ជីវិតកម្សាន្ដ

វ៉ាន់ នីឡា រៀបការមិនទាន់បាន ១ អាទិត្យផង លោកតា វ៉ិចទ័រ ប្រាប់ថាចង់បានចៅ ព ឆាប់ៗ

បានផុស

៤ years មុន

នៅ

ថ្ងៃពុធ ២៣ មីនា ២០២២

ដោយ

តារាកំប្លែងវ័យក្មេងកូនស្រីបណ្តូលចិត្តលោក សុវណ្ណ រិទ្ធី ហៅលោកតា វ៉ិចទ័រ គឺអ្នកនាង វ៉ាន់ នីឡា កាលពីថ្ងៃទី១៩ ខែមីនា ឆ្នាំ ២០២២ កន្លងទៅបានសម្រេចក្តីសុបិនដោយបានចូលរោងការជាផ្លូវការហើយជាមួយស្វាមីវ័យប្រហែលគ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កត់សម្គាល់នៅក្នុងថ្ងៃសិរីមង្គលរបស់កូនក្រមុំ ដែលជាតារាកំប្លែង វ៉ាន់ នីឡា និងកូនកម្លោះរូបសង្ហាវ័យប្រហែលគ្នានេះ បើចាប់អារម្មណ៍ទៅមើលទិដ្ឋភាពមង្គលការ គឺបានរៀបចំតុបតែងយ៉ាងស្រស់ស្អាត។ កម្មវិធីនេះ បានរៀបចំធ្វើឡើងទៅតាមការណែនាំរបស់ក្រសួងសុខាភិបាលទាំងអស់ ទោះជាពេលនេះរាជរដ្ឋាភិបាលបានបើកឲ្យមានពិធីរៀបអាពាហ៍ពិពាហ៍ឡើងវិញក្ដី។

ដោយឡែកទន្ទឹមគ្នាដែលអ្នកនាង វ៉ាន់ នីឡា បានរៀបអាពាហ៍ពិពាហ៍រួចរាល់ហើយនោះក៏មានមតិ និងសំនួរមួយចំនួនពីរអ្នកគាំទ្រ និងមហាជនបានសួរនាំដែរថា ក្រោយពេលអាពាហ៍ពិពាហ៍ហើយតើតារាវ័យក្មេង វ៉ាន់ នីឡា នៅតែបន្តអាជីពកំប្លែងទៀតឬ មួយយ៉ាងណា? ខណៈមានអ្នកគាំទ្រខ្លះទៀតក៏បានសំណូមពរកុំឲ្យនាងឈប់ពីអាជីពមួយនេះផងដែរ។

ជុំវិញនិងចម្ងល់របស់មហាជនខាងលើនេះដែររហូតមកដល់ពេលនេះ គេនៅមិនទាន់ឃើញមានការបញ្ជាក់ពីអ្នកនាង វ៉ាន់ នីឡា ពាក់ព័ន្ធរឿងរ៉ាវនេះទេ។ ដោយឡែកបើតាមការលើកឡើងរបស់លោក សុវណ្ណ រិទ្ធី ហៅតា វ៉ិចទ័រ បានប្រាប់អ្នកព័ត៌មានឲ្យដឹងនាថ្ងៃមង្គលការកូនស្រីថា ត្រង់ចំណុចឈប់ឬត្រូវបន្តសិល្បៈ គឺអាស្រ័យលើការសម្រេចរបស់កូនស្រី (វ៉ាន់ នីឡា)។

លោកបន្តថា បើកូនស្រីចង់ប្រកបមុខរបរដោយខ្លួនឯង(រកស៊ី)ក៏សម្រេចតាមចិត្តកូនតែបើនាងនៅច ង់បន្តអាជីពកំប្លែង ក៏អាស្រ័យលើកូនពោលគឺ លោកក្នុងនាមជាឪពុកគ្រាន់តែចាំជួយជំរុញលើកទឹក ចិត្តពីក្រោយប៉ុណ្ណោះ។ ចំណែកពេលសួរថាក្រោយ នីឡា រៀបការរួចតើលោកចង់បានចៅពរដែរទេ? ចំណុចនេះលោកបញ្ជាក់ដោយខ្លីថា លោកពិតជាចង់បានចៅឆាប់ៗតែម្តង៕

អត្ថបទ៖ ចាន់រ៉ា

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា