ព័ត៌មានអន្ដរជាតិ

សង្គ្រាមនៅ អ៊ុយក្រែន នឹងចប់ឆាប់ៗ បើ អង់គ្លេស គិតថា គ្មានលទ្ធភាពឈ្នះ រុស្ស៊ី

បានផុស

៣ years មុន

នៅ

ថ្ងៃសៅរ៍ ១៦ កក្កដា ២០២២

ដោយ

អគ្គរដ្ឋទូតរុស្ស៊ីប្រចាំទីក្រុងឡុងដ៍លោក Andrei Kelin បាននិយាយថា “ជម្លោះនៅអ៊ុយក្រែននឹងបញ្ចប់ ហើយអាចនឹងបញ្ចប់ក្នុងពេលឆាប់ៗនេះតែម្ដង ប្រសិនបើចក្រភពអង់គ្លេសយល់ថា គ្មានលទ្ធភាពឈ្នះលើរុស្ស៊ី“ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបានប្រាប់សារព័ត៌មាន Sky News ថា សព្វាវុធដែលផ្គត់ផ្គង់ដោយចក្រភពអង់គ្លេសទៅឲ្យអ៊ុយក្រែនបច្ចុប្បន្ននេះកំពុងត្រូវបានប្រើប្រាស់ដើម្បីបាញ់ផ្លោងលើជនស៊ីវិលនៅក្នុងតំបន់ Donbas ភាគខាងកើតអ៊ុយក្រែន ហើយនេះជាមូលហេតុដែលសង្គ្រាមអ៊ុយក្រែននឹងអូសបន្លាយពេលទៀត ។

លោក Kelin បញ្ជាក់ថា “ជម្លោះនៅអ៊ុយក្រែននឹងអូសបន្លាយពេលផងដែរ ប្រសិនបើចក្រភពអង់គ្លេសនឹងបន្តផ្គត់ផ្គង់អាវុធឲ្យអ៊ុយក្រែន ខណៈដែលឥឡូវនេះរដ្ឋាភិបាលទីក្រុងកៀវកំពុងប្រើប្រាស់វាសម្រាប់ការបាញ់ផ្លោងលើទីក្រុង និងជនស៊ីវិលនៅតំបន់ Donbas និងក្នុងតំបន់ផ្សេងទៀត“ ។

គួររំឭកថា ប្រទេសរុស្ស៊ីបានចាប់ផ្តើមប្រតិបត្តិការយោធាពិសេសរបស់ខ្លួននៅក្នុងប្រទេសអ៊ុយក្រែនកាលថ្ងៃទី ២៤ ខែកុម្ភៈ បន្ទាប់ពីសាធារណរដ្ឋប្រជាមានិត Donetsk និង Luhansk បានអំពាវនាវសុំជំនួយក្នុងការការពារខ្លួនប្រឆាំងនឹងការបង្កហេតុរបស់អ៊ុយក្រែន ។

ប៉ុន្តែជាការឆ្លើយតបទៅនឹងប្រតិបត្តិការរបស់រុស្ស៊ី បណ្តាប្រទេសលោកខាងលិចក៏បានដាក់ចេញនូវយុទ្ធនាការដាក់ទណ្ឌកម្មទ្រង់ទ្រាយធំប្រឆាំងនឹងទីក្រុងមូស្គូ ហើយបាននិងកំពុងផ្គត់ផ្គង់អាវុធដល់អ៊ុយក្រែនផងដែរ ៕