កម្ពុជា-ថៃ​ បើក​ច្រក​ព្រំដែន​ប៉ោយប៉ែត​ឡើងវិញ​នៅថ្ងៃទី ១ ដើម​ខែឧសភា​នេះ ក្រោយ​បិទ​ជាង​ ២ ឆ្នាំ​ ដោយ​សារ​ជំងឺកូវីដ១៩​

លោក អ៊ុំ រាត្រី អភិបាលខេត្តបន្ទាយមានជ័យ​បានឱ្យដឹងថា​តាមការជូនដំណឹង​របស់ភាគីថៃ​តាម​ទូរស័ព្ទ​មិនទាន់មានជាលាយលក្ខ័អក្សរ​មករដ្ឋបាលខេត្តច្រកអន្តរជាតិប៉ោយប៉ែត​ដែលឈម​ខាង​ថៃច្រកខ្លងឡឹក​ប្រទេសថៃ នឹងត្រូវ​បើកឱ្យដំណើរការឆ្លងដែនចេញ-ចូល​រវាងប្រទេស​ទាំងពីរនៅ​ថ្ងៃទី១ ខែឧសភា២០២២​ខាងមុខនេះដោយ​អនុញ្ញាតឱ្យ​អ្នកប្រើប្រាស់លិខិតឆ្លង​ដែន និង​បណ្ណ័​ព្រំ​ដែន​ដែលមានសុពលភាព។

មន្ត្រីនគរបាលអន្តោប្រវេសន៍ច្រកទ្វារអន្តរជាតិប៉ោយប៉ែតបានឲ្យដឹងនៅព្រឹកថ្ងៃទី ២៩ ខែមេសាថាយោងតាមការឲ្យដឹងពីរដ្ឋបាលខេត្ត ចំពោះជំហានទីមួយភាគីថៃគឺអនុញ្ញាតឲ្យប្រើតែបណ្ណព្រំដែននិង​លិខិតឆ្លងដែនតែប៉ុណ្ណោះសម្រាប់​ប័ណ្ណ​ព្រំដែនគឺ កន្លង​មកអាចចូលបាន​ក្នុងរយៈពេល ៧ថ្ងៃឥឡូវនេះគឺខាងភាគីថៃអនុញ្ញាតឲ្យតែបីថ្ងៃតែប៉ុណ្ណោះចំពោះលិខិតឆ្លងដែនគឺអនុញ្ញាតឲ្យវបានរយះពេល១៤ថ្ងៃ។​

ដោយសារតែព្រំដែនបានបិទ​អស់រយះពេលជាច្រើនឆ្នាំដោយសារជំងឺឆ្លងកូវីដ១៩​ប័ណ្ណព្រំដែន​ភាគច្រើនដែលបងប្អូនប្រជាពលរដ្ឋមានត្រូវអស់សុពល​ភាពគឺមិនអនុញ្ញាតឲ្យឆ្លង​ដែន​បានឡើយតម្រូវឲ្យធ្វើថ្មីនៅសាលាខេត្តដោយភ្ជាប់​ជាមួយនឹងសៀវភៅប័ណ្ណព្រំដែន​ចាស់ដើម្បីឲ្យ​ភាគី​ថៃគេបិទ sticker ថ្មីសម្រាប់វ​រយៈពេល ៦ ខែទើបអាចអាចប្រើប័ណ្ណព្រំដែនចូលទៅក្នុងប្រទេសថៃបាន។ លើសពីនោះត្រូវមានកាតចាក់វ៉ាសាំងការពារជំងឺកូវីដ១៩ជាប់ជាមួយ។

​ដោយឡែកបើតាមលោក ឈឺន សុរិយា​ប្រធានច្រកចេញចូលតែមួយសាលាខេត្តបន្ទាយមានជ័យ​បានឱ្យដឹងថា​ចំពោះប័ណ្ណព្រំដែនដែលចេញដោយរដ្ឋបាលខេត្តបន្ទាយមានជ័យ​បើហួស​សុពលភាព​ត្រូវដាក់ពាក្យស្នើបន្តបានរយះពេលមួយឆ្នាំ។​តែបើផុតកំណត់រយៈ​ពេលបួនឆ្នាំ​ត្រូវធ្វើថ្មីក្នុងរយៈ​ពេល​៥​ថ្ងៃបាន។​តែដោយសារតែពេល​នេះបងប្អូន​សម្រុក​ចូលមកធ្វើច្រើន​អាចយូរ​លើសការ​កំ​ណត់​៕

​អត្ថបទ៖ ពៅ