សុខភាព
WHO៖ មិនទាន់តម្រូវឲ្យមានការវ៉ាក់សាំងបន្ទាន់ដើម្បីទប់ស្កាត់ជំងឺអុតស្វាទេ
អង្គការសុខភាពពិភពលោក (WHO) មិនជឿថា ការផ្ទុះជំងឺអុតស្វានៅខាងក្រៅតំបន់អាហ្វ្រិកតម្រូវឲ្យធ្វើការចាក់វ៉ាក់សាំងទ្រង់ទ្រាយធំបន្ទាន់នោះទេ ដោសារវិធានការដូចជាអនាម័យល្អ និងឥរិយាបថរួមភេទសុវត្ថិភាពនឹងគ្រប់គ្រងលើការរាលដាលជំងឺនេះបានហើយ។
កាលពីថ្ងៃចន្ទ ទី២៣ ខែឧសភា លោក Richard Pebody ប្រធានក្រុមភ្នាក់ងារបង្ករោគគំរាមកំហែងខ្ពស់របស់ WHO ប្រចាំតំបន់អឺរ៉ុបបាននិយាយថា តម្រូវការផ្គត់ផ្គង់វ៉ាក់សាំង និងថ្នាំកម្ចាត់វីរុសនេះភ្លាមៗមានកម្រិតតិចតួចណាស់។
ការលើកឡើងរបស់លោកបានកើតមានឡើង ស្របពេលមជ្ឈមណ្ឌលគ្រប់គ្រង និងបង្ការជំងឺអាមេរិកបាននិយាយថា ខ្លួនស្ថិតក្នុងដំណើរការនៃការបញ្ចេញវ៉ាក់សាំង Jynneos មួយចំនួនសម្រាប់ប្រើការពារនឹងករណីជំងឺអុតស្វា។
កាលពីថ្ងៃចន្ទ រដ្ឋាភិបាលអាល្លឺម៉ង់បាននិយាយថា ខ្លួនកំពុងវាយតម្លៃពីជម្រើសសម្រាប់ការចាក់វ៉ាក់សាំង ខណៈចក្រភពអង់គ្លេសក៏ផ្តល់វ៉ាក់សាំងទៅបុគ្គលិកសុខាភិបាលមួយចំនួនដែរ។
អាជ្ញាធរសុខភាពសាធារណៈនៅអឺរ៉ុប និងអាមេរិកខាងជើងកំពុងធ្វើការស៊ើបអង្កេតលើករណីសង្ស័យ និងបញ្ជាក់ជាង១០០ដែលជាការផ្ទុះធ្ងន់ធ្ងរនៅក្រៅតំបន់អាហ្វ្រិក។
លោក Pebody បាននិយាយថា វិធានការចម្បងដើម្បីទប់ស្កាត់ការរីករាលដាលជំងឺនេះគឺតាមដានទំនាក់ទំនង និងដាក់នៅដាច់ដោយឡែក។ វាមិនមែនជាប្រភេទវីរុសងាយឆ្លងនោះទេ ហើយក៏ជាជំងឺមិនធ្ងន់ធ្ងរដែរ។ វ៉ាក់សាំងដែលប្រើការពារជំងឺនេះអាចមានប្រសិទ្ធភាពល្អ។
វាមិនច្បាស់ទេពីអ្វីដែលជំរុញឲ្យផ្ទុះឡើង ខណៈអ្នកវិទ្យាសាស្ត្រកំពុងព្យាយាមស្វែងយល់ពីប្រភពនៃករណីកើតមានឡើង និងថាតើវីរុសនេះមានបំប្លែងខ្លួនដែរឬទេ។ ទោះជាយ៉ាងណា អង្គការសុខភាពពិភពលោកបានបញ្ជាក់ថា មិនមានភស្តុតាងអ្វីមួយដែលបញ្ជាក់ពីវីរុសអុតស្វាមានការបំប្លែងខ្លួនឡើយដោយកត់សំគាល់ថា ជំងឺឆ្លងដែលកើតមាននៅអាហ្វ្រិកខាងលិច និងអាហ្វ្រិកកណ្តាលមាននិន្នាការមិនប្រែប្រួលទេ៕
ប្រែសម្រួល៖ វីរបុត្រ
ប្រភព៖ Reuters
-
ព័ត៌មានជាតិ៦ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៤ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានជាតិ៦ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ២ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ១ សប្តាហ៍ ago៣ ថ្ងៃចូលឆ្នាំថ្មី ខេត្តក្រចេះទទួលទេសចរមកកម្សាន្តប្រមាណ ៦៩ ៩៦២ នាក់ ខណៈព្រែកកាំពីជាគោលដៅទាក់ទាញបំផុត
-
ព័ត៌មានអន្ដរជាតិ១ សប្តាហ៍ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
ព័ត៌មានជាតិ៦ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម៨ ម៉ោង agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ