ព័ត៌មានអន្ដរជាតិ

ថៃ កំពុងផ្ទុះជំងឺមួយទៀត ងាយឆ្លង និងធន់ជាមួយថ្នាំសម្លាប់មេរោគ

បានផុស

៤ years មុន

នៅ

ថ្ងៃចន្ទ ១០ មករា ២០២២

ដោយ

លោកវេជ្ជបណ្ឌិត Yong Phuworawan អ្នកជំនាញផ្នែកព្យាបាលរោគនៃសាកលវិទ្យាល័យ Chulalongkorn បានបង្ហោះសារតាមរយៈហ្វេសប៊ុកផ្ទាល់ខ្លួនថា ជំងឺរាគរូស Norovirus កំពុងរាតត្បាតក្នុងខេត្តចាន់បុរី និងភាគខាងកើតប្រទេសថៃ ចាប់តាំងពីថ្ងៃចូលឆ្នាំថ្មីឆ្នាំសកលរហូតមកដល់ពេលនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមនោះ ជំងឺរាគរូស Norovirus ដែលត្រូវបានរកឃើញនេះគឺជាប្រភេទបំប្លែងខ្លួន GII.3 ដែលជាពូជកម្រមួយមិនងាយនឹងមានការរាយការណ៍ណាស់ ហើយនាយកដ្ឋានគ្រប់គ្រងជំងឺថៃបានរកឃើញវានៅក្នុងខែមិថុនា ឆ្នាំ ២០១៨ ពីអ្នកជំងឺរាគនៅទីក្រុងបាងកក ។

មេរោគនេះអាចបណ្តាលឲ្យរាគ ក្អួត និងឈឺពោះ ក្នុងករណីខ្លះគឺគ្រុនក្តៅ ហើយរោគសញ្ញារបស់វាគឺស្រដៀងនឹងការពុលអាហារ ។

ជំងឺនេះច្រើនកើតមានក្នុងរដូវរងា ។ ក្នុងឆ្នាំខ្លះវាបានចម្លងដល់អ្នកជំងឺជាច្រើន ហើយវាច្រើនតែច្រឡំថាពុលអាហារ ព្រោះមេរោគមិនមានសំបកនោះទេ ហើយវាក៏ងាយចម្លង និងធន់នឹងថ្នាំសម្លាប់មេរោគ ដូចជាអាល់កុលជាដើម ។

ចំពោះសារធាតុដែលអាចប្រើសម្លាប់មេរោគនេះបានគឺសារធាតុក្លរីន ដូចជា chlorox (ទឹកសម្អាតបង្គន់) ៕

ប្រែសម្រួលដោយ ៖ ជីវ័ន្ត

ប្រភព ៖ Sanook

ចុចអាន ៖ មកថ្មីទៀតហើយ! លើកនេះជា វីរុសបំប្លែងខ្លួន កូនកាត់ Delta ជាមួយ Omicron