សហរដ្ឋអាមេរិក បានធ្លាក់នៅ ម៉ោងប្រហែល ៩ និង ៤០ នាទីព្រឹក ក្បែរការិយាល័យប្រៃសណីយ៍ទល់មុខជំរំកងទ័ព Jiraprawat ក្នុងស្រុក Muang នៃខេត្ត Nakhon Sawan ។

លោកវរសេនីយ៍ទោ Panpong Banchongplian គ្រូបង្រៀនហោះហើរ និងលោក Chanakorn Piamcharoen ជានិស្សិតអាកាសចរណ៍បានស្លាប់ក្នុងគ្រោះថ្នាក់ធ្លាក់យន្តហោះនេះ ខណៈកំពុងហោះហើរហ្វឹកហាត់ជាមួយឧទ្ធម្ភាគចក្រផ្សេងទៀត ។

គួរបញ្ជាក់ថា កងទ័ពថៃបានទិញឧទ្ធម្ភាគចក្រប្រភេទ Enstrom 480B ចំនួន ២២ គ្រឿងពីក្រុមហ៊ុន Enstrom Helicopter Corporation ជា ២ ដំណាក់កាល ខណៈការទិញលើកដំបូងក្នុងឆ្នាំ ២០១១ មានចំនួន ១៦ គ្រឿង និងលើកទី ២ មានចំនួន ៦ គ្រឿងក្នុងឆ្នាំ ២០១៩ ហើយឧទ្ធម្ភាគចក្រដែលធ្លាក់នោះត្រូវបានគេរាយការណ៍ថាមានតម្លៃ ៧៤ លានបាត ៕

ប្រែសម្រួលដោយ ៖ ជីវ័ន្ត

ប្រភព ៖ Bangkok Post

ចុចអាន ៖ ថៃ កែរូបមន្តវ៉ាក់សាំងកូវីដផលិតពីថ្នាំជក់ដំបូងបំផុតរបស់ខ្លួនប្រឆាំង Omicron

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា