KPT+
បើពិតជាមានទម្លាប់ទាំងនេះ ទោះសមត្ថភាពស្ទើរ អាចជោគជ័យបាន
មនុស្សជោគជ័យមិនកំណត់ លើបទពិសោធន៍ច្រើន ឬទាល់តែមានសមត្ថភាពខ្លាំងនោះទេ។ ខណៈដែលគ្នាយើងមានលក្ខណៈសម្បត្តិទាំងប៉ុន្មាននេះ នោះអាចរាប់ថា ជោគជ័យជាងពាក់កណ្ដាលទៅហើយ។
គោរពអ្នកដទៃ
ការគោរពអ្នកដទៃប្រៀបដូចជាការឲ្យតម្លៃខ្លួនឯងដូចគ្នា ព្រោះវាជាតម្លៃដែលមនុស្សគ្រប់រូបត្រូវប្រកាន់ខ្ជាប់តាមខ្លួនជានិច្ច។ កាលណាមនុស្សម្នាក់ចេះគោរពអ្នកដទៃ នោះការគោរពមកខ្លួនរមែងសងត្រឡប់មកវិញ។
គោរពពេលវេលា
ប្រកាន់ខ្ជាប់ពេលវេលា ប្រៀបដូចការគោរពខ្លួនឯង និងអ្វីៗដែលនៅជុំវិញខ្លួន។ អ្នកដទៃនឹងឲ្យតម្លៃនរណាម្នាក់ តាមកម្រិតដែលអ្នកនោះចេះឲ្យតម្លៃពេលវេលាដូចគ្នា។
គិតវិជ្ជមានជានិច្ច
ច្បាប់ស្រូបទាញនិយាយថា យើងនឹងទទួលបាននូវអ្វីដែលយើងគិត។ ដូច្នេះនៅពេលដែលយើងចាប់ផ្ដើមគិតអ្វីៗក្នុងភាពវិជ្ជមានច្រើន នោះភាពអវិជ្ជមាននឹងមានឥទ្ធិពលតិចលើជីវិតយើង។
ជឿជាក់លើខ្លួនឯង
មានទំនុកចិត្តលើខ្លួនពិតជាចាំបាច់ ព្រោះបើគ្មានភាពជឿជាក់លើខ្លួនឯង មនុស្សម្នាក់ៗពិបាកនឹងធ្វើអ្វីឲ្យជោគជ័យណាស់។ ភាពជឿជាក់ ជាគន្លឹះនាំឲ្យហ៊ានសម្រេចចិត្ត និងហ៊ានធ្វើ ទោះបីជីវិតធ្លាក់ដល់ណាក៏ដោយ។
មានគោលដៅជីវិតច្បាស់
ទោះបីជាយើងនៅមិនទាន់មានបទពិសោធន៍ចាស់ក៏ពិតមែន ប៉ុន្តែបើមានគោលដៅជីវិតច្បាស់លាស់ យើងនឹងទទួលបានជោគជ័យឆាប់ៗ។ ខណៈយើងចេះកំណត់ពីគោលដៅរបស់ខ្លួន យើងក៏ដឹងថា ខ្លួនត្រូវធ្វើអ្វីបន្ទាប់ទៀត ដោយមិនបណ្ដោយឲ្យអ្វីៗកន្លងហួសទៅគ្មានប្រយោជន៍។
ចេះទទួលការកែលម្អ
លើលោកនេះគ្មានអ្នកណាល្អឥតខ្ចោះ រឹតតែគ្មាននរណាមិនចេះធ្វើខុសដែរ។ មនុស្សវិជ្ជមានរមែងទទួលកំហុសដើម្បីអភិវឌ្ឍឲ្យក្លាយជាភាពជោគជ័យ។ ហេតុនេះ ការបើកចិត្តការទទួលយកការកែលម្អពីអ្នកដទៃ ជាមេរៀនដែលជួយខ្លួនឲ្យបានទៅមុខជានិច្ច៕
ប្រែសម្រួល៖ សន្យា
ប្រភព៖ The Budding Optimist
-
ព័ត៌មានជាតិ៧ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៥ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៤ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម៣ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៦ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានអន្ដរជាតិ២០ ម៉ោង agoចាប់ខ្លួនបានហើយ! ខ្មាន់កាំភ្លើង ដែលប៉ុនប៉ងបាញ់ប្រហារលោក ត្រាំ នៅសេតវិមាន