នយោបាយ

គ.ជ.ប សម្រេចលុបចោលការផាកពិន័យឈ្មោះ គង់ រ៉ៃយ៉ា និងរក្សាឈ្មោះក្នុងបញ្ជីបេក្ខជនគណបក្សភ្លើងទៀនទាំង១៥រូប

បានផុស

៤ years មុន

នៅ

ថ្ងៃព្រហស្បតិ៍ ២ មិថុនា ២០២២

ដោយ

ក្រុមប្រឹក្សាជំនុំជម្រះគណៈកម្មាធិការជាតិរៀបចំការបោះឆ្នោត (គ.ជ.ប) នៅរសៀលថ្ងៃទី០២ ខែមិថុនា ឆ្នាំ២០២២នេះ បានបើកសវនាការជាសាធារណៈ ដើម្បីជំនុំជម្រះលើសំណុំរឿងចំនួន២ ដែលមានលេខ១៤៨ និងលេខ១៤៩ ចុះថ្ងៃទី៣០ ខែឧសភា ឆ្នាំ២០២២ ហើយសមាសភាពក្រុមប្រឹក្សាជំនុំជម្រះ មានលោក ប្រាជ្ញ ចន្ទ ជាប្រធាន លោក នុត សុខុម និងសមាជិក គ.ជ.ប ចំនួន៧ រូបទៀត ជាសមាជិកក្រុមប្រឹក្សាជំនុំជម្រះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពាក្យបណ្ដឹងទាំង២ខាងលើនេះ មានកម្មវត្ថុប្ដឹងតវ៉ា និងប្ដឹងជំទាស់នឹងសេចក្ដីសម្រេចរបស់គណៈកម្មការរៀបចំការបោះឆ្នោតខេត្តកំពង់ចាម ពាក់ព័ន្ធនឹងសកម្មភាពរបស់បេក្ខជន នៃគណបក្សភ្លើងទៀន ក្នុងអំឡុងពេល នៃការឃោសនាបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ នៅស្រុកកងមាស ខេត្តកំពង់ចាម។

ជាលទ្ធផលក្នុងសវនាការនេះ ក្រុមប្រឹក្សាជំនុំជម្រះ គ.ជ.ប បានសម្រេច ទី១, ទទួលយកពាក្យបណ្តឹងរបស់លោកគង់ រ៉ៃយ៉ា ដែល គ.ជ.ប ទទួលបបានកាលពីថ្ងៃទី៣០ ខែឧសភា ឆ្នាំ២០២២ ទុកជាត្រឹមត្រូវតាមទម្រង់ និងគតិច្បាប់។

ទី២, ទទួលយកពាក្យបណ្តឹងរបស់មេធាវី គា អ៊ាវ ដែល គ.ជ.ប ទទួលបបានកាលពីថ្ងៃទី៣០ ខែឧសភា ឆ្នាំ២០២២ ទុកជាត្រឹមត្រូវតាមទម្រង់ច្បាប់ ប៉ុន្តែបដិសេធចោលដោយផ្ទុយនឹងគតិច្បាប់។

ទី៣, លុបចោលការផាកពិន័យឈ្មោះ គង់ រ៉ៃយ៉ា ចំនួន៥លានរៀល។

ទី៤, រក្សាសិទ្ធិបោះឆ្នោត និងរក្សាឈ្មោះក្នុងបញ្ជីបេក្ខជនគណបក្សភ្លើងទៀនទាំង១៥រូប។

ទី៥, សេចក្តីសម្រេចនេះ ជំនុំជម្រះ និងប្រកាសជាសាធារណៈ នៅថ្ងៃទី០២ ខែមិថុនា ឆ្នាំ២០២២ កំបាំងមុខគូភាគី នៅចំពោះមុខមេធាវីតំណាង ជាសេចក្តីសម្រេចស្ថាពរបិទផ្លូវតវ៉ា៕

ដោយ ៖ កោះកែវ

សេចក្ដីជូនដំណឹង៧ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា