ព័ត៌មានអន្ដរជាតិ

រន្ទះបាញ់យន្តហោះតារាចម្រៀង Miley Cyrus កំពុងហោះទៅប្រគំតន្ត្រីនៅប៉ារ៉ាហ្គាយ

បានផុស

៤ years មុន

នៅ

ថ្ងៃព្រហស្បតិ៍ ២៤ មីនា ២០២២

ដោយ

តារាចម្រៀងប៉ុបអាមេរិក នាង Miley Cyrus បាននិយាយនៅថ្ងៃពុធ ទី២៣ ខែមីនាថា យន្តហោះរបស់នាងត្រូវបានរន្ទះបាញ់ពេលកំពុងហោះហើរទៅកាន់ការប្រគំតន្ត្រីមួយនៅទីក្រុង Asuncion ប្រទេសប៉ារ៉ាហ្គាយដែលបង្ខំឲ្យយន្តហោះចុះចតជាបន្ទាន់។

តារាចម្រៀងបានសរសេរនៅលើ Twitter ថា ៖«ជូនចំពោះអ្នកគាំទ្ររបស់ខ្ញុំ និងអ្នករាល់គ្នាដែលព្រួយបារម្ភ បន្ទាប់ពីដឹងពីការហោះហើររបស់ខ្ញុំទៅទីក្រុង Asuncion។ យន្តហោះរបស់យើងបានជួបនឹងព្យុះមិននឹកស្មានដល់ និងត្រូវបានរន្ទះបាញ់»។ ការបង្ហោះរបស់នាងមានទាំងវីដេអូមួយតាមបង្អួចយន្តហោះបង្ហាញពីផ្លេកបន្ទោរនៅខាងក្រៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Cyrus បាននិយាយថា ៖«ក្រុមការងារ ក្រុមតន្ត្រី មិត្តភក្តិ និងគ្រួសាររបស់ខ្ញុំដែលកំពុងធ្វើដំណើរទាំងអស់គ្នាជាមួយខ្ញុំមានសុវត្ថិភាព បន្ទាប់ពីចុះចតបន្ទាន់»។

តារាចម្រៀង Cyrus ដែលមានអ្នកគាំទ្រតាម Twitter ចំនួន៤៦.៥លាននាក់គ្រោងទៅដល់អាកាសយានដ្ឋាន Silvio Pettirossi នាយប់ថ្ងៃអង្គារ៍ ជាយក្រុង Asuncion ដើម្បីចូលរួមសម្តែងក្នុងការប្រគំតន្ត្រីមួយនៅ Asuncionico ជាមួយអ្នកសិល្បៈផ្សេងៗទៀត។

លោក Felix Kanasawa ប្រធាននាយកដ្ឋានជាតិនៃអាកាសចរណ៍ស៊ីវិលប៉ារ៉ាហ្គាយបានប្រាប់អ្នកកាសែតក្នុងស្រុកថា អាកាសធាតុអាក្រក់ធ្វើឲ្យយន្តហោះចុះចតនៅអាកាសយានដ្ឋាន Guarani ជិតទីប្រជុំ Ciudad del Este ព្រំប្រទល់ជាប់ប្រទេសប្រេស៊ីល។

លោក Kanasawa បញ្ជាក់ថា ប៉ុន្មានម៉ោងក្រោយមក តារាចម្រៀង Cyrus ហោះហើរទៅកាន់ទីក្រុង Sao Paulo ប្រទេសប្រេស៊ីល៕

ប្រែសម្រួល៖ វីរបុត្រ
ប្រភព៖ Reuters

Related Topics:រន្ទះបាញ់

សេចក្ដីជូនដំណឹង១ សប្តាហ៍ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា