ព័ត៌មានជាតិ

ត្រឹម១ខែកម្ពុជាមានអ្នកឆ្លងជំងឺកូវីដ-១៩ បំប្លែងខ្លួនថ្មីប្រភេទអូមីក្រុង ជិត២៨០ករណី

បានផុស

៣ years មុន

នៅ

ថ្ងៃព្រហស្បតិ៍ ១៣ មករា ២០២២

ដោយ

រយៈពេលត្រឹម១ខែ កម្ពុជាមានអ្នកឆ្លងជំងឺកូវីដ១៩បំប្លែងខ្លួនថ្មីប្រភេទអូមីក្រុងកើនឡើងជិត២៨០ករណីហើយ រួមទាំង៣៤ករណីដែលរកឃើញនៅថ្ងៃនេះផងដែរ។

បើតាមរបាយករណ៍ប្រចាំថ្ងៃរបស់ក្រសួងសុខាភិបាលបានឱ្យដឹងថា ក្រសួងបានរកឃើញករណីមេរោគបំប្លែងថ្មីប្រភេទអូមីក្រុងជាលើកដំបូងនៅថ្ងៃទី១៤ ខែធ្នូ ឆ្នាំ២០២១ ទៅលើស្ត្រីមានផ្ទៃពោះជាជនជាតិខ្មែរម្នាក់អាយុ២៣ឆ្នាំ នៅខេត្តស្វាយរៀង ដែលបានធ្វើដំណើរតាមជើងហោះហើរចេញពីប្រទេសហ្គាណា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួងបានបន្តថា ចាប់តាំងពីថ្ងៃទី១៤ ខែធ្នូ ឆ្នាំ២០២១រហូតមកដល់ព្រឹកថ្ងៃទី១៣ ខែមករា ឆ្នាំ២០២២នេះ កម្ពុជាមានអ្នកឆ្លងជំងឺកូវីដ១៩បំប្លែងខ្លួនថ្មីប្រភេទអូមីក្រុងចំនួន២៧៧ករណីហើយរួមទាំង៣៤ករណីដែលរកឃើញនៅថ្ងៃនេះផង ហើយក្នុង៣៤ករណីនោះ មានករណីឆ្លងសហគមន៍១២នាក់ និងអ្នកដំណើរមកពីបរទេស២២នាក់ អ្នកជាសះស្បើយ១៤នាក់ និងស្លាប់ គ្មាន ។

ក្រសួងសុខាភិបាលបានបន្តថា ក្នុងចំណោមអ្នកឆ្លងជំងឺកូវីដ១៩បំប្លែងខ្លួនថ្មីប្រភេទអូមីក្រុងចំនួន២៧៧ករណីនោះ មាន២៨ករណីឆ្លងចូលក្នុងសហគមន៍ និងក្រៅពីនេះជាករណីនាំចូលមកពីបរទេស។

គួរបញ្ជាក់ថា គិតត្រឹមព្រឹកថ្ងៃទី១៣ ខែមករា ឆ្នាំ២០២២ កម្ពុជាមានអ្នកឆ្លងជំងឺកូវីដ១៩សរុប១២០៧១៨នាក់ អ្នកជាសះស្បើយចំនួន១១៧០៥៧នាក់ និងអ្នកស្លាប់ចំនួន៣០១៥ នាក់៕

អត្ថបទ៖ សំអឿន

Related Topics: