ចរាចរណ៍

បុរសម្នាក់ រេចង្កូតម៉ូតូចូលឡានជិះបញ្ច្រាសគ្នា ស្លាប់ភ្លាមៗនៅនឹងកន្លែង

បានផុស

៤ years មុន

នៅ

ថ្ងៃសុក្រ ១១ មីនា ២០២២

ដោយ

បុរសម្នាក់បានស្លាប់ភ្លាមៗនៅនឹងកន្លែង បន្ទាប់ពីរេចង្កូតម៉ូតូចូលទៅក្នុងគន្លងរថយន្តធំ ដែលកំពុងបើកបរក្នុងទិសដៅច្រាស់គ្នា។ ករណីគ្រោះថ្នាក់ចរាចរណ៍នេះ បានកើតឡើង កាលពីថ្ងៃទី ១០ ខែមីនា ឆ្នាំ ២០២២ នៅវេលាម៉ោង ៣ និង ៤០ នាទី រសៀល ត្រង់ចំណុចជិតស្ពានអូតាគ្រៃ ស្ថិតក្នុងភូមិភ្ចាវ ឃុំត្រែង ស្រុករតនមណ្ឌល ខេត្តបាត់ដំបង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមអធិការនគរបាលស្រុករតនមណ្ឌល បានឲ្យដឹងថា គ្រោះថ្នាក់ចរាចរណ៍នេះ គឺដំបូងមានរថយន្តម៉ាក ហ៊ីយិនដាយ១គ្រឿង ពាក់ស្លាកលេខបន្ទាយមានជ័យ 3A-1042 បើកបរពីលិចមកកើត ពេលបើកបរមកដល់កន្លែងកើតហេតុខាងលើ ស្រាប់តែមានម៉ូតូ០១គ្រឿង ម៉ាកហុងដាឃ្លីក ពណ៌ស ពាក់ស្លាកលេខ បាត់ដំបង 1W-3350 បើកបរពីកើតមកលិច អ្នកបើកបរឈ្មោះ ហុង ចាន់រិទ្ធ ភេទប្រុស អាយុ ៣៨ ឆ្នាំ ធ្វើការនៅភូមិភាគទី ៥ ប្រចាំទិសប៉ៃលិន បានបើកចូលផ្លូវរថយន្តទៅ បុករថយន្តចំពីមុខពេញផ្នែកខាងឆ្វេង បណ្តាលឲ្យអ្នកបើកបរម៉ូតូស្លាប់នៅកន្លែងកើតហេតុ។

ភ្លាមៗនោះសមត្ថកិច្ចបានចុះទៅដែរ តែអ្នកបើកបររថយន្តបានរត់គេចខ្លួនចេញពីកន្លែងកើតហេតុបាត់ទៅហើយ បច្ចុប្បន្នសមត្ថកិច្ចបានប្រគល់សពទៅឲ្យក្រុមគ្រួសារយកទៅធ្វើបុណ្យហើយ ចំណែកមធ្យោបាយទាំងពីរក៏បានប្រគល់ទៅការិយាល័យចរាចរណ៍ផ្លូវគោកខេត្តជាអ្នកអនុវត្តតាមផ្លូវច្បាប់៕

អត្ថបទ៖ សោ និយមរ័ត្ន