ព័ត៌មានអន្ដរជាតិ

មីយ៉ាន់ម៉ា បន្តដាក់ប្រទេសក្នុងស្ថានភាពអាសន្ន ៦ ខែទៀត ដើម្បីរៀបចំ បោះឆ្នោតឆ្នាំក្រោយ (មានវីដេអូ)

បានផុស

៣ years មុន

នៅ

ថ្ងៃអង្គារ ១ កុម្ភៈ ២០២២

ដោយ

យោធាមីយ៉ាន់ម៉ានិយាយថា ខ្លួនកំពុងបន្តដាក់ប្រទេសក្នុងស្ថានភាពអាសន្នរយៈពេល ៦ ខែទៀត នៅថ្ងៃគម្រប់ខួប ១ ឆ្នាំនៃរដ្ឋប្រហារយោធា ។

យោធាបានប្រកាសពីការពន្យារវិធានការដែលបានផុតកំណត់កាលពីថ្ងៃចន្ទតាមរយៈទូរទស្សន៍រដ្ឋរបស់ប្រទេស ហើយវាកើតឡើង បន្ទាប់ពីរដ្ឋប្រហារដែលបានកើតឡើងកាលពីមួយឆ្នាំមុន ។

នៅក្រោមច្បាប់រដ្ឋធម្មនុញ្ញ អាជ្ញាធរនឹងអាចបន្តវិធានការបច្ចុប្បន្នសម្រាប់រយៈពេល ៦ ខែទៀត ដោយរក្សាប្រទេសឲ្យស្ថិតក្នុងស្ថានភាពអាសន្នរយៈពេលសរុប ២ ឆ្នាំ ។

ទន្ទឹមនោះ មន្ត្រីយោធាកំពុងរៀបចំផែនការបោះឆ្នោតសម្រាប់ខែសីហា ឆ្នាំ ២០២៣ ហើយការពន្យារពេលនេះផ្តល់ពេលវេលាដល់យោធាដើម្បីរៀបចំការបោះឆ្នោត និងស្វែងរកមធ្យោបាយដើម្បីពង្រឹងការកាន់កាប់អំណាចរបស់ខ្លួន ។

ស្របពេលជាមួយគ្នានេះ យោធាបាននិងកំពុងប្រឈមមុខនឹងការប្រឆាំងជាបន្តបន្ទាប់ ពីបាតុករប្រឆាំងរដ្ឋប្រហារ ។ នៅក្នុងទីក្រុងយ៉ាំងហ្គោន ដែលជាទីក្រុងដ៏ធំបំផុតរបស់ប្រទេសនេះ មានការវាយប្រហារជាបន្តបន្ទាប់លើមូលដ្ឋានយោធា និងប៉ូលិស ដែលត្រូវបានរៀបចំឡើងដោយកងកម្លាំងគាំទ្រលទ្ធិប្រជាធិបតេយ្យ ។

ភាពតានតឹងរវាងយោធា និងប្រជាពលរដ្ឋកំពុងកើនឡើង ខណៈសកម្មជនគ្រោងនឹងធ្វើកូដកម្មស្ងាត់ៗដើម្បីប្រារព្ធខួបទី ១ នៃរដ្ឋប្រហារ ហើយយោធាបានអំពាវនាវឲ្យប្រជាពលរដ្ឋឈប់សម្រាកនៅផ្ទះ ខណៈអាជ្ញាធរកំពុងគំរាមចាត់វិធានការផ្លូវច្បាប់ចំពោះអ្នកណាដែលចូលរួមការតវ៉ាបែបនេះ ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ ខួប ១ ឆ្នាំនៃរដ្ឋប្រហារ មីយ៉ាន់ម៉ា ៖ ព្រឹត្តិការណ៍រញ្ជួយពិភពលោក