ចរាចរណ៍
រថយន្តកុងតឺន័របើកឡើងខឿនពុះចែកទ្រូងផ្លូវ បន្តបុកម៉ូតូនៅផ្លូវម្ខាងទៀត បណ្ដាលឲ្យស្លាប់ម្នាក់ របួសធ្ងន់ម្នាក់
បុរសម្នាក់បានបែកក្បាលស្លាប់ និងម្នាក់ទៀតរងរបួសធ្ងន់ ត្រូវរថយន្តសង្គ្រោះដឹកទៅមន្ទីរពេទ្យភ្លាមៗ ខណៈជិះម៉ូតូឌុបគ្នាសុខៗស្រាប់តែមានរថយន្តកុងតឺន័រក្រុមហ៊ុន ផែស្ងួត តេងឡាយ បើកលឿនរេចង្កូតឡើងខឿនពុះចែកទ្រូងផ្លូវមកបុកម៉ូតូ នៅចំណែកផ្លូវម្ខាងទៀត កាលវេលាម៉ោង ១២ និង ១០ នាទីយប់រំលងអធ្រាត្រឈានចូលថ្ងៃទី ១៤ ខែធ្នូ ឆ្នាំ២០២១ ស្ថិតតាមបណ្ដោយផ្លូវជាតិលេខ ១ ក្នុងសង្កាត់ច្បារអំពៅ ២ ខណ្ឌច្បារអំពៅ។
តាមប្រភពពីសន្តិសុខម្នាក់ ដែលឃើញហេតុការណ៍បានប្រាប់ឱ្យដឹងថា មុនពេលកើតហេតុគាត់បានឃើញរថយន្តកុងតឺន័រមួយគ្រឿងរបស់ក្រុមហ៊ុន ផែស្ងួត តេងឡាយ ក្បាលពណ៌ខៀវ ពាក់ស្លាកលេខភ្នំពេញ 3A 0771 បើកដោយបុរសម្នាក់ ក្នុងទិសដៅពីលិចទៅកើតក្នុងល្បឿនលឿន ខណៈមកដល់ចំណុចកើតហេតុខាងលើ បានរេចង្កូតមកខាងឆ្វេងដៃឡើងលើខឿនពុះចែកទ្រូងផ្លូវរួចបន្តទៅបុកម៉ូតូម៉ាកE XCITER ពាក់ស្លាកលេខភ្នំពេញ 1GQ -6422 ជិះដោយបុរសពីរនាក់ ទិសដៅពីកើតទៅលិចពេញទំហឹងប៉ើងទៅលើចិញ្ចើមផ្លូវ ហើយត្រូវរថយន្តកិនចំក្បាលអ្នកបើកបរម៉ូតូធ្លាយខួរពេញផ្លូវស្លាប់យ៉ាងរន្ធត់ សពជនរងគ្រោះមានឈ្មោះ ហ៊ុន វាសនា ភេទប្រុស អាយុ ២៧ ឆ្នាំ មានស្រុកកំណើតតនៅឃុំព្រៃឬស្សី ក្រុងតាខ្មៅ ខេត្តកណ្តាល និងបុរសម្នាក់ទៀតដែលរួមដំណើររងរបួសធ្ងន់ ត្រូវបានរថយន្តគ្លីនិកឯកជនដឹកទៅសង្គ្រោះភ្លាមៗ។ ដោយឡែកតៃកុងរថយន្តបង្ក ត្រូវសមត្ថកិច្ចឃាត់ខ្លួនទៅប៉ុស្តិ៍ច្បារអំពៅ ២ រង់ចាំប្រគល់ឲ្យជំនាញក្រុងចាត់ការតាមនីតិវិធី។
ក្រោយកើតហេតុ សមត្ថកិច្ចមូលខណ្ឌច្បារអំពៅ សហការជាមួយសមត្ថកិច្ចជំនាញការិយាល័យចរាចរណ៍រាជធានីភ្នំពេញនៃស្នងការនគរបាលរាជធានី ធ្វើការវាស់វែងយករថយន្តបង្កព្រមទាំងតៃកុង និងម៉ូតូរងគ្រោះទៅរក្សាទុក រង់ចាំដោះស្រាយគ្នាតាមក្រោយ ដោយឡែកសពរងគ្រោះក្រោយពីសមត្ថកិច្ចធ្វើកំណត់រួចប្រគល់ឱ្យក្រុមគ្រួសារយកទៅធ្វើបុណ្យតាមប្រពៃណី៕
អត្ថបទ៖ សុខា
-
ជីវិតកម្សាន្ដ២ ថ្ងៃ ago
ពិធីករម្នាក់ រងការរិះគន់យ៉ាងចាស់ដៃទង្វើខ្វះសីលធម៌ អង្គុយគងអន្ទាក់ខ្លាពេលសម្ភាសន៍អ្នកនិពន្ធ សុខ ចាន់ផល
-
ព័ត៌មានជាតិ៤ ថ្ងៃ ago
ប្រធានសមាគមសិល្បករខ្មែរ អ្នកឧកញ៉ា ម៉ៅ ចំណាន អញ្ជើញសួរសុខទុក្ខភរិយាអធិរាជសំឡេងមាស
-
ព័ត៌មានជាតិ៥ ថ្ងៃ ago
សម្ដេចតេជោ បញ្ជាឱ្យសមត្ថកិច្ចកម្ពុជា ចាប់ដៃវៀតណាមវែកមុខអ្នកចូលជេរសម្ដេច ព្រោះរឿងព្រែកជីកហ្វូណន
-
ព័ត៌មានជាតិ៤ ថ្ងៃ ago
ស្ពានឆ្លងទន្លេពីដីឥដ្ឋ ភ្ជាប់ទៅផ្លូវល្បឿនលឿនភ្នំពេញបាវិត បន្តវឌ្ឍនភាពតាមការគ្រោងទុក
-
ជីវិតកម្សាន្ដ១ សប្តាហ៍ ago
គេហទំព័រម៉ូដមួយ រិះគន់ Chompoo ដែលស្លៀកពាក់មិនសមទំនង លើកម្រាលព្រំក្រហម Cannes
-
សេដ្ឋកិច្ច៦ ថ្ងៃ ago
គម្រោងអភិវឌ្ឍន៍លំនៅឋានបែបជប៉ុនដំបូងគេនៅកម្ពុជា ចាប់ផ្ដើមហើយក្នុងតំបន់ទីក្រុងរណប អ៉ឹង ស៊ីធី (ING CITY)
-
ព័ត៌មានជាតិ១ សប្តាហ៍ ago
ប្រឡងសិស្សពូកែ ឆ្នាំនេះ បេក្ខជនមកពីខេត្តជាប់ច្រើនលើសលប់ជាងបេក្ខជននៅភ្នំពេញ
-
ព័ត៌មានជាតិ១ សប្តាហ៍ ago
មេ Booyoung Khmer II Co.,Ltd.៖ ការវិនិយោគរបស់ក្រុមហ៊ុននៅកម្ពុជា គឺមិនមែនដើម្បីប្រាក់តែចំណេញឡើយ