បវរកញ្ញា ងិន ម៉ារ៉ាឌី ទម្លាយក្តីស្រមៃធំ និងគន្លឹះជោគជ័យ

ភ្នំពេញ៖ បវរកញ្ញាកម្ពុជាកញ្ញា ងិន ម៉ារ៉ាឌី គឺជាម្ចាស់ម្កុដ Miss Universe Cambodia 2021 ខណៈកន្លងទៅនាងតំណាងឱ្យកម្ពុជាទៅចូលរួមប្រកួតក្នុងកម្មវិធី Miss Universe លើកទី៧០ ឆ្នាំ ២០២១ នៅប្រទេសអ៊ីស្រាអែល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមគ្នានឹងភាពជោគជ័យលើវិស័យដើរម៉ូដស្រាប់ ស្រីស្អាត ងិន ម៉ារ៉ាឌី បានទម្លាយប្រាប់នូវក្តីស្រមៃដ៏ធំរបស់ខ្លួនជាមួយភាពជោគជ័យទៅថ្ងៃអនាគត។

កញ្ញា ងិន ម៉ារ៉ាឌី បានបង្ហោះរូបភាពជាច្រើនសន្លឹកដោយភ្ជាប់ខ្លឹមសារដូច្នេះថា៖ “ក្តីស្រមៃតាំងពីតូចគឺចង់ក្លាយជាបវរកញ្ញា ហើយនេះជាកម្រងរូបភាពអនុស្សាវរីយ៍នៃការបំពេញក្តីសុបិន្តរបស់នាងខ្ញុំនៅលើទឹកដីប្រទេសអុីស្រាអ៊ែល។មិត្តភាពជាមួយនឹងបវរកញ្ញាផ្សេងៗដែលមកពីបណ្តារប្រទេសនានាជុំវិញពិភពលោក”។ 

បវរកញ្ញា ងិន ម៉ារ៉ាឌី បានលើកឡើងបន្ថែមថា៖ “ខ្ញុំអាចបំពេញក្តីសុបិន្តរបស់ខ្លួនបាន ដូច្នេះអ្នកក៏អាចធ្វើបានដូចគ្នា។ សូមហ៊ានមានបំណងប្រាថ្នាឈរលើគោលការណ៍រឹងមាំ ខ្ញុំជឿជាក់ថា អ្នកនឹងទទួលបានជោគជ័យ”។

គួរបញ្ជាក់ថា បន្ទាប់ពីទទួលបានការគាំទ្រ និងជោគជ័យលើវិថីដើរម៉ូដនៅកម្ពុជា បវរកញ្ញា ងិន ម៉ារ៉ាឌី ត្រូវបានគេមើលឃើញថា នាងកាន់តែមានទីផ្សា និងប្រជាប្រិយភាពខ្លាំង។ លើសពីនេះ ងិន ម៉ារ៉ាឌី ក៏ទាញបានទីផ្សាចាប់អារម្មណ៍នៅក្រៅប្រទេសផងដែរអំឡុងពេលចេញទៅប្រកួតលើឆាកអន្តរជាតិនាពេលកន្លងទៅ៕

អត្ថបទ៖ ចាន់រ៉ា