លោក Biden ថា រុស្ស៊ី ត្រូវតែបរាជ័យក្នុងសង្រ្គាម អ៊ុយក្រែន ព្រោះតែស្នាដៃរបស់ អាមេរិក

លោកប្រធានាធិបតី Joe Biden បាននិយាយកាលពីថ្ងៃព្រហស្បតិ៍ថា សហរដ្ឋអាមេរិកនឹងបន្តផ្តល់ការគាំទ្រដល់អ៊ុយក្រែន ដើម្បីធ្វើឲ្យប្រទេសរុស្ស៊ីទទួលរងនូវការបរាជ័យដ៏ធ្ងន់ធ្ងរក្នុងជម្លោះនេះ ។

លោក Biden បានថ្លែងនៅក្នុងសន្និសីទកាសែតជាមួយនាយករដ្ឋមន្ត្រីអ៊ីស្រាអែលលោក Yair Lapid ថា “សង្រ្គាមរបស់លោក Vladimir Putin ត្រូវតែបរាជ័យជាយុទ្ធសាស្ត្រ ដោយសារតែការបន្តគាំទ្ររបស់សហរដ្ឋអាមេរិកទៅដល់រដ្ឋាភិបាលទីក្រុងកៀវ និងប្រជាជនអ៊ុយក្រែន” ។

ទន្ទឹមនោះការលើកឡើងរបស់លោក Biden កើតឡើងតែប៉ុន្មា​នថ្ងៃប៉ុណ្ណោះ បន្ទាប់ពីសហរដ្ឋអាមេរិកប្ដេជ្ញាផ្ដល់ជំនួយយោធាថ្មីចំនួន ៤០០ លានដុល្លារបន្ថែមទៀតដល់អ៊ុយក្រែន ដោយនាំឲ្យចំនួនជំនួយសរុបកើនដល់ទៅជាង ៧ ពាន់លានដុល្លារ ។

ស្របពេលជាមួយគ្នានេះ វាក៏ជាកញ្ចប់ជំនួយយោធាលើកទី ១៥ របស់ក្រសួងការពារជាតិសហរដ្ឋអាមេរិកផងដែរ ដែលត្រូវបញ្ចេញពីស្តុកផ្ដល់ទៅឲ្យអ៊ុយក្រែនដើម្បីការពារខ្លួន ចាប់តាំងពីខែសីហា ឆ្នាំ២០២១” ។

គួរបញ្ជាក់ថា រហូតមកដល់ពេលនេះសង្គ្រាមរវាងរុស្ស៊ី និងអ៊ុយក្រែនដែលលោកប្រធានាធិបតី វ្ល៉ាឌីមៀ ពូទីន ចាត់ទុកជាប្រតិបត្តិការយោធាពិសេសបានអូសបន្លាយពេលជិត ៥ ខែមកហើយ ក្រោយផ្ទុះការលុកលុយរបស់កងកម្លាំងទីក្រុងមូស្គូលើទីក្រុងកៀវកាលពីថ្ងៃទី ២៤ ខែកុម្ភៈ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ អាមេរិក នឹងប្រើកម្លាំងយោធាជា “មធ្យោបាយចុងក្រោយ” រារាំងមហិច្ឆតា នុយក្លេអ៊ែររបស់ អ៊ីរ៉ង់