Putin ព្រមានពីភាពធ្ងន់ធ្ងរបន្ថែមទៀត បើលោកខាងលិចនៅតែផ្ដល់អាវុធឲ្យ អ៊ុយក្រែន

ក្នុងការពិភាក្សាតាមទូរស័ព្ទជាមួយប្រធានាធិបតីបារាំង Emmanuel Macron និងអធិការបតីអាល្លឺម៉ង់លោក Olaf Scholz កាលពីថ្ងៃសៅរ៍, ប្រធានាធិបតីរុស្ស៊ីលោក Vladimir Putin ព្រមានថា ជំនួយយោធាបន្ថែមទៀតសម្រាប់អ៊ុយក្រែននឹងធ្វើឲ្យស្ថានការណ៍កាន់តែអស្ថិរភាព និងធ្វើឲ្យវិបត្តិមនុស្សធម៌កាន់តែធ្ងន់ធ្ងរឡើង ។

វិមានក្រឹមឡាំងបាននិយាយថា លោក Putin បានព្រមានអំពីគ្រោះថ្នាក់នេះ បន្ទាប់ពីអ៊ុយក្រែនកំពុងទទួលបានអាវុធថ្មីៗបន្ថែមទៀតពីលោកខាងលិច ។

ក្នុងកិច្ចពិភាក្សានោះដែរលោក Macron និងលោក Scholz ក៏បានជំរុញឲ្យលោក Putin ដកការបិទច្រកសមុទ្ររបស់អ៊ុយក្រែននៅលើសមុទ្រខ្មៅ ខណៈទីក្រុងមូស្គូក៏ត្រៀមខ្លួនជាស្រេចដើម្បីជួយស្វែងរកជម្រើសសម្រាប់ការនាំចេញគ្រាប់ធញ្ញជាតិដែលមិនមានការរារាំង រួមទាំងការនាំចេញគ្រាប់ធញ្ញជាតិអ៊ុយក្រែនពីកំពង់ផែសមុទ្រខ្មៅផងដែរ ។

ទន្ទឹមនោះលោក ពូទីន ក៏បានទទូចដែរថា ទណ្ឌកម្មប្រឆាំងនឹងរុស្ស៊ីគួរតែត្រូវបានដកចេញផងដែរដើម្បីការពារវិបត្តិស្បៀងអាហារពិភពលោក ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ លោក ពូទីន ចុះសួរសុខទុក្ខទាហាន រុស្ស៊ី ដែលរងរបួសក្នុងសង្គ្រាមនៅ អ៊ុយក្រែន