ទីបំផុត រុស្ស៊ី ដាច់ចិត្តទម្លាយតួលេខអ្នកស្លាប់និងរបួស ក្នុងនាវាចម្បាំង​ Moskva

ក្រសួងការពារជាតិរុស្ស៊ី បានបញ្ជាក់ជាលើកដំបូងថា នាវិកនៃនាវាផ្ទុកមីស៊ីល Moskva បានស្លប់និងរងរបួស នៅពេលនាវាលិចកាលពីសប្តាហ៍មុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួងបាននិយាយថា “ទាហានម្នាក់ត្រូវបានសម្លាប់ ខណៈសមាជិកនាវិកចំនួន២៧ នាក់ផ្សេងទៀតបានបាត់ខ្លួន”។ ក្រសួងបន្ថែមថា “សមាជិកដែលនៅសល់៣៩៦នាក់ ត្រូវបានជម្លៀសចេញ”។

គួរបញ្ជាក់ថា កាលពីថ្ងៃទី១៥ខែមេសា ប្រទេសអ៊ុយក្រែន​ បានឲ្យដឹង​ថា ខ្លួន​បានបើក​ការ​វាយ​ប្រហារ​លើ​នាវាចម្បាំង Moskva ប៉ុន្តែ​រុស្ស៊ី​អះអាង​ថា គ្រាប់​រំសេវ​នៅ​លើ​នាវា​បាន​ផ្ទុះ។

នាវាចម្បាំង Moskva ត្រូវបានគេរាយការណ៍ថា កំពុងសណ្តោងទៅតំបន់ គ្រីមៀរ ដើម្បីជួសជុលនៅពេលនាវាលិចចូលទៅក្នុងសមុទ្រខ្មៅ។

នៅក្នុងសេចក្តីថ្លែងការណ៍មួយ យោធារុស្ស៊ីនិយាយថា “ក្នុងអំឡុងពេលអូសនាវា Moskva ទៅកាន់កំពង់ផែគោលដៅ, ដោយសារតែការខូចខាតដល់តួនាវា ក្រោយពេលមានការឆេះពីការផ្ទុះគ្រាប់រំសេវ នាវាក៏បាត់បង់ការគ្រប់គ្រង”។

ថ្វីបើមូលហេតុពិតប្រាកដនៅមិនទាន់ត្រូវបានគេដឹងក៏ដោយ ប៉ុន្តែរុស្ស៊ីបញ្ជាក់ថា នៅក្នុងលក្ខខណ្ឌទឹកសមុទ្រមានរលកធំៗ នាវាក៏បានលិចតែម្តង។

ការលិចនេះកើតឡើង បន្ទាប់ពីអ៊ុយក្រែន រាយការណ៍ថា ខ្លួនបានបាញ់មីស៊ីល Neptune ដាក់នាវា Moskva ហើយបង្កការខូចខាតយ៉ាងធ្ងន់ធ្ងរ៕

ប្រែសម្រួល៖ Vann Vann

ប្រភព៖ Al Jazeera

ចុចអាន៖ លោក Putin នឹងជួបពិភាក្សាដោយផ្ទាល់ជាមួយលោក Zelensky តែមានលក្ខខណ្ឌមួយ