កីឡា

ថ្ងៃនេះ ភ្នំពេញហ្គាឡាក់ស៊ី ឬអាស៊ីអឺរ៉ុប ឡើងវគ្គថ្នាក់ជាតិ Hun Sen Cup?

បានផុស

៤ years មុន

នៅ

ថ្ងៃពុធ ២០ កក្កដា ២០២២

ដោយ

នៅកីឡដ្ឋាន អេអ៉ីយូ ស្ពងផាក វេលាម៉ោង៣:៣០នាទីរសៀលថ្ងៃពុធ ទី២០ កក្កដានេះ ក្រុមភ្នំពេញហ្គាឡាក់ស៊ី និង អាស៊ីអឺរ៉ុប ត្រូវប្រជែងគ្នានៅជើងទី២ដើម្បីកាត់សេចក្តីរកក្រុមឡើងទៅវគ្គថ្នាក់ជាតិ បន្ទាប់ពីជើងទី១ ភ្នំពេញហ្គាឡាក់ស៊ីបានយកឈ្នះដោយលទ្ធផល ២-១ ក្នុងវគ្គជម្រុះថ្នាក់ជាតិពានរង្វាន់សម្តេចតេជោ ហ៊ុន សែន លើកទី១៦ ឆ្នាំ២០២២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ភ្នំពេញហ្គាឡាក់ស៊ីបានក្លាយជាក្រុមជាប់មកពីថ្នាក់ខេត្តតែមួយគត់ដែលបានយកឈ្នះលើក្រុមដែលកំពុងលេងនៅក្នុងក្របខណ្ឌលីគកម្ពុជាទី២គឺអាស៊ី អឺរ៉ុប ដោយលទ្ធផល ២-១ ក្នុងវគ្គជម្រុះថ្នាក់ជាតិ កាលពីជើងទី១ ហើយជាក្រុមមកពីខេត្តតែមួយគត់ដែលមានសង្ឃឹមឡើងទៅវគ្គថ្នាក់ជាតិពានរង្វាន់សម្តេចតេជោ ហ៊ុន សែន ឆ្នាំ២០២២នេះ។

ការប្រកួតរវាងភ្នំពេញហ្គាឡាក់ស៊ី និង អាស៊ីអឺរ៉ុប កាលពីជើងទី១

រហូតដល់ពេលនេះរកឃើញក្រុមចំនួន៧ហើយដែលត្រូវឡើងទៅវគ្គថ្នាក់ជាតិដែលត្រូវជួបប្រកួតជាមួយក្លឹបលីគកំពូលកម្ពុជាទាំង៨។ រវាងក្រុមអាស៊ីអឺរ៉ុប និងភ្នំពេញហ្គាឡាក់ស៊ី នឹងមានមួយឡើងទៅជួបណាហ្គាវើលដ៍នៅវគ្គថ្នាក់ជាតិ។

សូមបញ្ជាក់ថា ពានរង្វាន់សម្ដេចអគ្គមហាសេនាបតីតេជោហ៊ុន សែន លើកទី១៦ ឆ្នាំ ២០២២ មានការប្រកួត៣ដំណាក់កាល និងរូបមន្តខុសពីឆ្នាំមុនៗ។ ដំណាក់កាលទី១ ការប្រកួតថ្នាក់ខេត្តដែលមាន១៧ក្រុមមកពី ២៥ រាជធានី-ខេត្ត។ ដំណាក់កាលទី២ ក្រុមកំពូលទាំង៤នៅថ្នាក់ខេត្តគឺក្រុមលេខ១ ដល់៤ ត្រូវឡើងមកប្រកួតជម្រុះថ្នាក់ជាតិជាមួយក្រុម៨នៅលីគទី២ ដើម្បីយកក្រុម៨ឡើងទៅដំណាក់កាលទី៣គឺជាការប្រកួតថ្នាក់ជាតិមួយក្លឹបទាំង៨ប្រចាំលីគកំពូលកម្ពុជា៕

គូប្រកួតថ្នាក់ជាតិ

សូលទីឡូអង្គរ Vs ព្រះខ័នរាជស្វាយរៀង
សៀមរាបអែហ្វស៊ី Vs វិសាខា
អាស៊ីអឺរ៉ុប ឬភ្នំពេញហ្គាឡាក់ស៊ី Vs ណាហ្គាវើលដ៍
អាយ អេស អាយ ដង្កោសែនជ័យ Vs បឹងកេត
កោះកុងអែហ្វស៊ី Vs អង្គរថាយហ្គឺរ
ព្រែវែងអែហ្វស៊ី Vs ភ្នំពេញក្រោន
នគរបាលជាតិ Vs កងយោធពលខេមរភូមិន្ទ
អគ្គិសនីកម្ពុជា Vs គិរីវង់សុខសែនជ័យ

អត្ថបទ៖ វីរបុត្រ

សេចក្ដីជូនដំណឹង៧ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា