ចរាចរណ៍

រថយន្តដឹកទឹកសុទ្ធ បុកពីក្រោយរថយន្តដឹកទឹកកក កៀបមនុស្សម្នាក់ក្នុងកាប៊ីនបាក់ជើង

បានផុស

៤ years មុន

នៅ

ថ្ងៃអង្គារ ៤ មករា ២០២២

ដោយ

រថយន្តដឹកទឹកសុទ្ធបុកពីក្រោយរថយន្តដឹកទឹកកកធ្វើឲ្យមនុស្សម្នាក់គៀបក្នុងរថយន្តរងរបួសបាក់ជើងយ៉ាងធ្ងន់ធ្ងរ។ ហេតុការណ៍គ្រោះថ្នាក់ចរាចរណ៍នេះ បានកើតឡើងនៅវេលាម៉ោង 6 និង 40 នាទីព្រឹកថ្ងៃទី 4 ខែមករា ឆ្នាំ 2021 ត្រង់ចំណុចជិតចំការម៉ៃសាក់ ផ្លូវជាតិលេខ 9 ក្នុងភូមិរាជានុកូលសង្កាត់ក្រុងស្ទឹងត្រែង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចចរាចរណ៍ចុះទៅពិនិត្យកន្លែងកើតហេតុបានឲ្យដឹងថា នៅមុនកើតហេតុរថយន្តកូរ៉េពីតោនកន្លះដឹកទឹកកកពណ៌សបានឈប់អែបលើផ្លូវជាតិបទជើងតូច ហើយក៏មានរថយន្តកូរ៉េមួយតោនកន្លះពណ៌ស ពាក់ស្លាកលេខភ្នំពេញ 2.AJ6919 បានបុកពីក្រោយពេញទំហឹង ធ្វើឱ្យអ្នករួមដំណើរជិះជាប់តែកុងកៀបជាប់បាក់ជើងឆ្វេងរបួសធ្ងន់ រីឯតែកុងបានរួចផុតពីគ្រោះថ្នាក់។

សមត្ថកិច្ចបានបន្តឲ្យដឹងទៀតថា អ្នករបួសភាពបាក់ជើងកៀបក្នុងកាប៊ីនរថយន្ត ត្រូវបានសមត្ថកិច្ចយករថយន្តកែច្នៃទាញយ៉ាងយូរ ទើបយកជនរងគ្រោះចេញបាន និងបានបញ្ជូនទៅកាន់មន្ទីរពេទ្យបង្អែកខេត្តស្ទឹងត្រែងដើម្បីធ្វើការព្យាបាល។ សមត្ថកិច្ចបន្តថា ជនរងគ្រោះបាក់ជើងក្នុងឧប្បទ្ទវហេតុគ្រោះថ្នាក់ចរាចរណ៍នេះមានឈ្មោះ ភ័ណ្ឌ ភេទប្រុស អាយុជាង 20 ឆ្នាំ (បាក់ជើងឆ្វេង)រស់នៅក្រុងស្ទឹងត្រែង។ ចំណែករថយន្តដឹកទឹកកកមួយគ្រឿងទៀត មានគ្នាពីរនាក់១ឈ្មោះ ងោ ឌួន ភេទប្រុស អាយុ ២៣ ឆ្នាំ និងទី2 ឈ្មោះ ឌឹន ឧត្តម ភេទប្រុស អាយុ ២៣ ឆ្នាំ រស់នៅខេត្តស្ទឹងត្រែង។