ព័ត៌មានជាតិ

បុរសម្នាក់រងរបួសធ្ងន់ ក្រោយភ្ជួរដីចម្ការខ្លួនឯងប៉ះចំមីនតោន នៅស្រុកសំពៅលូន

បានផុស

៥ years មុន

នៅ

ថ្ងៃចន្ទ ១៤ ធ្នូ ២០២០

ដោយ

គ្រាប់មីនតោន១គ្រាប់ បានផ្ទុះឡើងផ្អើលដល់អ្នកភូមិ ខណៈដែលបុរសជាប្រជាកសិករម្នាក់ បានបើកត្រាក់ទ័រភ្ជួរដីចម្ការរបស់ខ្លួន ដើម្បីដាំដំណាំផ្សេងៗទៅតាមរដូវកាលដូចសព្វមួយដង។ សមត្ថកិច្ចឲ្យដឹងថា ហេតុការនេះ បានកើតឡើងនៅថ្ងៃទី១៣ ខែធ្នូឆ្នាំ ២០២០នេះ វេលាម៉ោង១០:០០នាទីព្រឹក នៅចំណុចភូមិចក្រី ឃុំបារាំងធ្លាក់ ស្រុកភ្នំព្រឹក ខេត្តបាត់ដំបង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចបន្តថា ករណីផ្ទុះមីនតោននេះ បានបង្កឲ្យអ្នកបើកបររងរបួសធ្ងន់ និងត្រាក់ទ័រ១គ្រឿងបានខូចខាតយ៉ាងដំណំ ដែលអ្នកបើកបរត្រូវជាម្ចាស់ចម្ការឈ្មោះ(គ្រី) អាយុ២៩ឆ្នាំ រស់នៅភូមិឃុំកើតហេតុខាងលើ។ ក្រោយកើតហេតុជនរងគ្រោះ ត្រូវបានបញ្ជូនភ្លាមៗទៅមន្ទីរពេទ្យបង្អែកស្រុកសំពៅលូន។ សមត្ថកិច្ចក៏ដូចជាអ្នកភូមិ បានសន្និដ្ឋានថា មីនតោន១គ្រាប់នេះ ទំនងបានរសាត់តាមទឹកហូរកាលពីមានជំនន់ទឹកកន្លងទៅហើយ ក៏ត្រូវបានទើរនៅកប់ដីត្រង់ចំណុចដីចម្ការដែលពលរដ្ឋ បានធ្វើរាល់រដូវកាលនោះតែម្តងទើបលើកនេះ ភ្ជួរប៉ះចំគ្រាប់មីនបែបនេះ៕