ព័ត៌មានអន្ដរជាតិ
អាមេរិកលុបចោលការធ្វើតេស្តមីស៊ីលឆ្លងទ្វីប ICBM ព្រោះភាពតានតឹងនុយក្លេអ៊ែររុស្ស៊ី
យោធាអាមេរិកបានលុបចោលគម្រោងបាញ់សាកល្បងមីស៊ីលឆ្លងទ្វីប (ICBM) Minuteman III របស់ខ្លួនដែលធ្លាប់បានពន្យារពេលម្តងហើយដោយសារភាពតានតឹងនុយក្លេអ៊ែរជាមួយប្រទេសរុស្ស៊ីអំឡុងពេលសង្គ្រាមនៅប្រទេសអ៊ុយក្រែន។ កងទ័ពជើងអាកាសបានប្រាប់ Reuters នៅថ្ងៃសុក្រ។
ដំបូងឡើយ មន្ទីរបញ្ចកោណបានប្រកាសពន្យារពេលធ្វើតេស្តកាលពីថ្ងៃទី២ ខែមីនា បន្ទាប់ពីរុស្ស៊ីបាននិយាយថា ខ្លួនកំពុងដាក់កម្លាំងទ័ពនុយក្លេអ៊ែរក្នុងការត្រៀមជើងការខ្ពស់។ ទីក្រុងវ៉ាស៊ីនតោនបាននិយាយនៅពេលនោះថា វាពិតជាសំខាន់ទាំងសហរដ្ឋអាមេរិក និងរុស្ស៊ី ឲ្យប្រាកដក្នុងចិត្តពីហានិភ័យនៃការគណនាខុស និងចាត់វិធានការដើម្បីកាត់បន្ថយហានិភ័យទាំងនោះ។
ប៉ុន្តែខ្លួនបានបញ្ជាក់ជាសាធារណៈថា គ្រាន់តែជាការពន្យារពេលខ្លីប៉ុណ្ណោះ និងមិនមែនជាការលុបចោលនោះទេ។
អ្នកនាំពាក្យកងទ័ពជើងអាកាសអាមេរិក អ្នកស្រី Ann Stefanek បាននិយាយថា ការសម្រេចចិត្តលុបចោលការបាញ់សាកល្បងមីស៊ីល LGM-30G Minuteman III នេះដោយសារហេតុផលដូចគ្នាទៅនឹងពេលដែលខ្លួនបានពន្យារពេលលើកទី១។ មីស៊ីល Minuteman III ថ្មីនេះត្រូវបានផ្លាស់ប្តូរកាលបរិច្ឆេទទៅធ្វើនៅចុងឆ្នាំនេះវិញ។
អ្នកស្រី Stefanek មានប្រសាសន៍ថា ៖«កងទ័ពជើងអាកាសជឿជាក់ក្នុងការត្រៀមខ្លួនរួចរាល់នៃកម្លាំងយុទ្ធសាស្ត្ររបស់សហរដ្ឋអាមេរិក»។
ការផ្លាស់ប្តូរកាលបរិច្ឆេទសម្រាប់កម្លាំង ICBM របស់អាមេរិកអាចជារឿងចម្រូងចម្រាស។ សមាជិកព្រឹទ្ធសភាអាមេរិក លោក Jim Inhofe ដែលជាសមាជិកគណបក្សប្រជាធិបតេយ្យកំពូលនៅក្នុងគណៈកម្មាធិការសេវាកម្មយោធាព្រឹទ្ធសភា បានបង្ហាញការខកចិត្តកាលពីខែមីនាជុំវិញការពន្យារពេលធ្វើតេស្តដោយលោកបាននិយាយថា ពិតជាសំខាន់ណាស់ដើម្បីធានាថា ការរារាំងនុយក្លេអ៊ែររបស់អាមេរិកនៅតែមានប្រសិទ្ធភាព។
លោក Jeffrey Lewis អ្នកស្រាវជ្រាវមីស៊ីលម្នាក់នៅមជ្ឈមណ្ឌល James Martin សម្រាប់ការសិក្សាមិនរីកសាយភាយ (CNS) បានបង្ហាញពីផលប៉ះពាល់នៃការលុបចោល។
«មានតម្លៃនៃការធ្វើតេស្ត តែខ្ញុំមិនគិតថា ការខកខានធ្វើតេស្តមួយនៅក្នុងផែនការធំគឺមិនមែនជារឿងធំនោះទេ»។ លោក Lewis បាននិយាយ និងបន្ថែមថា មីស៊ីល Minuteman III គឺគួរឲ្យទុកចិត្តបំផុត។
មីស៊ីល Minuteman III ដែលមានសមត្ថភាពនុយក្លេអ៊ែរគឺជាផ្នែកមួយដ៏សំខាន់នៃអាវុធយុទ្ធសាស្ត្ររបស់យោធាអាមេរិក និងអាចបាញ់បានចម្ងាយប្រមាណ៩៦៦០គីឡូម៉ែត្របូក និងអាចរត់ក្នុងល្បឿន២៤០០០គីឡូម៉ែត្រក្នុងមួយម៉ោង៕
ប្រែសម្រួល៖ វីរបុត្រ
ប្រភព៖ reuters
-
ព័ត៌មានអន្ដរជាតិ១ សប្តាហ៍ agoធ្លាក់យន្តហោះឯកជនមួយនៅអាមេរិក បណ្តាលឱ្យមនុស្សក្នុងយន្តហោះ ស្លាប់ទាំងអស់
-
ព័ត៌មានជាតិ៥ ថ្ងៃ agoថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ
-
សន្តិសុខសង្គម៦ ថ្ងៃ agoត្រួតពិនិត្យទីតាំងខុនដូ ១ កន្លែង រកឃើញជនជាតិវៀតណាម ៦ នាក់ ពាក់ព័ន្ធ Online Scams នៅខណ្ឌ ៧ មករា
-
ព័ត៌មានអន្ដរជាតិ៣ ថ្ងៃ agoអង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ
-
ព័ត៌មានអន្ដរជាតិ៦ ថ្ងៃ agoយន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់
-
ព័ត៌មានជាតិ១ សប្តាហ៍ agoអាជ្ញាធរខណ្ឌទួលគោក បន្តចុះត្រួតពិនិត្យទីតាំងលក់គ្រឿងទេស ត្រី សាច់បង្កក៤ទីតាំងបន្ថែមទៀត
-
ព័ត៌មានជាតិ៦ ថ្ងៃ agoក្រុមហ៊ុន Visa បានធ្វើបច្ចុប្បន្នភាពផែនទីសុវត្ថិភាពលើប្រព័ន្ធទូទាត់ប្រាក់ ដើម្បីបន្តកសាងទំនុកចិត្ត និងពង្រឹងភាពធន់ នៃប្រព័ន្ធទូទាត់តាមរយៈឌីជីថលនៅកម្ពុជា
-
ព័ត៌មានអន្ដរជាតិ៦ ថ្ងៃ agoទីបំផុត ថៃ ព្រមទៅ UN ដោយជ្រើសរើសអ្នកជំនាញ ២រូប ដើម្បីតតាំងជាមួយកម្ពុជា ក្រោមយន្តការ UNCLOS