វប្បធម៌ ជំនឿ

ថ្មធម្មជាតិ ៦០០០ ឆ្នាំ Lapis Lazuli នាំសំណាង យសស័ក្តិ និងការគោរពស្រលាញ់

បានផុស

៦ years មុន

នៅ

ថ្ងៃអង្គារ ៨ ធ្នូ ២០២០

ដោយ

Sonya

នៅពេលដែលអ្នកណាម្នាក់ពាក់ត្បូងថ្ម Lapis Lazuli ថាមពលទាក់ទាញសំណាងត្រូវបានបំផុសឡើងមក មិនថាគំនិតគិតអំពីអ្វី ថាមពលចង់ធ្វើអ្វី ភាពអវិជ្ជមានបម្រុងកើតឡើងមកដោយប្រការណាក្តី បានក្លាយជា ការគិតបែបវិជ្ជមាន និងប្រកបដោយការស្មារតីស្ថាបនាខ្ពស់។ ត្បូងនេះ សក្តិសមនឹងបុគ្គលណា ដែលមានយសក្តិ មានបរិវាហែរហម គប្បីទិញថ្មនេះ យកមកប្រើ ឬទុកជាទ្រព្យក្បែរខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ត្បូងថ្មធម្មជាតិ ឡាពីសឡាហ្សូលី(Lapis Lazuli) ផ្តល់នូវគុណសម្បត្តិ នៃសីលធម៌ដែលជះឥទ្ធិពលដល់បុគ្គលិកលក្ខណៈនៃមនុស្សកំពុងស្ថិតក្នុងអំណាច។ ឥទ្ធិពលលើចក្រារបស់ត្បូងនេះ រំលើកទឹកចិត្តឱ្យម្ចាស់វា មានការច្នៃប្រតិដ្ឋ មានគំនិតសន្តោសមេត្តា មានភាពអត់ធ្មត់ខ្ពស់លើសមនុស្សធម្មតា ដែលអាចកាន់ការធំបានសម្រេចសឹងគ្រប់រឿង។

Lapis Lazuli គឺជាផ្នែកមួយនៃថ្មធម្មជាតិប្រភេទកម្រ ដែលត្រូវបានគេប្រើច្រើនបំផុតចាប់តាំងពីប្រវត្តិសាស្រ្តរបស់មនុស្សកកើតដំបូង។ ស្តេចជាច្រើននៅអឺរ៉ុបមានថ្មនេះ ជាអលង្ការក្នុងទិវាអភិសេកគ្រងរាជ ព្រោះគេជឿថាជាថាមពលនៃអំណាច ទសពិតរាជធម៌ និង ការបង្ករបរិវារាប់ម៉ឺនសែន។

ល្បាយពណ៌ខៀវជ្រៅរបស់វា រហូតដល់ពេលនេះ នៅតែជានិមិត្តរូបនៃរាជវង្សនិងកិត្តិយស ជាតំណាងឱ្យសេនាធំនៃព្រះ តំណាងឱ្យអំណាចនៃវិញ្ញាណដែលពេញដោយចក្ខុវិស័យលើសពីមនុស្សធម្មតា។

វាក៏ជានិមិត្តរូបនៃការនាំមកថាមពល ប្រាជ្ញានិងសេចក្តីល្អបរិសុទ្ធក្នុងផ្នត់គំនិតអ្នកដែលពាក់វា (មនុស្សគិតអាក្រក់ ព្យាបាទអ្នកដទៃ មិនអាចប្រើត្បូងនេះបានឡើយ)។ ដើម្បីទទួលបានអត្ថប្រយោជន៍ពីគុណភាពរបស់ LaPis យើងអាចធ្វើជាចិញ្ចៀនឬខ្សែដៃពាក់ជាប់ខ្លួនបាន។
Lapis Lazuli មិនមែនជាថ្មដែលមានតម្លៃថ្លៃពេកនោះទេ ប៉ុន្តែវាកម្រមាន។ ប្រភេទដែលមិនមានបង្កប់សសៃមាសក៏អាចលក់ក្នុងតម្លៃប្រមាណជា ២០ ដុល្លារក្នុងមួយការ៉ាត់ រីឯឡាពីសដែលមានជាតិខ្សែមាសច្រើន អាចឡើងដល់ ១០០-១៥០ ដុល្លារ ក្នុងមួយហ្គារ៉ាត់។

ការលាងសម្អាតវា យើងអាចធ្វើបានដោយប្រើ ទឹកក្តៅឧណ្ឌ ៗ ។ គេមិនគួរដាក់ត្បូង Lapis Lazuli ក្នុងម៉ាស៊ីនជ្រលក់គីមីឬគ្រឿងអលង្ការទេ ហើយការពារពីសារធាតុអាសុីតឲ្យបាន។ បើយើងរកជាងធ្វើ ត្រូវប្រាប់គេឱ្យច្បាស់។
Lapis Lazuli បច្ចុប្បន្ន រកបានដោយកម្រដោយសារវាមានតិចជាងត្បូងពេជ្រ។
ឡាពីសដែលមានពណ៌ខៀវស្រងាត់ ផ្ទុកសារធាតុរ៉ែធម្មជាតិ និងចែកចាយពណ៌ខៀវខុសៗពីគ្នាច្រើនសណ្ឋានក្នុងដុំតែមួយ ចាត់ថាជារបស់ពិត។